ابحث عن جامعة فى تخصصى ارجو العون راهو تعبت

السلام عليكم اولا واخيرا

طبعا بصراحة انا لم اطلب العون الا بعد ساعات من البحث والتفتيش ومعضمها باتت بالفشل المهم انا دخلت على مواقع الجامعات بصورة عامة ولكن لم اجد تخصصى او تفاصيل تفيدنى فى الشعبة التى انتمى اليها بالرغم انى بحثت فى جميع المدن باستراليا لن اطيل
انا تخصصى هندسة ميكانيكية شعبة التطبيقية (تصميم ميكانيكي ) وارجو من الله توفيقي لدراسة درجة الماجستير
ولكن ايضا نبيها حمراية وجراية وماتكلش فى الشعير (طبعا هدا مثل شعبى)
لو امكن تفيدونى بالجامعات اللى تكون مناسبة لسكن عائلة واطفال اقصد المعيشة والحلال والاسلام ومصادر الترفيه .....الخ,,,,,,,,,, يعنى منحبش سياسة الامر الواقع لو مفيش جامعة بالشروط المنطقية اللى طليتها الواحد يغير الساحة بالوسع خير
وجزاكم الله خيرا
الموفد المنهك من البحث

السلام عليكم

أخي البحر اليوم وغدوا فيه معرض الجامعات الاسترالية بأكاديمية الدراسات العليا جنزور الساعة العاشرة صباحا هدا ممكن ايسهل عليك الأمر.... من ناحية تانيا... ركز على جامعات مدينة ميلبورن وأدليد وبيرث فقط وإفليها جامعه جامعه وجرب شوف جامعة أدليد لقيت فيها كورس ماستر الهندسة الميكانيكية المتقدم واحد من المخرجات متاعه هي التصميم إنشالله يعجبك وأدليد مدينه بها كل المواصفات اللي ذكرتها http://www.adelaide.edu.au/programfinder/2011/meng_mengmechan.html#structure وبالتوفيق

بارك الله فيك وجزاك الله خيرا

وعليكم السلام
اخى انا تخصصي نفس تخصصك وكنت قد تحصلت على قبول من جامعة نيو ساوت ويلز فى استراليا لعمل الدكتورة فى هذا المجال اقصد التطبيقى (الاهتزازات الميكانيكية) وبصراحة بدون حتى ورقى الدعم المالي للقبول
ترجم اوراقك الى اللغة الانقليزية
ولو عندك اى شهادة فى اللغة هى ايضا تدعم موقفك
كما انهم قد يرسلو لك قبول مشروط باللغة
موقع الجامعة http://sas.unsw.adfa.edu.au//

اتمنى لك التوفيق

السلام عليك اخى شكرا على المعلومات اولا
ثانيا اخى انا اسال عن الماستر هل موجودة فى تلك الجامعة اولا لانى بحثت فى الموقع اللى بعثته ولكت تقريبا مفيش ماستر ميكانيكا و
واخيرا لو كان فيه التخصص ما مستوى المعيشة والسكن لاسرة من خمس افراد فى تلك المنطقة
وجزاك الله خيرا

اخي اعتقد انه اغلب طلبة الميكانيكا يدرسون في اديلايد اعتقد انه تخصص الميكنيكا هناك متوفر.. لاني اعرف 3 طلبه ماستر في اديلايد تحصلو على قبول فيها

شكرا وبارك الله فيك على الاهتمام