شقق فندقية او سكن عائلي مؤقت

السلام عليكم
ان شاء الله انا ماشي لمدينة اوتاوا و دراسة اللغة في جامعة اوتاوا بالله اي حد في اوتاوا او ماشي ممكن يعرف شقق فندقية او سكن عائلي مؤقت مثلا لمدة 10 ايام او اسبوعين و الافضل تكون قربية من جامعة اوتاوا الي حين الحصول على منزل او شقة للايجار و ايضا المساعدة في الامكان الجيدة للسكن العائلي
و لكم منا جزيل الشكر

السلام عليكم: اخي اني لدي صديقة ليها شهرين في اوتوا قالتلي انها اول ما وصلت اجرت شقة مفروشة دار وصالة (مطبخ+ حمام) في السنتر وقريبة جدا للجامعة بـ 1600 شامل النت والتلفزيون والكهرباء والتدفئة، بعدين قالتلي مامشاش معاها الحال، لأنها اتصور لتوا ما نزلتلهاش المنحة ، فغيرت وبعدت شوية عن السنتر واجرت شقة بدون فرش بـ 1000 شامل الكهرباء والتدفئة، اما النت لا.
اني اعتقد ان لما الواحد بيأجر شقة بدون عقد ولمدة بسيطة اكيد صاحبها بيبسنس فيها ولهذا كل ما كان الايجار بعقد ولمدة طويلة اكيد فيه ارخص، المهم انك اتكون متأكد انك مش حتغير المدينة في المدة الاولى.
كذلك ذكرت لي صديقتي بأن كل شيْ متوفر وأنها صدمت من أشياء موجودة عندهم حتى من الكسكسي صناعة كندية والتوابل، ممكن اتجيب معاك بعض الحاجات اللي اتمشي بها الايامات الاولى، بالنسبة للشقق الفندقية يمكنك الاطلاع على هذا الموقع:  http://www.booking.com

السلام عليكم اولا تاريخ الوصول الي اوتوا امتا إن شـاء الله كلمني وحاضر علي الخاص