تنبيه للمسافرين علي الخطوط التركية

اولا زمن الرحلة من اسطنبول الي تورونتو 11 ساعة تقريبا فيفضل تحجزوا بزنس لأن العادية متعبة جدا وانا حصلت فيها وثانيا ترفعوا معاكم اكل علي الاقل فواكه او عصائر وخاصة اذا كان فيه عندكم مرافقين اطفال وثالثا ان لا تكون وزن الحقيبة اكثر من 23 كيلو والا ستظطروا الي شراء حقائب جديدة وتقسيم حقائبكم الي اثنين كما حصل معي كذلك لاني لا اعلم بهذه الأمور الا في المطار كانت عندي حقيبة توزن 35 كيلوا قالولي ممنوع لازم ما تقسمها الي اثنين. ربي يوفقكم ان شاء الله

شكرًا على نصائحك ..بس علاش نرفعو اكل ؟هل لساعات الترانزيت ام للطيارة

خوي كولد الفرق بين الايكيونومي اللي حاجزينه البعتات والبزينس شفته لقيته قريب علي 2000 جنيه !!!!!

فتحت موقع الخطوط التركية ولقيت فيها الأسعار الآتية
(الاقتصادية) سعر التذكرة (طرابلس تورونتو) = 849 دولار
(الاقتصادية المريحة) سعر التذكرة (طرابلس تورونتو)= 979 دولار
(البزنس) سعر التذكرة (طرابلس تورونتو)= 1689 دولار
تقدروا تديروا رحلة افتراضية على اللينك التالي وتشوفوا الأسعار
https://online.turkishairlines.com/internet-booking/

انا مشيت ع التركية في بداية شعر 4 طبعا درجة اقتصادية لان البزنس الخطوط التركية طلبوا زيادة 1200 دينار عموما رحلتي كانت فيها ترانزيت 24 ساعة في تركيا والفندقزع حساب الخطوط وكان فندق ممتاز الحق؛ الرحلة من اسطنبول تورنتو استغرقت 10 ساعات وكانت معقولة نوعا ما يعني الطيارة فيها نت فري وفيها لكل راكب شاشة يشاهد مايبي فيه حتى قنوات تلفزيونية مباشرة وعربية وبالنسبة للاكل جابولنا وجبتين معقولات نوعا ما والعصاير والمشروبات والمية شبه ديما يعني الحق كخدمات تعتبر جيدة جدا حاجة واحدة الرحلة طويلة وبالتالي الصغار يقلقوا ويقعدوا يبكوا في الطيارة وهدا الشي قد يكون مزعج احيانا

i.thesecret كتب:

انا مشيت ع التركية في بداية شعر 4 طبعا درجة اقتصادية لان البزنس الخطوط التركية طلبوا زيادة 1200 دينار عموما رحلتي كانت فيها ترانزيت 24 ساعة في تركيا والفندقزع حساب الخطوط وكان فندق ممتاز الحق؛ الرحلة من اسطنبول تورنتو استغرقت 10 ساعات وكانت معقولة نوعا ما يعني الطيارة فيها نت فري وفيها لكل راكب شاشة يشاهد مايبي فيه حتى قنوات تلفزيونية مباشرة وعربية وبالنسبة للاكل جابولنا وجبتين معقولات نوعا ما والعصاير والمشروبات والمية شبه ديما يعني الحق كخدمات تعتبر جيدة جدا حاجة واحدة الرحلة طويلة وبالتالي الصغار يقلقوا ويقعدوا يبكوا في الطيارة وهدا الشي قد يكون مزعج احيانا

السلام عليكم
بالله بنسالك هل الفندق قالولك ادفع ثمن خدمه اضافيه علي الثلاجه اللي في الحجره لان انا صارت معيا

اختي احلام الاختلاف علي حسب زي ماقلتي من 1500 فما فوق علي حسب نوع البزنس مخفض مرتفع متوسط كان هكي نقدرو نصنفوه البزنس ... ومن 1500 فما فوق .....شفت هكي وخلاص عندهم مش اكيد كان الفرق 2000 مسكرات علي الدرجة البزنس اللي موجوده وقتها

بعدين وينه الي بيخلص 1000 باش يغير وطالب ؟؟ماهو نقعد ايكونومي وربي يصبرني ولا نستني الانجليزية ^_^


خوي احمد اي شيء بتاخده من التلاجة الي في الغرفة بينحسبلك دبل وهو الاول يشوفوه في كل مكان مش تركيا بس

شيشة المية بتاع ربع جنيه عندنا يديروهالك 6 دولار @_@

ميار احمد كتب:

شكرًا على نصائحك ..بس علاش نرفعو اكل ؟هل لساعات الترانزيت ام  للطيارة

ترفعوا اكل لأن زمن الرحلة طويل واجد و يعطوك وجبة في اول الرحلة ووجبة في اخرها قبل الهبوط بساعة او ساعة ونص يعني بتقعدوا حوالي 8 او 9 ساعات بدون اكل وخاصة للي ما يحبش ياكل حاجة غريبة او ما يحبش اكل الطائرة وخاصة الأطفال

لا انا ما قلتش ان الخطوط التركية سيئة ممكن فهمتوني غلط اني نبهت علي نقاط مروا بيا بيش البقية ياخذوا احتياطهم والله ولي التوفيق