منحة شهر 11 كيف صار ؟

يعني أنباء عن تحويل الربع الأول من المنحة لعام 2015 واحني الربع الأخير 2014 واحلين فيه ،، والا هوا الربع الاول بيرقعو بيه اللي قبله ويجي وقت الاول ونعيشو نفس الدوامة ..
وبعدين شهر 12 بروحه مفروض توا نازل والناس قعدة ادور في 11،، والملحق الثقافي لا حياة لمن تنادي ومصدرين الطرشة على قولت المصريين..
وموقعهم قمة الاستفزاز برقيات وفلان زار وفلان اجتمع ..
يعني مابعد العائلات واللي مصااريف معاملهم واجد ،، والطالب معادش فهم يفكر في قرايته وامتحاناته ويركز فيهم والا يفكر في مسلسل المنحة .
لا ويقهرك اللي يخش يعطيك محاضرة في الصبر ويدافعلك عن نزاهة وعفة الملحق والسفارة .
يلي عنده معلومة اخوتي واخواني يشاركنا بيها ،، وكان الله في عون الجميع ..

بد من خلع الباب واقتحام السفارة واسقاط الجميع بما فيهم الموظفين .. لان الربع الأول من عام 2015 بيتحول اليومين الجاييات وانتم يا حبايبي راحن عليكم شهر 11 و 12 لابد من استخدام القوة حتى ناخذوا شهر 11 و 12 وشهر 1 و 2 و 3 في السنة الجديدة 2015

يديرو فى اجتماعاتهم من تحت لتحت بدون علم تﻻت ارباع الطلبه طبعا تفاديا للمناقشات واﻻسألة اللى ماعندهمش اجابة ليها..وحتى لما ينسألو يجاوبو بشئ غير مقنع..المهم ان بكون شهر11و12موجود فعﻻ واﻻ التكسير وخلع الباب مش حيجيب نتيجة وانا عن نفسي في وضع المنحه المفقودة هده نقترح ان كل ربع يتحول على حساب الطلبه تفاديا لسرقة المنحه ..تقعد قدامهم شهر وشهرين يطمعو فيها لكن لو بمجرد مايجى الربع ينزل فى حساب الطالب عالاقل الطالب يضمن روخه انا بيقعد مستور هالكم شهر وبخلى على روحه التفكير فى التزاماته المادية ويفضي لدراسته اللى جاى على خاطرها من بﻻده وياريت نلقي تأييد فى هالنقطة

لومينا كتب:

يديرو فى اجتماعاتهم من تحت لتحت بدون علم تﻻت ارباع الطلبه طبعا تفاديا للمناقشات واﻻسألة اللى ماعندهمش اجابة ليها..وحتى لما ينسألو يجاوبو بشئ غير مقنع..المهم ان بكون شهر11و12موجود فعﻻ واﻻ التكسير وخلع الباب مش حيجيب نتيجة وانا عن نفسي في وضع المنحه المفقودة هده نقترح ان كل ربع يتحول على حساب الطلبه تفاديا لسرقة المنحه ..تقعد قدامهم شهر وشهرين يطمعو فيها لكن لو بمجرد مايجى الربع ينزل فى حساب الطالب عالاقل الطالب يضمن روخه انا بيقعد مستور هالكم شهر وبخلى على روحه التفكير فى التزاماته المادية ويفضي لدراسته اللى جاى على خاطرها من بﻻده وياريت نلقي تأييد فى هالنقطة

كيف سيتم تحويلها للطلاب مباشرة. والتحويل من ليبيا يتم لاسم السفارة الليبية في مصر. يعني السفارة تتحكم في المبالغ المحالة غليها من ليبيا ولا يمكن للبعثات أن تحيل منحة كل طالب لحسابه مباشرة.
الخلل الحقيقي هو غياب اتحاد الطلبة. إذا كنتم تريدون استقامة الامور اعيدوا تأسيس اتحاد الطلبة وليتكون من عناصر قوية واناس مخلصين لواجبهم. من غيرها لن تحل مشاكلكم. لا بد من تجمع يقود المطالب وتكتل يدافع عن الحقوق يا سادة.

