التاشيرة الانجليزية من تونس

بارك الله فيكم
إذا حجز الموعد من نفس الموقع اللي عبيت منه الأبليكيشن
معناها شن فايدة التسجيل في موقع tpcontact
واختيار تونس؟؟؟؟

illusion كتب:

بارك الله فيكم
إذا حجز الموعد من نفس الموقع اللي عبيت منه الأبليكيشن
معناها شن فايدة التسجيل في موقع tpcontact
واختيار تونس؟؟؟؟

وفيك بارك الله
فايدته أنه لازم تسجلي معلوماتك مع الشركة المسؤولة عن نقل المستندات عشام مايتأخر طلبك وفي نفس الوقت تتبعي طلبك في موقعهم.

السلام عليكم

قمت بالتواصل مع الملحق الثقافي في تونس والذي فهمته ان القوائم تبعث مباشرة بواسطة الايميل من ادارة البعثات الي السفارة البريطانية في تونس. والايميل المبعوث مكتوب فيه ان الملف المرفق هو قائمة بالطلبة المدعومين من وزارة التعليم العالي وهم متقدمين للتأشيرة البريطانية. وهذه نسخة من الايميل



نتمني ان يكون هذا الشيء في مصلحتنا.

السلام عليكم ورحمه الله وبركاته
ياأخي سامي الهاشمي أنا في مشكلة وياريت ترد عليا بسرعة لو سمحت

ان شاء الله خير ؟

ان شاء الله خير
لو سمحت راسلني عالخاص
لكن اني مازال ماعنديش الصلاحية اني نراسل الخاص

سامي الهاشمي كتب:

السلام عليكم

قمت بالتواصل مع الملحق الثقافي في تونس والذي فهمته ان القوائم تبعث مباشرة بواسطة الايميل من ادارة البعثات الي السفارة البريطانية في تونس. والايميل المبعوث  مكتوب فيه ان الملف المرفق هو قائمة بالطلبة المدعومين من وزارة التعليم العالي وهم متقدمين للتأشيرة البريطانية. وهذه نسخة من الايميل



نتمني ان يكون هذا الشيء في مصلحتنا.

نتمنى ذلك بالفعل مع أن الإيميل اللي باعثين له شكله إيميل للشؤون القنصلية وربما تكون التسمية فقط والله أعلم
ولكن مالفت انتباهي وأثار استيائي في نفس الوقت أن الإيميل المرسل منه وكذلك الإيميلات الثانية في المراسلة كلها إما على الGmail أو yahoo يعني مش إيميلات تابعة لمواقع رسمية للدولة فعل من المعقول السفارة في تونس أو البعثات ليس لديهم موقع وإيميلات خاصة بهم يعني مثلا نهاية الإيميل تكون Libyanembassy.gov.ly أو ماشابه لأن أي أحد يستطيع أن يعمل إيميل ومجانا على الGmail والyahoo 

ايه مزبوط حتي انا لاحظتها. وببساطة لأن ادارة البعثات معندهمش ايميلات خاصة زي الشركات والجهات الخاصة. هيا فضيحة لكن هذا الموجود ونتمني انه يؤدي الغرض. حتي الايميلات اللي مدايرينها ادارة البعثات للتواصل معاهم اونلاين نظرا للظروف الحالية كلها بالدجي ميل.

الاخت المستغفرة بالله اذا كان الموضوع بخصوص التأشيرة او موضوع خاص بالايفاد بأمكانك كتابته هنا وتستفيدي من تجارب ونصائح اكبر عدد من الاعضاء

انا طالبة رجعت من بريطانيا ومعاي رسالة دعم لغرض التأشيرة صادرة من الملحق الثقافي في لندن وقدمت مباشرة عالتأشيرة في السفارة البريطانية في تونس وبعد فترة ارسلوا ايميل لي بخصوص احضار رسالة دعم تأشيرة من البعثات. المهم انا شفت الايميل اللي مبعوث من السفارة البريطانية متأخر

