استفسار من الاخوه المشرفيين ولاعضاء

بسم الله الرحمن الرحيم.
اخواني واخواتي اني حصلت على قبول من كندا على حسابي الخاص والصراحه خايف من موضوع التأشيره (الفيزا) في حد منكم اخواني واخوتي داير مقابله كان في حد ينصحني جزاكم الله بكل الخير نبي نعرف كل شي شن صار معاكم في السفاره طبعاً اني على حسابي الخاص وفي عندي عائله غادي مستعدين يتكفلوني بكل شئ . ارجو الرد بأسرع وقت وجزاكم الله كل خير ومشكورين مقدماً جعل الله في ميزان حسناتكم

ارجوا الرد اخواني

السلام عليكم و رحمه الله و بركاته
اهم نقطة لتقديم اوراقك لتأشيرة ان يكون لديك عمل و املاك مثل بيت ,مزرعة , الخ. ملاحظة مش لازم يكون عندك لاملاك لكن الاوراق تفي بالغرض و اهم شي العمل بالنسبة ليهم.
بعدين ما تقول لهم عندك حد ينتظرك غادي كان قلتها معنها انت تبي تقعد غادي .

السلام عليكم
اخي the_man كيف تحصلت علي قبولك هل من مكتب خدمات او انك راسلت بنفسك الجامعات ؟ ارجو المساعدة لاني لم اتحصل علي قبول الي الان مع العلم اني موفدة وشكرا

وعليكم السلام اخي عادل شكراً على نصيحتك وصحيح كلامك اهم شي يكون عندك املاك مثل بيت مزرعة ...الخ وثانياً المبلغ المالي لتغطية الدراسة ومصاريف الحياة غادي بس للاسف اني معنديش عمل حكومي عندي عمل حر بس ...على كل حال الله يوفقني ويوفق الجميع قول امين...والي نتمناه من الاخوه الدين خاضو التجربه ان لا يبخلوا علينا اي معلومه ويحدتونا عن ما جرى معهم ..شكراً لمرورك اخ عادل ..ممكن سؤال اخي عادل ادا امكن هل انت حاليا في كندا ام لازلت هنا في ليبيا وكانك غادي نتمنى منك ان تدكر لنا الخطوات التي مررت بها لتعم الفائده للجميع ..شكرا لك

وعليكم السلام اختي ام رغد..بالنسبة الى القبول اني راسلت بنفسي وعندي اقارب غادي هما الي تمولي كل الاجراءات . اختي ممكن تدكري تخصصك ممكن اقدر اساعدك اكتر وادا عندك اي معلومات بخصوص التأشيره ياريت تدكريها لنا لتعم الفائده للجميع وشكرا لمرورك اختي

السلام عليكم و رحمه الله و بركاته
انا موجود في ليبيا حاليا بس امسافر قريب انشاء الله و تفضل كان تبي شي ما عندك مشكلة.

صحيت اخي عادل و توصل بالسلامه انشالله .اخي مجرد سؤال الله يبارك فيك كداش درت كشف حساب المبلغ كداش