عندي دبلوم عالي حاسوب واريد دراسة الماجستير بماليزيا

السلام عليكم ورحمة الله وبركاته

عندي دبلوم حاسوب ونبي انكمل الماجستير في ماليزيا . ايام ماكان في سفارة ماليزيا بطرابلس كان اللي يبي يمشي لماليزيا كان يمشي يختم في شهاده الدبلوم العالي في السفارة علشان يعتمدها انها تعادل البكالوريس في ليبيا . ولكن توا السفارة الماليزيا مغلقه ولا اعرف ماذا افعل

اللي عنده معلومات بخصوص هذا الموضوع ارجوكم لا يبخل علينا

مرحبا فيك اخي الكريم..
انا صراحه ما عندي معرفه بنظامكم في ليبيا...
بس اذا تريد ممكن ترسلي شهادتك وانا اشوف بتنقبل ماجستير او لا...
بالتوفيق ان شاء الله

شكراً اخويا طارق . اسف لاني طولت علي الرد. ان شالله ان متوكل علي الله وذاهب في نهاية هذا الشهر . بس كانت حاب اني اعرف واحده عنده خبره بالموضوع عشان نستفيد منه بالنسبه للدبلوم العالي. شكراً اخي طارق

السلام عليكم

أنا نعرف انه في طلاب دبلوم عالي يدرسو ماستر في ماليزيا بس المشكلة في السفارة مسكرة . بس تبي نفهم كيف تسافر من دون تأشيرة حتى لو سياحية ولو حصلت على تأشيرة ياريت اتورينا الطريقة

السلام عليكم اخى اولا مانبيش انفشلك لكن الدبلوم العالى فى ماليزياء مشكله لانه الخبير التعليمى السابق الله ايسامحه امدايرلهم مشكله كيف يقبلو الدبلوم العالى وهدا الكلام من واقع تجربه انا دبلوم عالى و لما مشيت الى الجامعه الاسلاميه قالولى دبلوم عالى مانقبلوش لما قتلهم ليش قالولى امشي قول هال كلام للخبير التعليمى امتاعكم لكن قبل ثلاث ايام سمعه فيه جامعه اسمها اكرام تقبل الدبلوم العالى

انا الان موجود فى اندنيسيا وادا تبي اى مساعده ابعتلى على الايميل d124715 عالياهو [

السلام عليكم ورحمة الله وبركاته
بالنسبة لسؤال الاخت بنت درنه . انا اللي سامعة هو انك تاخذ تذكره لماليزيا ذهاب والعوده اتكون قبل اسبوعين . بعدها لما توصل للمطار في ماليزيا اتقوللهم انك سائح . سوف يعطوك التأشيرة لمده اسبوعين .هذه مده كافيه انك تقدر اتسجل في معهد انجليزي عشان اتحصل منه علي تأشيرة طالب.
هذا اللي قالوا ليا الشباب اللي عندهم خبره في هذا الموضوع
واي حد عنده تعليق او توضيح ايحاول ايفيدنا

اما بالنسبة ليا انا ان شالله متوكل علي الله وماشي علي البركه صار من الدبلوم ولا ماصار . خير مانقعد هنا وانقول ياريتني مشيت . في الاخير بكل نأخذ لغه انجليزيه . ان شالله ربي ايسهل الامور . انحس في روحي متفائل .
في الاخير بكل مانبيش انموت . ماصر شي انروح

ربي ايوفقك ..... بالله لو حصلت اي معلومة عالدبلوم العالي بلغنا بيها تربح

ياشباب اعظوني فرصه نتاكد من موضوع الدبلوم العالي لان والله عندي مشكله في الفيز امتعي خلوني انحلها وان شالله يوم الاتنين انرد عليكم في نفس الموضوع شكرا
لان ع حسب علمي فيه جامغة اسمها اكرام ولممكوينوفيه ucsi لكن خليني نتاكد لان هما معتمدا في السفاره

نفس موضوعي والله اني متخرج من معهد عالي حاسوب غوط الشعال المهم نبي قبول عل ماستر في ماليزيا وقاعد اندور قالولي عل جامعة USM بس الله اعلم المهم الي يحصل معلومة يفيدنا بالله الواحد على نااار
ومشكورين والله

الله يوفق الجميع وان شاء الله ما يصير مشاكل بخصوص الدبلوم العالي والفيزا ...

و الله حتى نا نفس الشي

ربي يكون في عوننا و خلاص و الله الصح نحنا اصحاب الدبلوم العالي الدولة تستحمل مصاريف سنة اضافية بيش ناخدو البكالوريوس من المواد الاستدراكية


حنستنى معاكم و نشوف الرد بالك فيه جامعة هكي و الا هكي تقبلنا

السلام عليكم ورحمة الله

وحت انا نفس الشي ..عندي دبلوم عالي في الاتصالات ونبي انكمل ماستر في ماليزيا
أرجو من اخواننا اللي في ماليزيا ايفيدونا ونسال الله عز وجل ان يجعل ذللك في ميزان
حسناتهم

<P align=right><STRONG>السلام عليكم ورحمة الله وبركاته </STRONG></P>
<P align=right><STRONG>لكل من يبحث عن شقة للإيجار في كوالا لمبور يمكنه التواصل معي على الخاص واستئجار شقتي لأنني سأرجع إلى ليبيا رجوع نهائي وهي متكونة من 3 غرف نوم وصالة وحمامين ومطبخ ومنور وأثاثها كامل ويوجد في الحديقة 3 أحواض سباحة وأرجوحات للأطفال وصالة رياضية بها كافة المعدات الرياضية لتقوية الجسم وتخفيف الوزن وصوانا وتنس طاولة واستعمال هذه المرافق مجاني  وقريبة من المرافق العامة مواصلات أسواق ومحلات ومستشفى وعيادات والمدرسة الليبية كذلك قريبة منها وإيجارها في الشهر 2000 رنقت </STRONG></P>

السلام عليكم.. ونا نفس الشي عندي دبلوم عالي برمجة حاسوب وحصلت بأذن الله على قبول لغوي بماليزيا بس سمعت انه في مشكله بشأن قبولي فالجامعات الماليزيه ارجووو من لديه اسماء الجامعات الماليزيه التي تقبلني بشهادة الدبلوم لتحضير الماستر ولكم مني جزيل الشكر

السلام عليكم
اللي عنده دبلوم عالي وتقديره جيد و ما فوق يمكن ايحصل قبول في احد الجامعات الماليزيه المعتمده في التعليم العالي الليبي بأذن الله
ارجوا مراسلتي عالخاص

لا تتوفر بعد على عدد كافي من المساهمات في المنتدى يمكنك من استعمال الرسائل الخاصة.

حتى المنتدى امصعب الامور !!! الدبلوم العالي في ماليزيا والتواصل في الموقع هذا صعب جدا الحصول على حل ^_^

اختنا zeze  ممكن ادلينا وين حصلتي قبول لغه في ماليزيا !!! والا حتى انتي في كستوري !!
بالله فيدونا لان ماليزيا اقعدت اصعب من امريكيا بالنسبه للعائلات والدبولم العالي ... ربي ايفرج ان شاء الله ^_^ونوصلو لعدد المساهمات عشان نزرقوا عليكم فالخاص ونفهموا اكثر