يوم الاثنين القادم امشي للسفارة الليبية في تونس ارفعي معاك نسخة من رسالة دعم التأشيرة متع البعثات القديمة بكل ، ونسخة من رسالة دعم التأشيرة متع الملحقية ونسخة من جواز السفر حطيهم في الاستقبال ووصيهم يرفعوهم فوق لوحدة تونسية نسيت اسمها ، هي اللي تجمع في الرسائل
وبأدن الله لو حطيتيهم الاثنين ينزل اسمك في القائمة يوم الاربعاء ، ولو محظوظة ممكن ينزل الثلاثاء

وأول ماتنزل القائمة أبعثيها للأيميل اللي جاك منه الايميل ، وغالبا بيكون الايميل هذا :

EnquiriesLibyateamUKVS@fco.gov.uk

أنتي امتي كان موعدك وأمتي بعثولك الايميل ، وهل أعطوك مهلة ؟

عدل سابقا من قبل Abu Mohamed في الأحد 24 أغسطس 2014, 2:33 am عدل 1 مرات (السبب : كتابة إنجليزية بحروف عربية)

انا قدمت عالتأشيرة يوم 1-08-2014 و الايميل جاني من السفارة البريطانية يوم 10-8-2014 وقالولي نبو الرسالة من البعثات قبل يوم 19-08-2014
وانا ماكان عندي علم بالمساعدة اللي اتقدم فيها السفارة الليبية في تونس
والحاصل انه الفترة اللي عطينها ليا لتقديم الورقة فاتت.. فما هو الحل بنظرك الان.... ارجو المساعدة

احسن حاجة ردي عليهم اليوم قوليلهم انك لم تتمكني من الحصول علي الورقة الاسبوع الماضي نظرا لظروف كذا وكذا وحاولي ان يكون عذرك مقنع. وأعتذريلهم عالتأخير وقوليلهم انك بتجيبيها الاسبوع الجاي في الاكيد. وأطلبي منهم يأجلو قرار التأشيرة اسبوع اخر لغاية ما تتحصلي علي الورقة. ويوم الاثنين ديري اللي طلبته منك. ولا أعتقد ان بأمكانك ان تقومي بأكثر من هذا. وعلي العموم بعدما راسلوك فيه هلبة اشياء صارت من ضمنها ان وفد من الهوم أوفس مشي للسفارة الليبية يوم 13 اغسطس وتناقشو معاهم ، ومن بعدها معدش طلبو الورقة اهيا من أي واحد. لكن انتي ديري اللي عليك توة. ولو ربي كاتبلك بتتحصلي عالتأشيرة حتاخديها.

السلام عليكم ورحمة الله وبركاته

بارك الله فيك خوي سامي الهاشمي وجزاك الله ألف ألف خير. ان شاء الله خير. أني حنحاول ندير الله نصحتني بيه

بالنسبة للرسالة لو عندك اشكالية في اللغة هادي رسالة ممكن تستعيني بيها او تضيفي عليها

Dear Sir/Madam,

Thank you for your email. I am sorry for late response. I want to inform you that last week I could not manage to get a letter from Libyan      
......... Ministry of higher education because

I will get the letter next week. Could you please If it is possible to suspend the decision of my application one week more.

Thanks and Best Regards

عدل سابقا من قبل سامي الهاشمي في الأحد 24 أغسطس 2014, 1:51 am عدل 4 مرات

سامي الهاشمي كتب:

بالنسبة للرسالة لو عندك اشكالية في اللغة هادي رسالة ممكن تستعيني بيها او تضيفي عليها

Dear Sir/Madam,

Thank you for your email. I am sorry for late response. I want to inform you that I could not manage to get a letter from Libyan      ...... اكتبي السبب هنا Ministry of higher education because
I will get the letter next week. Could you please If it is possible to suspend the decision of my application one week more.

