رسالة الدعم المالى وقصة القبول

لما استلمت رسالة الدعم المالى كانت المفاجأة أنها باللغة العربية مع العلم انها كانت تصدر باللغة الانجليزية ولا أقصد بكلامى الاهانة للغة القران الكريم. ولكن كل الساحات المفتوحة ناطقة بالانجليزية. والمفاجأة الاكبر أن نص الرسالة لم يتضمن تغطية تكاليف دراسة اللغة كما هو معهود فى السابق.
وأخبرنى بعض الاصدقاء أنهم لم يستطيعو الحصول على قبول لغوى بهده الرسالة ولكن للاسف وصلتنى هده المعلومة بعد ما ارسلت مستنداتى لغرض قبول لغوى بجامعة امريكية.
والمشكلة الاخرى ان الجامعة بعتتلى ايميل وقالو فيه ان ايميل البعثات المكتوب فى رسالة الدعم المالى ما يخدمش
(scholarships@emd.ly)
وفعلا الايميل كان غير فعال.وقالو انهم مش ح يبعتولى القبول الا لما يكون عندهم ايميل لادارة البعثات و يراسلوهم شخصيا.فبعتلهم ايميل التعليم العالى اللى كان سابقا تستعمل فيه ادارة البعثات(scholarship@higheredu.gov.ly) و لكن للاسف ما ردوش عليهم.
فما كان منى الا ان دهبت لادارة البعثات ومعاى نسخة مطبوعة من ايميل الجامعة.ومن هنا تبدأ الحقائق المرة والمفاجات بالتكشف:
مشيت لمشرف الساحة الامريكية وسألته منو اللى يرد على ايميل البعثات وحكيت له شن صار معاى, قالى مش عارف امشى شوف مكتب شؤن الطلبة
مشينالهم وحكينالهم, قالو لى هى الجامعة شن تبى من البعثات و علاش يراسلو فينا وشن علاقتنا فى القبول متعك وقوللهم يبعتوللك القبول ع الايميل(واضح انهم فاهمين ان السفارة الامريكية ما تقبلش الا المستندات الاصلية, اللى تنبعث بالبريد). وبعد جدال عقيم قالو شوف مكتب الابراق هو المسؤل عن المراسلات. المكتب هدا ديما مسكر ومكتوب عليه ممنوع الطرق ع الباب, قعمزنا وراجيناهم نين فتحو خشينا وقلنا السلام عليكم, قالو تفضل ومنو حضرتك من غير ما يردو السلام(حسبى الله ونعم الوكيل فيهم)
حكينا شن صاير معانا قالو الايميل هدا اللى فى رسالة الدعم المالى ما نعرفوشى, سألناهم باهى شنو الحل, الاخ المحترم قال نعطيك ايميلى الشخصى وخليهم يراسلونى عليه( اه اه) والا شوفلك واحد من المكاتب وخليهم يراسلولك الجامعة. وللعلم ان معظم ها المكاتب يتعامل مع مدارس و معاهد لغة مشى حالك وهلبة طلبة بعد ما خدو قبولات منهم لما وصلو لأمريكا غيرو قبولاتهم وفى اللى اضطر حتى لتغيير الولاية. ويا عليك سلاطة مشكلة.
المهم نصيحة لكل موفد يحاول يجيب قبول من جامعة فيها طالب موفد قبله على الاقل تكون عندهم خلفية ع الليبين الموفدين. مش زى حالاتى اخترت جامعة مافيهاش ليبين على حد علمى
(Intensive English Institute, University of Illinois at Urbana-Champaign)
هدا وللحديث بقية, والخيرة فى ما أختاره الله وان شاء الله ربى يصبرنا وتكون الخاتمة عل خير.

الله كريم

أخوتي في الله، جربوا ترجمة قرار الايفاد كان عندكم أو حاولوا تبعثوا ايميل تشرحوا فيه وضعكم للمكتب الكندي اللي هنا في امريكا اذا كانت هي الساحة اللي اخترتوها وادعولنا بالتوفيق وهذا ايميل المشرفة(كيميل بينار) KPinar@CBIE.CA

بارك الله فيك عل الايميل بس مشكله اني مشيت وقالولي في البعتات ان الؤسالة لطلعتلي فيها خطا عدم دكر اللغة وخدوها مني وقالولي سوف يتم اعادة صياغتها من جديد وعل فكره لوكانت البدايه هكي زي ماتقول اخي الكريم والله مشكله اتمني من الليبين اللي بامريكا يقوموا بمساعدتنا ويقصروا لينا طريق ويوضحونا الجامعات ومراكزها واحسن الاماكن لنقدروا انعيشوا فيها اتمني من اللي هناك يساعد