التاشيرة الانجليزية من تونس

السلام عليكم ورحمة الله وبركاته,,, بالله افيدونا,, التقديم من تونس جواز السفر ياخذوه والا يرجعو فيه؟؟؟

الرد غدوة ان شاء الله .
بالنسبة ليا انا اعطيتلهم الجواز ، لكن في الي يقول مش ضروري
غدوة الرد الفصل ان شاء الله في الموضوع .

كندة عيسى كتب:

السلام عليكم اخى محمد لو بالامكان تقول قداش كلفك التعبئة والحجز من المركز الدى فى تونس لانى بنمشيله غدوه بنقدمو على تاير فور واريد ان اتأكد وبارك الله فيك وفى اعضاء النمنتدى على الاستفاده الكبيرة

التقديم عن طريق النت بعد عملية اكمال عملية التقديم بالنت (كان ما تعرفيش بروحك بري لمكتب هلبة منهم في الواحات) تختاري موعد حسب المواعيد المتاحة في الجدول وتحددي بلد التقديم تونس، بعدين تمشي لتونس في يوم المقابلة متاعك تكوني غادي، فترة الإنتظار بالنسبة للتاير 4 من يومين إلي ثلاثة أيام
بالتوفيق

السلام عليكم هل توجد مشكلة في حجز الموعد من تونس لان كل الايام مقفلة ارجوا الاجاتة

يا اخ خليفة ما تختارش standard

ما تختارشstandard appointment شوف ال logune اللي هوا الخيار الثاني واظن ان فيه زيادة فالسعر

samisamo كتب:

ما تختارشstandard appointment  شوف ال  logune اللي هوا الخيار الثاني واظن ان فيه زيادة فالسعر

في زيادة 100 باوند للتأشيرة السريعة Priority visa
http://www.almofad.com/t26687-topic
ولكن ملاحظة اللي يبي يقدم على تأشيرة تير-4 ليست من ضمن التاشيرات التي يمكنها من الاستفادة من هذه المواعيد  أو الخدمة

السلام عليكم ورحمة الله وبركاته
لو سمحت يا اخ ابو محمد سؤال
التقديم من تونس في خيارين بس تحصل بيهم موعد
Premium lounge
priority visa
اني بنقدم على تأشيرة TIER 4  وقمت باختيار Premium Lounge
هل  تأشيرة تير-4 من ضمن  التاشيرات التي يمكنها من الاستفادة من هذه  المواعيد(Premium Lounge)

يا اخي mohamd oun
بالله انا توا حجزت علي موعد في تونس تاشيرة تاير فور بعد العيد إن شـاء الله .... نبي نسالك ... هل طلعت ولا مزال؟ وكم تاخذ بيش تطلع؟ وهل اوراقك اللي قدمتهن للتاشيرة صدقت عليهن من الخارجية؟ك (يف متلا الدعم الملي لغرض التاشيرة).... وجزاك الله خيرا

samisamo كتب:

السلام عليكم ورحمة الله وبركاته
لو سمحت يا اخ ابو محمد سؤال
التقديم من تونس في خيارين بس تحصل بيهم موعد
Premium lounge
priority visa
اني بنقدم على تأشيرة TIER 4  وقمت باختيار Premium Lounge
هل  تأشيرة تير-4 من ضمن  التاشيرات التي يمكنها من الاستفادة من هذه  المواعيد(Premium Lounge)

وعليكم السلام ورحمة الله وبركاته 
لا أعتقد
http://www.almofad.com/t26687-topic

اخي altabbal87
ممكن تقوللنا ما هو نوع الموعد اللي حجزت به وهل هو Premium lounge؟

ياسامي سامو
حجزت موعد عادي وقدمت علي تأشيرة طالب زائر على حسابي الخاص
وقالولي تطلعلك في غضوت اسبوعان عمل او ثلاثة
وياشباب مرة مرة تصير مشكلة في الموقع والإيام بتاع الموعد العادي تسكر ، يعني مرة تسكر ومرة تفتح وننصح انك تقعد ادير في ريفرش لن يطلعولك المواعيد ، وبالنسبك للمستعجل ويبي يقدم عالتاير فور يحجز عالpremium ، والي تاشيرته طالب زائر يقدم علي الpriority  لو يبيها تطلعله فيسع او بريموم لو يبي يستنى
وبالتوفيق
مع العلم ان priority والpremium عليها رسوم 100£ زيادة .

بالنسبة لتصديق الاوراق من الخارجية إسأل الأخ ابو محمد !!
وأي استفسار انا حاضر 


والفقرة الأخيرة 
راهوا الجواز ياخذوا فيه ، يعني ضروري تقعد في تونس .

