ماهي أفضل خطوط طيران للسفر

السلام عليكم , وأخيرا تحصلنا على التفويض المالي , ماهو أفضل خط طيران من ناحية أكثر وزن للحقائب وأقل مدة للإنتظار وهل كل الخطوط للسفر لكندا لابد من المبيت ليلة إنتظار أم لاوشكرا

100a-tag كتب:

السلام عليكم , وأخيرا تحصلنا على التفويض المالي , ماهو أفضل خط طيران من ناحية أكثر وزن للحقائب وأقل مدة للإنتظار وهل كل الخطوط للسفر لكندا لابد من المبيت ليلة إنتظار أم لاوشكرا

الخطوط الجوية الليبية /// أجنحة السلامة // ارفع كم تبي وزن ولا تشيل هم ارفع معاك حتى 50 قنطار مش كيلو آه

كلو على حسابنا





عدل سابقا من قبل الوحيشي في الجمعة 05 نوفمبر 2010, 7:03 pm عدل 1 مرات

حسب تجربتي الشخصية افضل الخطوط هي الالمانية
لكن في بعض الرحلات لازم تقعد ليلية في المطار و في اللي ثلاث ساعات

عارف خوك الحطاب الراعي الرسمي للافريقيه ياخونا 100a-tag وتنشد معروفه الافريقيه دقه مواعيد أوزان معقوله مناسبه للجميع التذكره 48 كلج لكل تذكره راحه متانه طبعا مع شكشوكه الدحي لامؤاخده يعني بس نوعا ما معقوله























الحطاااااب يحييكم

أخي محب ليبيا :

ما دام أنت تحب في بلادك اركب طياراتها وإلا بتعمل دعاية للخطوط لوفتهانزا

وهل يوجد رحلات إلى كندا على الليبية أو الافريقية؟؟؟؟؟؟؟؟؟؟؟؟؟؟؟

المتوكلة على الله كتب:

وهل يوجد رحلات إلى كندا على الليبية أو الافريقية؟؟؟؟؟؟؟؟؟؟؟؟؟؟؟

فيه أن شاء الله انت احجزي بس تجيك السيارة من الحوش متاعكم للمطار واختاري الطيارة اللي تعجبك ونرفعوك اخرى وين تبي

خوي االوحيشى بالنسبة لكندا ياودي ماعندناش طيارات يوصلولها تو كان مصر ولاتونس ولا حتى اوربا نقولو ممكن

محب ليبيا كتب:

خوي االوحيشى بالنسبة لكندا ياودي ماعندناش طيارات يوصلولها تو كان مصر ولاتونس ولا حتى اوربا نقولو ممكن

ياخوي محب ليبيا الهايم في حب بلادك:

نيابة عن نفسي وباسم الخطوط الليبية

ونيابة عن خوي الحطاب المدير الإعلامي للخطوط الإفريقية

خود عندك

شركة الخطوط الإفريقية عندها طيارة وصلت لمطار جوليانا ،،

طبعا توا نقوللك شن هوا مطار جوليانا

هو مطار يقع في البحر الكاريبي في دولة اسمها سنت مارتن وهو مطار سياحي

والبحر الكاريبي هو البحر الذي يقع بين الأمريكتين

وكذلك الخطوط الإفريقية عندها رحلات رسمية لــ بكين // الصين

طول من طرابلس تنزل في الصين

وهاذي بدت من تاريخ 2/ 11/ 2010 وبرا احجز وسافر كان تبي الصين

وأيها أقرب الصين وإلا كندا

وكان تبي كندا نرفعوك في طياراتنا وعلى حسابنا

شكلنا إحنا اللي هايمين في حب بلادنا مش أنت

بارك الله فيك خوي الوحيشي هاذي معلومات جديدة علي والله هذا شي نفتخروا بيها وخطوطنا زمان كانت تنافس في الشركات الكبيرة ونتمنو ترجع زي زمان

السلام عليكم , مافيش واحد لاتوة رد على سؤالي , توينكم ياموفدين لكندا , ماهي الخطوط المليحة لفيها وزن زيادة وأقل ساعات مبيت , لأن زي ماتعرفوا تشحوير المطار بالعائلة والصغار ممل هلبة . وشكرا

الراجل قالك بيمشي لكندا مش الصين, و الطائرة مهيش تاكسي باش تقوله من ابعد الصين ولا كندا.
و اعتقد انه مفيش حد يكره بلاده و لو فيه رحلات على الخطوط الليبية او الافريقية من يقل لا غير خلينا واقعيين و ساعدو الراجل وفيديه بالافضل من غير فتح مواضيع جانبية و لما تبدا في رحلات مباشرة صدقني كل الليبيين يسافرو عليها.

100a-tag كتب:

السلام عليكم , مافيش واحد لاتوة رد على سؤالي , توينكم ياموفدين لكندا , ماهي الخطوط المليحة لفيها وزن زيادة وأقل ساعات مبيت , لأن زي ماتعرفوا تشحوير المطار بالعائلة والصغار ممل هلبة . وشكرا

أخي عندي خالي يدرس في كندا ، وينيبغ يحجز على الخطوط الإيطالية انتظار ساعة واحدة في روما

وإذا كنت موفد والتذكرة متاعك من البعثات معناها التذكرة بتجيك جاهزة وانت ما تستطيعش اتغير فيها

لأني نعرف صديق ما شي للولاي المتحدة جاته التذكرة عن طريق الخطوط البريطانية وقعد يوم في الفندق في بريطانيا !

التذكرة تجيك واتية لكن تقدر اتغيرها
اني جتني عالايطالية و غيرتها عالالمانية من الوكالة نفسها