Thanks and Best Regards

والله مانقدر نقولك الا بشرك الله بالجنة ياخوي سامي الهاشمي ويفرج الله عليك يارب

السلام عليكم ..
يا شباب, قدر الله وما شاء فعل إني ما انحصلش التأشيرة لكن أنصح كل موفد أو غيره ممن يريد التقديم للتأشيرة البريطانية حاليا ألا يُقدم, أنا موجود في تونس وحصلت على رفض بعد ما قعدت أسبوعين من الانتظار للنتيجة, وراني أوراقي كاملات وأسباب الرفض تافهة لا تُذكر وتستطيع من خلال الأسباب تعرف أن الإنجليز ما يبوش ليبييين (على الأقل في الوقت الحالي) عموما أنا ناصح لله لكل من يعزم المجيء لتونس ألا يأتي حتى لا يضيع جهده وماله, أنا اللي واجعتني يا جماعة انهم ما يمنعوكش من التقديم (بيش يعلقو على فلوسك) وبعدين يعطوك رفض, مش معقوله اللي انتلاقا معاه في تونس يقولي رفض ويحكولنا على قريب 20 حالة رفض متتابعة !
أسأل الله لكم التوفيق إلى كل خير

Abu Mohamed كتب:

وعليكم السلام
هل ممكن تكتب أسباب الرفض أو تحط نسخة من رسالة الرفض في موضوع أسباب رفض التأشيرة

أخي الدكتور أبو محمد
حاضر إن شاء الله سأحوال أن أرفق صورة من رسالة الرفض وأذكر الآن بعض منها
أنا عطيتهم ثلاث شهادات للغة الإنجليزية (على أساس انعزز نيتي في الدراسة) استخدموها ضدي وقالولي انت عطيتنا شهادات لكورسات لغة وآخر وحدة كانت في 2012 وهذا يعني أنك توقفت عن دراسة اللغة لفترة سنة على الأقل مما يقودنا إلى الشك في نيتك للدراسة !!!!!!!!!!!
نذكر السبب الآخر أني عطيتهم كشف حساب خاص بي وشهادة مرتب من الإدارة المالية لجامعة عمر المختار (لأني معيد) أنا تعينت في شهر 1 سنة 2014 ونزلونا مرتباتنا في شهر 7 دفعة واحدة, فقالولي (البريطانيين) كيف أنت مرتبك 674 دينار مع ولقينا أنك أودعت في يوم واحد 4760 تقريبا في يوم واحد, (يعني هما مستغربين كيف دخل الرقم هذا في حسابي) مع أنهم على علم أن هذا الرقم هو مجموع مرتباتي في الأشهر الأولى من سنة 2014 إلى شهر 7 كما هو مُثْبت في شهادة المرتب بالصيغة التالية: الموظف المذكور أعلاه لم يتقاضى أي مرتب إلى شهر 6

قدر الله وما شاء فعل..بالله لو سمحت التاشيرة اللي قدمت عليها شن نوعها تير4 او طالب زاير.

samisamo كتب:

قدر الله وما شاء فعل..بالله لو سمحت التاشيرة اللي قدمت عليها شن نوعها تير4 او طالب زاير.

طالب زائر خويا سامي

السلام عليكم
بالله خوتي نبي نسألكم عن شئ ... وين بالضبط نرفع اوراقي للحصول على رسالة الدعم هل اذهب للسفارة الليبية بتونس او الملحقية الثقافية بتونس....

ارجو منكم الافادة ولكم مني جزيل الشكر

الملحقية موجودة في السفارة

التاكسي قولوله يرفعكم للسفارة الليبية في تونس. موجودة في شارع محمد الخامس

اوراقك ارفعيهم للملحقية مش السفارة لان الموظفين اللي على شباك السفارة ما عندهمش علم بموضوع القواءم،هما الاثنين بحدا بعض،الملحقية الثقافية ألباب متاعها جاي عالشارع الرءيسي.