ارجو المساعده

انا موفد جديد واريد تغير الساحة الي ماليزيا وانا متزوج هل يوجد تعقيدات او مشاكل في الساحة الماليزية وشكرا .

نصيحه لوجه الله تعالى لا تفكر في ماليزيا حتى في الحلم انا غيرة الساحة من سوريا الى ماليزيا وكملت كل شئ في لخير طلع فيه تاشيرة لازم ناخدها من الدولة الماليزية وتو لي ثلاث شهور حتى التذاكر حجزتها ما زال ما جت التاشيره تو بنغير الساحة مرة ثالث وما ني عارفة شن اندير تعب للمرة الثالثة وانتى عارف البعثاث واجراءاتها .

السلام عليكم ورحمة الله

للأسف ماليزيا تعقيد في الإجراءات، فمثلا لما تاخد التأشيرة من معهد لغة معين لازم تقرا عنده وكان تبي تغير يلغولك التأشيرة ولما تبي تنتقل للجامعة  لازم ترجع لبلادك أو تكون خارج ماليزيا بيش تحصل البروفل اللي بيعطوك على أساسه التأشيره.
لكن في بعض الجامعات فيها مراكز لغة لما تكمل اللغة تدخل على الدراسة الاكاديمية وما تحتاجش لتأشيرة أخرى لان هما نفسهم حيمددولك مدة التأشيرة
بالنسبة لمعهد els كويس بس مش قوي في المحادثة، ولكن قوى في الكتابة والقراءة
ويقولوا أن الدراسة في أندونيسيا أفضل وأرخص من ماليزيا
وانا لا انصح بماليزيا ابدا وخاصة لأصحاب العائلات لأنهم معقدين جدا في اجراءات العائلة بالذات وكل مرة براي
وأما العاصمة كوالا فالإسلام فيها حسب مارأيت ممكن بالبطاقة الشخصية فقط والجو ضغط ورطوبة وزحمة -
أسأل الله أن يحفظ ليبيا بأهلها الطيبين أمثالكم وبجوها الرائع وأن يعم الأمن والأمان بها. آمين .....
والله الميسر