عدل سابقا من قبل Abu Mohamed في الأربعاء 23 يوليو 2014, 2:06 am عدل 2 مرات (السبب : كتابة إنجليزية بحروف عربية قد لايفهمها الجميع)

انا الموعد اللي حجزته Standard.... والتاشيرة تاير فور.... اللي امدوخني وماعرفتله حل هو الفترة اللي تاخذها الفيزا بيش تطلع؟؟؟؟
في الموقع الرسمي يقوللك ال processing time لتاشيرة التاير فور في تونس ياخذ 3 ايام  كحد اقصى فهل الكلام هذا فعلي ولا نضريا بس؟؟؟؟؟؟ياريت اللي امطلع الفيزا تاير فور يفيدنا فيه الموضوع هذا

عدل سابقا من قبل Abu Mohamed في الأربعاء 23 يوليو 2014, 2:14 am عدل 1 مرات (السبب : كتابة إنجليزية بحروف عربية قد لايفهمها الجميع)

حياك الله أخي
ايه هما كاتبين انه تطلع في غضون 3 الى 5 ايام لكن الي يخدموا في المركز قالولي من اسبوعين الى ثلاثة اسابيع عمل . والله اعلم مرات تطلعلك بعد يومين او 5 ايام مثل ماحدث لبعض الأخوة
اما بخصوص الجواز فللأسف ضروري يقعد عندهم
والي يراسل فيا عالخاص منقدرش انرد عليه لأن فاتح بالايفون
وبالتوفيق ان شاء الله .

في صفحة مواعيد تونس لايوجد موعد اسمه تاير فور
يوجد Standard وpriority  وpremium
جميع التأشيرات بإمكانها الاستفادة من هذه المواعيد
ماعدا التاير 4 يمكنها الاستفادة من الStandard  والpremium

عدل سابقا من قبل Abu Mohamed في الأربعاء 23 يوليو 2014, 4:18 am عدل 1 مرات (السبب : كتابة إنجليزية بحروف عربية لايفهمها الجميع)

السلام عليكم بالله اني بنقدم علي تاشيرة طالب زائر من تونس لكن القبول لي عندي صورة طبق الاصل في ليبيا كانت تمشي ونعرف ناس خدو بيها التاشيرة لكن سمعت ان في تونس ضروري من القبول الاصلي مش صورة طبق الاصل نبي نعرف صحة الكلام هذا

Mohamed Oun كتب:

في صفحة مواعيد تونس لايوجد موعد اسمه تاير فور
يوجد Standard وpriority  وpremium
جميع التأشيرات بإمكانها الاستفادة من هذه المواعيد
ماعدا التاير 4 يمكنها الاستفادة من الStandard  والpremium

أخي محمد كلامك صحيح وقد تأكدت منه من خلال موقع الشركة في تونس ةقد كتبت مقال في هذا الموضوع بالخصوص وتم تثبيت الموضوع
http://www.almofad.com/t26687p15-topic#208078

أطلب منك فقط طلب بسيط بعدم كتابة كلمات إنجليزية بأحرف عربية قد لايفهمها الجميع خاصة أنك تتهجأ بعضها بشكل غير صحيح

أحمد جريسا
مش ضروري القبول الأصلي .
تكفي نسخة مسحوبة من الإيميل ، وهذا مافعلت أنا
وبالتوفيق للجميع .

تمام أخي أبو محمد .

Mohamed Oun كتب:

أحمد جريسا
مش ضروري القبول الأصلي .
تكفي نسخة مسحوبة من الإيميل ، وهذا مافعلت أنا
وبالتوفيق للجميع .

وتم القبول استاذ محمد

مازال طلبي قيد الدراسة .
ان شاء الله بالقبول يارب .

Mohamed Oun كتب:

مازال طلبي قيد الدراسة .
ان شاء الله بالقبول يارب .

ان شاء الله ربي يوفق وتاخد التأشيرة

السلام عليكم  
انا نريد ان نحجز لتاشيرة تاير 4 عن طريق تونس ولكن لم اجد اي يوم متاح للحجز على مدار السنة اي شهر 8 و9 و10 و11 و12  فهل توجد مشكلة في منظمومة الحجز او فعلا كل الايام معبية ارجوا الاجابة وشكرا

kalifa muhamed كتب:

السلام عليكم  
انا نريد ان نحجز لتاشيرة تاير 4 عن طريق تونس ولكن لم اجد اي يوم متاح للحجز على مدار السنة اي شهر 8 و9 و10 و11 و12  فهل توجد مشكلة في منظمومة الحجز او فعلا كل الايام معبية ارجوا الاجابة وشكرا

وعليكم السلام

صحيح حتى أنا توة خشيت ولقيت نفس المشكلة في premium visa
والمواعيد العادية standard مايطلع شئ اصلا.
يبدو المشكلة في المنظومة تقدر تبعثلهم شكوى عبر المنظومة
https://www.visa4uk.fco.gov.uk/home/index

اضغط على 
Contact us
ممكن تكتب كالتالي وتبعثه لهذا الإيميل
UKBAIG.ServiceIntegration@fco.gov.uk


Problem in booking appointments

Hi
I tried to book a Tier-4 visa appointment in Tunisia through the website, but the Standard appointments slots were not displayed, no option to see for PBS Tier-4 appointment and the premium appointment are not available from August onward and only few appointments available next Monday 28/7/2014. So, I am wondering whether there is any technical issue preventing appointments for the next months to be available online?
Kind regards
اسمك