استفسار عن تأخر الكشف الطبي

السلام عليكم
اني قدمت عالتاشيرة يوم8-6-2014 ولعند اليوم 8-7-2014ماجتنيش رسالة على موعد الكشف الطبي معليشي اذا ممكن اتفيدوني من تجاربكم او اي معلومة عندكم ان التأخير عادي ولا في مشكلة لاني حسب ماسمعت ان موعد الكشف الطبي ديما ايجي بعد اسبوعين من التقديم

وعليكم السلام ...
اذا كان قدمتي التاشيره الكنديه عالنت بعد يومين يجيك ع ايميلك الكشف الطبي واسرع من التقديم من مكتبهم...اما إذا كان قدمتي هني في ليبيا فلازم يعطل خاصتا بعد المشاكل الماليه اللي صايره بين البعتات والمكتب الكندي وحكومتهم..ننصحك تصبري شوي ع تقديم التاشيره..والمره الجايه خوديها عالنت افضل..بالنسبه ليا مشيت قدمت من الاردن وعالنت قعدت عشره ايام وروحت بعد تميت فحوصات الكشف الطبي..وبعد 37 يوم وصلني ايميل يبو الباسبورت لختم التاشيره..مشيت لسفارتهم في برج طرابلس وبعد ساعتين خديتها.....ربي يوفقك ان شاء الله.

مشكوور خوي عالمعلومات اني قدمت مباشرة من ليبيا والله ربي يستر وخلاص

ارجوكم اللي عنده اي معلومة ايفيدني بيها

ام عبدوو كتب:

ارجوكم اللي عنده اي معلومة ايفيدني بيها

توجد مشاكل بين المكتب الكندي و الجانب الليبي بسبب التحويلات المالية ، و أعتقد أن المكتب الكندي قد خاطب السفارة الكندية بعدم استكمال إجراءات الطلبة المقدمين على التأشيرة حتى يتم تسوية هذه المشكلة ، أني قدمت عن طريق المكتب مثلك في شهر 4 والكشف الطبي جاني بعد 11 يوم و وصل إلى لندن يوم 2 / 5 وإلى حد الآن لم يصلني شيء، الحقيقة ساحة مشاكل وإذا كنت راغبة فيها فعليك بالصبر . 
ربي يوفقك .