استفسار للمرافق

السلام عليكم ..

انا طالب بكالوريوس اختي عندها بعثه لكندا وتبيني نكون معاها مرافق فابالله عليكم حد يقولي شن هن الأجراءات اللي مطلوبات مني كمرافق اخ .. وهل نقدر لو طولت دراستي اكثر من اختي اللي تدرس في ماستر نفصل روحي من عليها لو تفوقت ؟ ارجو منكم اجابات واضحه وشكر الله سعيكم

اخى العزيز بالنسبة اليك دراسة المرافق حاليا بالواسطة من اداراة البعتات حيت بعد ماتصل الى كندا يبعت المكتب الكندى اسمك للبعتات وربي يصبرك لان البعتات ما تردش وما تبعت الى الى عنده واسطه في البعتات او الى عنده شويه حظ من الأخير انت والنصيب وبالنسبة ليك كاجراءات تبي قبول لغة ورسالة الدعم المالى امتاع اختك تدكر فيها كمرافق وجواز صالح وشهادة براءة والشهادة التانوية امتاعك باش تعطيها للسفارة هي وكشف الدرجات وان شا الله ربي يسرلك

والله يااخي بارك الله فيك .. بس انا شن ذنبي اذا كنت مواطن بسيط وماعنديش واسطه !! انا قبل مسافر لألمانيا علي حسابي الشخصي بس لما طلعت بعثه لأختي قررت نمشي معاها عشان نشري راحتي !!
بس المشكله لما نشوف المبتعثين في السعوديه نشوف النظام وكل شخص ياخذ حقه وبالزايد ..

لالالالالا يا خوي بالله عليك ماتقارنا بالسعوذيين حني ويييييييييين وهما ويييييييين ،،، الدوله الموقره ماشاء الله واخذتلنا حقنا بالكاااااااامل علاش بنعترضو .. بدليل انه المنحه مش واقفه علي اللي عنذها عييييييييييله وقريب يشحت في الشارع .... حسبي الله ونعم الوكيل فيهم