أيها الطلبة المساكين أين المفرُّ؟! والبحر من ورائكم والعدوُّ أمامكم، فليس لكم والله! إلاَّ الشجاعة والمطالبة بحقوككم، واعلموا أنكم في هذا البلد أضْيَعُ من الأيتام على مأدبة اللئام، وقد استقبلكم سفيركم بالأستهزاء ، وأقواتُه موفورة، وأنتم لا وَزَرَ لكم غير حناجركم، ولا أقوات لكم إلاَّ ما تستخلصونه من أيديهم، وإن امتدَّت بكم الأيام على افتقاركم، ولم تُنجزوا لكم أمرًا، ذهبت ريحكم، وتعوَّضت القلوبُ من رعبها منكم الجراءةَ عليكم، فطالبوا بحقوككم...!!

الطلبة الليبيين في جمهورية مصر العربية نرجو التعميم في كل صفحات الطلبة الليبيين في مصر و حضور الطلبة المتضررين من كل انحاء جمهورية مصر العربية نحيط علم سيادتكم بانه بعد غد الاحد الموافق 28/12/2014 سوف يقوم الطلبة بوقفة احتجاجية امام القسم الثقافي الليبي بمدينة نصر بالقاهرة الساعة 10 صباحا و اهدافها كالتالي: 1- اعتراضا عدم انتظام المرتباب الشهرية 2- اعتراضا على ايقاف التامين الصحي 3- معرفة اسباب تأخر الرواتب و عدم انتظامها بالرغم من استلامهم الربع الاخير لعام 2014 و اين ذهبت اموال الطلبة و بأي حق تم التصرف فيها دون ابلاغنا بذلك 4- حل اتحاد الطلاب الحالي لعدم فائدته و اختيار رئيس اتحاد جديد و فعال بالانتخاب 5- سوف يتم تسجيل اسماء المتواجدين بالوقفة و المطالبة بمنحة مستعجلة لشهر 11 للحاضرين فقط بإعتبار ان من جاء هم و اسرهم فقط المتضررين و ان من لم ياتي للوقفة فاموره المالية ميسورة 6- استرجاع كل مستحقات الطلبة بدون نقصان في اسرع وقتو استلام تعهد منهم بعدم التصرف في اموال الطلبة في المستقبل و ان يتم تنزيل الراتب كامل كما تم استلامه من ادارة البعثات علما بانه سوف يكون اعتصام مفتوح الى ان تلبى كل مطالبنا او اغلاق الملحق الثقافي لاعتراضنا على معاملته و خدماته السيئة للطلبة

السﻻم عليكم
أوﻻ / نشكر زمﻻءنا وزميﻻتنا من الطﻻب لهذه الوقفه اﻻحتجاجية ...
ثانيا/ أخي الكريم / كﻻمك علي العين والرأس وجميع البنود الموضحة في مصلحتنا نحن الطﻻب ولكن عن الهدف الخامس لنا هنا وقفه بسيطة ، ياريت يا اخي ﻻ تحدد انت تبي ادير الخير لجميع الطﻻب وبعدين في طﻻب ممكن بهل اليوم لهم ظروف خاصة وما قدروا ينظموا معاكم مش معناه امورهم المادية متيسرة ﻻ طبعا حالنا من حال الكل ولكن راعوا ظروف البعض ، فهذا الهدف او الشرط مكنش فيه داعي له ....
وللتأكيد وزي ما انتوا تعرفوا البﻻد حال حرب فمن هيكون اموره المادية متيسرة اﻻ لو كان ربي عاطيه وعنده رصيد احتياطي بحسابه بالبنك أو عنده ممتلكات في مصر !!
وعموما بارك الله في من يريد الخير ويتحدث بإسم جميع الطﻻب ...

لا حول ولا قوة الا بالله العلي العظيم

حسبي الله ونعم الوكيل

اولا : شرط الكل لازم يحضر خطأ لانه فيه اللي في ليبيا وفيه اللي ضروفه ماتسمحش بالذات اللي متزوجات .

ثانيا بالنسبة لاتحاد المخانب ماعادش نبوه يجب حله نهائيا يخصموا في 30 دولار شهريا باش يسكروا ويحششوا بيهم ويشروا العقارات ..في الوقت الذي لايؤدي في اي خدمة للطالب .

اولا هذي الفقرة تحولت من المنشور...وبعدين وينكم ياطلبة معقولة كل هذي السلبية ...معقولة من 2000 يجو 50 بس..