مكاتب التقديم على قبولات في طرابلس

يا ريت الي يعرف مكتب و الا وكاله في طرابلس تجيب في قبولات اكاديميه في بريطانيا يقوللنا على عنوانها بالضبط؟؟؟

شوف وكاله بوصفيطة فى حى الاندلس على ما اضن

ما تعرفيش وين بالضبط في حي الاندلس؟

هناك مكتب يوفر قبولات لغة وقبولات اكاديمية من الجامعات في بريطانيا وعدة دول اخرى
هذا المكتب اسمه المستقبل وهو في البرج الخامس من ابراج ذات العماد الدور الاول

سؤال باللهي اخي الكريم :
حسب ما فهمت من احد المواضيع السابقة لك انك تنتظر في رد السفارة البريطانية في تونس بخصوص التاشيرة.
فما علاقة هذا بالبحث عن القبولات الان؟ نرجو تعميم الفائدة وشكراً

مرحبا
في مكتب طالب الغد في حي الاندلس في بوابة الاندلس

السلام عليكم ورحمه الله وبركاته
خاص بوكالة بوصفيطة للخدمات الطلابية
الموقع الالكتروني الخاص بها www.Bssagency.com
أما البريد الالكتروني الخاص بها Libya@bssagency.com
مقرها الرئيسي في بنغازي ولها فرع في طرابلس ولها أيضا فرع في بريطانيا
للاستفسار على الأرقام الآتية :-
بنغازي
00218914962008—002180612234713---002180619080905
طرابلس
002180913796506---002180214448719---002180217131420
للعلم اسعار الوكالة غالية بالمقارنة باسعار طالب الغد لكن الخدمات جيدة

hello777
اخي الكريم.. كنت نخدم مع شركه بريطانيه توفر في قبولات اكاديميه, بعد ما رجعت لليبيا توقفت لعبض الظروف.. اريد الرجوع الى هذه الشركه. ابحث حاليا عن بعض عقود الشراكه مع مكاتب او وكالات محليه..

لبعض*

محمد لاصيبعي كتب:

hello777
اخي الكريم.. كنت نخدم مع شركه بريطانيه توفر في قبولات اكاديميه, بعد ما رجعت لليبيا توقفت لعبض الظروف.. اريد الرجوع الى هذه الشركه. ابحث حاليا عن بعض عقود الشراكه مع مكاتب او وكالات محليه..

بارك الله فيك وربي يسهل الامور.
لكن ما جاوبتش على سؤالي بخصوص التاشيرة؟ شنو صار فيها وقداش ليك امقدم؟

قاعد نستنى ... قدمت في نص شهر 12 و نتوقع منهم رد في غضون العشر الايام القادمه ان شاء الله

السلام عليكم أخي الكريم يوجد مكتب مقابل لمقر البعتاث ولكن نسيت اسم المكتب وهو للدكتور عبد السلام

ايه نعرفه هداكه.. الوكاله الاستراليه للتعليم و التدريب .. هكي ممكن اسمها.. التقيت بصاحبها..

الله يرحم والدين كل شخص تفاعل مع الموضع هذا.. امين

السلام عليكم
محمد الضاوى
انا قدمت على تأشيرة الى بريطانيا فى تونس يوم 14/12/2011
والى اليوم ماردو على طبعا الاوراق المطلوبة
رسالة دعم مالى اصلى +قبول اصلى +اجازة من العمل لأن جوازى "موظف" الإجازة عربية+انجليزية مترجمة
قبل دلك عبى ابليكيشن على النت فى احد المكاتب متل مكتب فى مركز الواحات بالسياحية اسمه طالب الغد تقريبا واحجز موعد
هذه الإجراءات حتكون فى ليبيا ان شاء الله
ولأى معلومة هذا ايميلى
M84A92( عفوا, يمنع نشر البريد الإلكتروني, استعمل الرسائل الخاصة )COM
وأسأل الله العلى القدير التوفيق والسداد للجميع
آمين

هل نحصلو قبول مشروط من جامعات امريكيه

لو بريطانيا نحاولوا المساعده لكن امريكا نفخ دجي ار اي و امور ثانيه ما نفهمش فيها..

السلام عليكم ارجو المساعده في الحصول على قبول لغه من النمسا او كندا او سويسرا او فرنسا
او اي معلومه يستفيد منها الطالب الموفد للدراسه ( الدرجه التخصصيه ) في الطب البشري[b]

السلام عليكم ارجو المساعده في الحصول على قبول لغه من النمسا او كندا او سويسرا او فرنسا
او اي معلومه يستفيد منها الطالب الموفد للدراسه ( الدرجه التخصصيه ) في الطب البشري[b]

محمد المسماري كتب:

هل نحصلو قبول مشروط من جامعات امريكيه

جامعة رايت ستيت تعطي في قبول مشروط اني جيت لي امريكا باقبول لغة لكن هلبة طلبة معاي سعودين جاين بقبول مشروط
http://www.wright.edu/
الجامعة قوية الحق خصوصا في اللغة كلهم يشكروا فيا انك لو خلصت عندهم اللغة يكون مستواك في الانجليزي ممتاز القبول بها سهل نظامهم سيمستر والمدة للسيمستر 3 شهور ونص كانت نظام كوارتر لكن غيروا السنة هده وللعلم مايدرسوا المرافق لو فيزته F2 لو المرافق ايغير الفيزا اسهل من ليبيا لو بتغيرها من اهني تبي 3 شهور وتدفع 500دولار
وفيه جامعة تانية university of dayton لكن ايقولوا ان الرايت ستيت افضل وهده الجامعة تقري المرافق حتى بافيزا F2
اني لما قدمت في قبول لغة تحصلت على القبول والاي توني بعد 70 يوم
والولاية جوها جو قراية و رخيصة نوعا ما وفيها هلبة ليبين وسعودين وهلبة ليبين غيروا من كلورادو الي اوهايو على خاطر القبول والمعهد ايوفرلك اشخاص يعطوك دورة مجانية في كل مادة مرة في الاسبوع وفيها فائدة كبيرة لانك تقدر تتكلم مع الاشخاص براحتك وتسال اي سؤال