اسباب رفض التاشيرة البريطانية من ليبيا (تابع)

alzaem11 كتب:

أولاً :- شكراً أبو محمد على إجابتك وبارك الله فيك على المجهود اي تقوموا فيه ...
ثانياً :- بنقموا على تأشيرة زائر 11
بالنسبة للورق متع شهادة عقارية بأنك تملك قطعة أرض هل يطلبوا فيها من الموفد وإلا من المرافق وإلا ثنيناتهم... ولو درناها ثنيناتنا احسن؟؟

ثالثاً :- بالنسبة للدعم المالي من إدارة البعثات و امداير أحتياطاتي بمبلغ وقدره 3.200 ثلاثة الاف في كل حساب (الموفد + المرافق ) ومداير تعهد من الوالد بأنه لو الدولة مخلصتش أو نحن لثنين مقدرناش نخلصوا تكاليف   بأنه هو يقوم بدفع كافه مصاريف وذلك بتعهد يمضي عليه وصك وكالة من كاتب العدل وورقة من المصرف تثبت بأن له قيمة مالية وقدرُها (7.000) في مصرف كذا.

رابعاً :- وهذا طبعا يجي بعد ترجمة الورق والتدقيق فيها  وإجازة دراسية ورسالة من جهة العمل فور الحصول على التأشيرة و إستخراج ورقة قبول اللغة قبل ورقة الدعم المالي التأشيرة
و رسالة من العمل توضح ان ربع المرتب ماشي للمصرف وهذه غفل عن الكثير والتأكد من تاريخ بداء الإجازة وجعلها مطابقة مع تاريخ الوصول لبلد الإبتعات .

_ وبالنسبة التعهد للرجوع للوطن زي ماقلت حضرتك وبارك الله فيك أختصرتلي الوقت ولناس واجدة للإجابة على السؤال :-
_ماذا تنوي أن تفعل بعد ان تكمل هذا الكورس؟
_ بعد هذا كله وتدقيق في الإجابات في الابلكيشن على ان تكون نفسها المكتوب على الورق وجواز السفر بالعربية والإنجليزية ... على أن تكون اجاباتك في المقابلة مطابقة .
بعد هذا كله نبي نستعين بخبرتكم ( الواحد بعد ما يطبق الحاجات المذكورة هذه زعما بيقبلوه ) .
سؤال عدى جنب ؛- لما تعبي الأبلكيشن الموفد بروحه والمرافق بروحه وإلا زوز نفس نموذج ووقت المقابلة يخشوا مع بعضهم والا كل واحد على حِدهْ ؟
أسف جداً على الإطالة وأجدد شكري لكم .

alzaem11 كتب:

ياريت ادلني على عنوان وإلا رقمه لأن الخاص ميخدمش عندي . بارك الله فيك

alzaem11 كتب:

كان بودي نراسلك لكن جديد عليا ماعرفتش منين نخش ولا نرسل ؟؟؟؟!!!

ftaim.m كتب:

السلام عليكم اني قدمت ع تأشيرة من تونس طالب زائر وبعد 22 يوم تم رفضي لسبب :
يقولولي ليش سيبتي دراسه الطب في ليبيا وماشيه ل بريطانيا تقري بينما قرايتك ف ليبيا ماشيه
السبب التاني ليش وقفتي قيدك في ليبيا بينما تستطيعي اكمال دراستك ف ليبيا واخذ كورس انجليزي ف نفس الوقت
وسبب اننا مش مقتنعين بانك سوف ترجعي ل ليبيا بعد ما يتم الكورس
وفي سبب مافهمتاش !؟
You have provided a certificate of completion of secondary education in libya but experience has shown that this is not considered valid to progress to undergraduate study . I am unable to assess your suitability for study such an advanced level in the uk .
وبنقدم مرة اخرى الايام الجاية ياريت تعطوني افادة حول كيف يمكن نعالج الرفض وشكراا
مع العلم اني من اوائل تانويات واني قدمت سبب دراسه وتعهد ينفي كلامهم معاش عرفت شن ندير ياريت تفيدوني لاني في حيرة من امري

AmiraSan كتب:

السلام عليكم

بفضل الله اولا والمنتدى والاخ أبومحمد ثانيا حصل أخي اليوم علي تأشيرة tier 4 
بارك الله فيكم وجعله في ميزان حسنتاكم 

----------------------------

صديق أخي قدم في نفس الوقت لكن رفضوه ، هو طالع علي حسابه الخاص وهذي ورقة الرفض 




بالنسبة لورقة وقف القيد من الجامعة ، من غير الممكن احضار الورقة ، ما الحل؟

الفارسة المثقفة كتب:

السلام عليكم :

لو سمحتم لدي استفسارين

1- بالنسبة لجواز سفري هناك خطأ مطبعي في اسم الجد .. هل هذا يؤثر على الاجراءات مستقبلا ؟؟!

2- هل فعلا هناك صعوبة في أخذ التأشيرة البريطانية ؟؟؟ و هل فعلا تحتاج لمبلغ لا يقل عن 10000 دينار ليبي

لاتمام الاجرارات المطلوبة و الاقامة في تونس !! ؟؟

الفارسة المثقفة كتب:

شكرا جزيلا

المشكلة اني حجزت موعد لامتحان الايلس باسم الحالي للجواز

و وقتي محدود جدا

طيب لو سمحت يا دكتور بالنسبة للتكلفة المادية هل حقا احتاج لهذا المبلغ ؟؟؟

صامت في زمن هزاز كتب:

السلام عليكم
بالله بنسأل هل عند التقديم للتأشيرة يفيدني انقدم شهادة ملكية لمنزل ويكون فيها طبعا سعر الشراء لهدا المنزل

صامت في زمن هزاز كتب:

شكرا اخي خالد وابو محمد
اني سألت لاني نسمع انهم يهمهم ان الطالب الموفد يوضح انه بيرجع لبلده بعد مايكمل الدراسة فلو ان نقطة انه عندي بيت وسيارة باسمي تساعدني وتزيد من فرصة اني انحصل التأشيرة فعلى هدا الاساس بنقدم المستندات الخاصة بالبيت والسيارة ...علما بأني بنقدم على تأشيرة طالب زائر وانا متزوج.

Abu Mohamed كتب:

سبب جديد للرفض اليوم لعائلة طالب تحصل على التاشيرة من قبل ودرس كورس لغة بعد رفضوا عائلته المكونة من 5 أفراد مرتين وجدد من بريطانيا وتحصل على التأشيرة ولكن للمرة الثالثة يتم رفض العائلة بعد قرابة 3 أسابيع في تونس والسبب أنه أول استمارة له عندما تقدم من ليبيا مكتوب فيها أنه ليس لديه أطفال والمشكلة المكتب اللي غالط في الاستمارة مازال مصر أنه مش خطأ وأنه يدير فيها للكل لأنهم مش مسافرين معاه رغم انه السؤال واصح يسأل هل لديك أطفال وفيه سؤال ثاني واضح من سيسافر معك.
مساكين الطلبة بيلقوها من السفارة اللي مسبلة على الرفض بسبب وضع البلاد وإلا من المكاتب عديمي المسؤولية اللي مايهمم إلا الفلوس ومش عارفينها وين تفتح.