85Abdussalam كتب:
د: التأشيـــرة الأمــريــــــــــــــــــــكية
مُساهمة من طرف سجود اليوم في 15:05
+
----
-
يا اخ 85Abdussalam انا سجلت بنفسي في السفارة وعبيت النمادج بسهولة مش صعبة ... وبالنسبة للطيران فيه تطبيق اندرويد رائع فعلا skyscanner ويقارن معظم اسعار شركات الطيران بس اخطى ليبيا ما تحسبهاش ويعطيك ارخص الاسعار انت ما عليك الا تشوف السعر اللي يناسبك وتحجز من شركة الطيران مباشرة مش من التطبيق نفسه والطيران للمغرب في اول شهر فبراير حوالي من 158 الى 160 دولار دهابا على شركة الطيران المغربي الملكي ... بس الكارثة الكبيرة ان الدولار وصل ل2 دينار هادي كيف تترقع.. الله المستعان وعظم الله اجركم في الدينار الليبي.
السلام عليكم ورحمة الله وبركاته بارك الله فيك اختي سجود أنا تميت كل شي بنفسي والمشكلة في التذكرة أنا موعد المقابلة يوم 4 فبراير واحتمال كبير بنمشي يوم 26 الي تونس لكي احجز تذكرة الي الاْردن ان شاء الله شكرًا علي هذا التطبيق أهو نزل فيه الان وأما بخصوص الدولار الله المستعان بجديات موضوع كبير وربي يكون في عون الناس اللي تسافر لأجل العلاج . عندي سؤال هل السفارة الامريكية يردو عليك في نفس اليوم ويعطوك الجواز متاعك بش ترجع وتعرف امتي العودة وإلا الامر مفتوح في الرد وشكرا
السلام عليكم أخي عبدالسلام،،، يوم المقابلة عندك ثلاث إحتمالات:
الأول: الرفض لا قدر الله ويعلموك بهذا القرار فوراً وفي نفس المقابلة وتأخذ جوازك معاك.
الثاني: يكون قراراهم ان طلبك محتاج لمزيد من الإجراءات إدارية، ويسلموك جوازك وترجع لليبيا وتبقى على تواصل معهم على الايميل، ولازم يردوا عليك بالقرار النهائي، ومرات يأخذ من أسبوع لأسبوعين ومرات أكثر، وفي حال أعطوك علم بأن القرار كان إيجابي وتم قبول منحك التأشيرة تبعث جوازك بالأرامكس ويرجعلك وفيه التاشيرة.
الثالث: وإن شاء الله يكون من نصيبك، وهو قبول منحك التأشيرة، ويعلموك بهذا القرار فوراً وفي المقابلة نفسها، يستلموا منك جوازك ويسلموك قصاصة صغيرة فيها رقم، وفي العادة ترجع بعد يومين حسب ما يحددوا هما باش تستلم جوازك وعليه التأشيرة بإستخدام الرقم اللي في القصاصة اللي لازم تحافظ عليها باش تقدر تدخل للسفارة، وبعدها ترجع لليبيا سالم غانم إن شاء الله.
أهم شيء خليك في المقابلة ريلكس وهادئ وطبيعي من غير توتر ولا تكليف،، وأسئلة عادية وبسيطة، ولازم تراعي ان تكون إجاباتك متطابة للابليكشن اللي قمت بتعبئته، ولازم تثبتلهم بالكلام وبالمستندات إنك راجع لليبيا ومش ناوي الهجرة والبقاء في أمريكا....
والله ولي التوفيق
عدل سابقا من قبل Ismail 1980 في الأربعاء 28 يناير 2015, 11:32 am عدل 1 مرات (السبب : لا يوجد)
_______________________________
ومن يتق الله يجعل له مخرجاً
ويرزقه من حيث لا يحتسب
