ادارة البعتات مفتوحة ... عنوانهم : طرابلس جزيرة الفرناج جنب السكن الداخلي للبنات ...الجزيرة علي اليسار وتنزل باتجاه عين زارة تلقي الادارة علي يسارك ومكتب الطموح علي يمنك مقابل البعتات بالضبط
المنظومة تعطلت 20 يوم بالضبط بس اتصلحت وحاليا يشتغلو وامورهم تمام.
اجراءات النقل : تقديم ملف فيه كشف التقرير بالمدة المصروفة واغلاق الملف ( اللي عطوهوله من الساحة اللي كان فيهخا الموفد ) معاه كتابة طلب بنقل من الاساحة من / الي ... بالاضافة الي صورة من الباسبورت باش يطلعولك دعم القبول بالمرة .
الشخص المسؤول عن الطلبة اللي في ساحة كندا ويبو سنقلو لاي مكان او بيستفسرو عن اي شيء يخص الساحة الكندية واللي مهمته استلام الطلبات واتمام اجراءات النقل : عبد المنعم.
والاجراء اللي بيديروه البعتات : رسالة ايقاف الصرف في الساحة اللي كان فيها الموفد ورسالة دعم مالي لغرض القبول في الساحة المعنية بالنقل.
كل من عنده اجراء من بداية مايو لنص ينيو كان واقف لاسباب عطل المنظومة وتغيير الاختام للادارة المسؤولة عن التوقيعات والاختام.
تقديم الملفات وطلبات النقل من التريلات اللي برة يقال انه فيه طابور للطلبة وتعب وارهاق بس الله غالب الموفد بيوقف فيه شاء ذلك ام ابي لتكملة الاجراءات .
ايام العمل ف البعتات :
احد وثلاثتاء : الاستفسارات لجميع الساحات وتقديم الطلبات والمراجعة باذن الله
اتنين وخميس : عمل داخلي ، مش حيخدمو حد ومافيش داعي الموفد يمشيلهم ويحصل تعبة بالاخص الموفدين من مناطق برة طرابلس .
اربعاء : مفتوح بس لاستفسارات طلبة الضم
معلومات مؤكدة .
وموفقين.
_______________________________
إذا أخذ الله ما لم تتوقع ضياعه
فسوف يعطيك ما لم تتوقع تملَكله
ألم يقــــل
" فعسى أن تكرهوا شيئا ويجعل الله فيه خيراً كثيراً "
ادارة البعثات مفتوحة وتغير الساحة