التاشيرة الانجليزية من تونس

السلام عليكم
أخوتي الكرام....شكرا على الرد و التفاعل...أعتقد هناك مشكلة للحجز عن طريق تونس لأني جربت و لم يفلح الأمر فغيرت الحجز على مصر.السلام عليكم

لو سمحتي درتي apply لأي نوع من الفيزا ؟؟ TIER4 أو student visa ؟

السلام عليكم ورحمة الله وبركاته
اخى الخطيب لله الحمد قريبتى تحصلت على الفيزا الاسبوع الماضى ولله الحمد والعقبة للجميع الذين يرغبوا بالدراسة فى بريطانيا

السلام.... أنا درت APPLY للنوع STUDENT VISITOR VISA

اخي الكريم كما قالت لك الاخت الكريمة لا يتم الحجز الا عن طريق الانترنت
ولكن لو انت مش مستعجل اصبر شوية لانه السفارة في ليبيا ستفتح نهاية الشهر او بداية 4
وهذا الكلام من موظفين المجلس الثقافي البريطاني في طرابلس واحد موظفي السفارة البريطانية

بالنسبة لتونس وأنت تعبي لازم تحدد مكان التواجد في تونس بيش تفتح صفحة المواعيد عكس مصر وتركيا تقدر تكتب مكان تواجدك ليبيا

اخواني الكرام و خصوصا الطلبة القدامي لازم تعرفوا ان الاجراءات والانظمة بخصوص التأشيرات في بريطانيا قد اجري عليها بعض التغييرات
يعني مثلا توا بالنظام الجديد معاش تقدر تجدد التأشيرة وانت داخل بريطانيا
ضروري تطلع منها وتجددها من نفس المكان اللي خذيتها منها
ولكن في السابق كان بالامكان تجديدها وانت في بريطانيا

بخصوص تأشيرة تي 4 معاش يعطوا فيها الا من كان لديه درجة في الايلس 4.5
في السابق كانت مش مهم الدرجة

عموما اللي مش مستعجل و عنده وقت يصبر كم يوم الى ان تفتح السفارة في ليبيا
افضل و اضمن و اسهل لسبب انه هناك اتفاق مع مفوضية بريطانيا لتسهيل الاجراءات لطلبة الليبية الدارسين على حساب المجتمع

واللي مستعجل مستعجل يمشي الى تونس او تركيا التأشيرة ما تأخذش 4 أيام

بارك الله فيك اخت رواسي على الرد والف مبروك لحصول قريبتك على التاشيرة
اريد ان اسالك كم تقريبا المدة التي انتظرتها قريبتك للحصول على التاشيرة من بداية التقديم الى استلامها
السؤال الثاني ماهي الاوراق التي قدمتها

السلام عليكم ورحمة الله وبركاته :
خوى الخطيب 23 قدمت قريبتى عالتاشيرة يوم 16-2 وبعثولها انها تستلمها من اسبوع فات تقريبا شهر اما بخصوص الاوراق التى قدمتهن هى قبول لغة لمدة 11 شهر ودعم التاشيرة وهى فى الاساس كان عندها تاشيرة من قبل ولكن لتاخر التفويض الاخير الذى حدثت بعده الثورة الامر ولذلك اضطرت لاعادة الخطوات من الاول
وفقك الله واياكم

السلام عليكم
اريد دراسة اللغة الانجليزية فى بريطانيا
وانا لست مبتعث . واريد الدراسة على حسابى الخاص
كيف يمكننى الحصول على حجز موعد . فى السفارة البريطانية فى تونس
علما اننى الان فى ليبيا وقريبا ساذهب لتونس
وماهى اسم نوع تاشيرتى . لاننى لا اريدها تير 4 .. واريد الدراسة لمدة 10 اشهر
فى انتظار ردكم اخوتى الكرام .. والله لا يضيع اجرا من احسن عملا

الاخ محمد الابليكيش تختار فيه visitor وبعدها الخيار الثاني حتختار especial student visitor وتكمل تعبئة الابليكيشن وحتكون طالب زائر تستطيع اخذ تأشيرة بعد ما تكمل دراسة اللغة لكن من خارج بريطانيا وهذا للعلم

