تغير الساحة الدراسية

السلام عليكم باللهي اي شخص لو يستطيع مساعدتنا لو يقدر يسال على تغير الساحة لي قرار 469 هل التغير مسموح به و هل بدؤ في الاجراءات

وعليكم السلام
اعتقد انهم فتحوا ساحات جديدة حسب التخصص !!!! وبدؤا فى الاجراءات

تغير الساحة مفتوح لكل القرارات بدون اسثتناء ويتم تغير الساحة على حسب اللوائح والقوانين المنصوص عليها وبدؤا فى الاجراءات

السلام عليكم
بالله كان فيه حد يمشي للبعثات يسأل شني المطلوب لتغيير الساحة

مش مطلوب شى مجرد تكتب طلب كتابى لمدير البعتات تشرح فيه سبب تغيرك الساحة

كنت في ادارة البعثات من يومين,,, بالصدفه كان فيه طالب يستفسر على الموضوع هذا.. رد عليه موظف اسمه الصادق وقاله : كل الساحات المرغوبه من الطلبه مفتوحه,,ممكن خمسه مسكرينهم منهم سوريا بس.... فيه نموذج في مكتب خديجه و الصادق عنوانه على ما اتذكر "تغيير الساحه ",, مطلوب فيه معلومات شخصيه عليك و سبب تغييرك للساحه.. اعتقد ان الاجراء بسيط... موفقين

تقفل ملفك في الدولة الموجود فيها بطلب للسفارة الليبية ثم ترجع لارض الوطن الحرة وتقدم طلب تغيير الساحة الدراسية للبعتات وبعد ثلات ايام الي اسبوع ترجع للبعتات تلقي الموافقة من المدير تم تقدم في طلب لرسالة الدعم المالي للقبول تجيب بيها قبول من الدولة الجديدة تم تقدم طلب لرسالة الدعم المالي للتأشيرة تأخد بيها تأشيرة وبعدين تقدم في تفويض نقل تاخد التفويض والتداكر وعلي المطار واول طائرة سلام .

هــل السعوديـــة مفتوحـــة أخي العزيــز ؟؟؟؟

أنا طلعلي قرار تمديد الدرجة من الماجستير الى الدكتوراة بعد ماخديت الماجستير من أمريكا, وقدمت على التأشيرة الأمريكية من أكتر من 6 شهور و الى حد الان مافيش رد
فحبيت أنغير الساحة من أمريكا الى ماليزيا
وقدمت على جامعة ماليزية وحصلت على قبول
فكيف أتكون الاجراءات؟
بالله اللي عنده معلومة مايبخلش علينا

نجيب سالم كتب:

أنا طلعلي قرار تمديد الدرجة من الماجستير الى الدكتوراة بعد ماخديت الماجستير من أمريكا, وقدمت على التأشيرة الأمريكية من أكتر من 6 شهور و الى حد الان مافيش رد
فحبيت أنغير الساحة من أمريكا الى ماليزيا
وقدمت على جامعة ماليزية وحصلت على قبول
فكيف أتكون الاجراءات؟
بالله اللي عنده معلومة مايبخلش علينا

إجراءات نقـــل ساحـة ،،

السلام عليكم,
نبي نعرف هل تقدر تغير الساحة الدراسية للطلبة الي منضمين على حساب الدولة حديثا.....
ارجوا الرد العاجل

شكله الموضوع ساهل بس يبي شوية جري 

المهم مش مسكرة الحمد لله