شكرا لك اخ ابو شهاب على الرد
دخلت على الموقع لاختيار نوع التاشيرة vistor ولاكن من بين الخيارات لايوجد هذا النوع من التأشيرات

السلام عليكم...
عندي إستفسار لو سمحتوا إلي عنده معلومة يفيدني... أني عندي قبول لغة من جامعة نيوكاسل يبدا شهر 9 و إنشاء الله الأسبوع الجاي بنمشي إلى تونس عشان تأشيرة طالب زائر. عشان تقوم بإجراءات التفويض المالي,,سؤالي لو التأشيرة صدرت شهر 4 و مازال 5 أشهر عن بداية الكورس شهر 9 هل الــ 5 أشهر ما بين صدور التأشيرة و سفري يخصم من مدة التأشيرة إلي تكون في هالنوع من التأشيرة 11 الشهر مع جزيل الشكر..

الاخ mohamed sadeik

بعد ما اتسجل بلد التواجد تونس وبلدك الحالي ليبيا

تجد خانة Type of visa تختار Visit
ثم خانة Purpose of Application تختار Special Visitot
ثم خانة Type of Application تختار Special student visitor to study English Language

وبعدها اتكمل الباقي
أنشاالله واضح

mohamed sadeik كتب:

شكرا لك اخ ابو شهاب على الرد
دخلت على الموقع لاختيار نوع التاشيرة vistor ولاكن من بين الخيارات لايوجد هذا النوع من التأشيرات

هذا رابط student vistor
http://www.ukba.homeoffice.gov.uk/visas-immigration/visiting/student/apply/

ونماذج التقديم موجودات فوق على اليمين وهذا الرابط متاعهن
http://www.ukba.homeoffice.gov.uk/sitecontent/applicationforms/visas/vaf1d.pdf

http://www.ukba.homeoffice.gov.uk/sitecontent/applicationforms/visas/vaf1-guidance.pdf



عدل سابقا من قبل Abu Mohamed في الأربعاء 01 مايو 2013, 11:36 pm عدل 1 مرات

شكرا لك .اخ Abu mohamed
عفؤا: النموذج ممكن انعبيه يدوى .. ولا ضرورى طباعة
ما هى الاوراق المطلوبة على تاشيرة طالب زائر . مش ما ننسى شى

مشكورين على التواصل

السلام عليكم
الاخ محمد الأصيبعي لقد ارسلت لك رسالة على الخاص ارجو الرد عليها من فضلك .

السلام عليكم
نبي نسأل على مواعيد الدخول والخروج على اي اساس نعبيهم

شكر لـ ابو شهاب و ابو محمد على التواصل
الان تحصلت على موعد . يوم 25/4/2012
لاكن السؤال : لما انقدم ملفى عندهم . بعدها نقدر انروح . ونرجع
.2. انى سجلت فى مدرسة فى بورنموث لمدة 8 اشهر .. تواا هل ناخد تاشيرة لمدة الدراسة وهى 8 شهور .. والا ناخدها 11 شهر

mohamed sadeik كتب:

شكر لـ ابو شهاب و ابو محمد على التواصل
الان تحصلت على موعد . يوم 25/4/2012
لاكن السؤال : لما انقدم ملفى عندهم . بعدها نقدر انروح . ونرجع
.2. انى سجلت فى مدرسة فى بورنموث لمدة 8 اشهر .. تواا هل ناخد تاشيرة لمدة الدراسة وهى 8 شهور .. والا ناخدها 11 شهر

العفو الاخ محمد حبذا لو ايكون الموعد من بداية الاسبوع يوم الاثنين بالنسبة لتونس بيش تطلعلك مع نهايه الاسبوع لانهم الان معاش ايخلوك اتروح لين تاخذ النتيجة وانشاالله تروح بالفيزا

في الغالب حيعطوك تأشيرة لمدة 11 شهر أنت وحظك