التاشيرة الانجليزية من تونس

mona1990 كتب:

مساء الخير..بالله نبي نسأل بخصوص ورقة الدعم المالي والدعم المالي للتأشيرة ،أنا قدمت يوم8/20 ولسه نستنى ف الرد.وورقة الدعم المالي والدعم للتأشيرة تاريخهم 8 من شهر سبعة،،هل كويسات ويعتبرا جدد والا قدم لان فيه بعض الطلبة قالولي لازم جديدة..بالله افيدوني

لا أحد يستطيع يفتيلك في هذا الموضوع
قبل كان عادي لعند 4 شهور يقبلوا ولكن الفترة الأخيرة لما كانت البعثات مسكرة كانوا يطلبوا في رسائل دعم جديدة في شهر 8 ومايقبول حتى الرسائل من الملحقية الثقافية في لندن. لذلك في رأيي الأفضل تستني الدعم المالي الجديد اللي قدمتي عليه.

حسن الوحيد كتب:

السلام عليكم اخوتي اخواتي الطلبة
لدي سؤال متمثل هل يوجد خدمات vip في السفارة البريطانية تونس

خدمة التأشيرة السريعة والخدمات الإضافية للتاشيرة

Mohamed Oun كتب:

شن هيا vip هاذي ياخوي ؟

VIP=Very Important person

السلام عليكم:
اليوم قدمت علي التاشيرة تير 4 لي و لافراد اسرتي من تونس و احب ان انوه ان تكاليف كل فرد كانت 1107 دينار تونسي. لابد ان يكون الدفع بالدينار التونسي
اتمني التوفيق لكل من تقدم او سيتقدم بالتاشيرة

السلام عليكم
قدمت ع تأشيرة تاير 4 وزوجي مرافق علما بأن البريسشنال كورس اكثر من ستة اشهر وملفي يوجد به كل الأوراق المطلوبة وملف زوجي يوجد به هذه الاوراق : جواز السفر + رسالة دعم التأشيرة يوجد بها اسمه + عقد الزواج + شهادة الميلاد + الوضع العائلي + صورتين شخصية . كل الاوراق مترجمة . هل هذه الاوراق كافية للمرافق في التاير 4 ؟

يا جماعة اللي كلفتهم التاشيرة1107 هل تشمل حتى رسوم المكتب لان اللي دوخني ان في موقع الهجرة البريطانية كاتبين الرسوم 310 باوند للفرد اي ما يعادل 650 تقريبا فهناك تباين واضح بين الرقمين
الرجاء التوضيح

الي تكلف 1107 دينار تونسي هي تاشيرة التير 4 و تشمل 930 رسوم التاشيرة كما مذكور في موقع الهجرة البريطانية بالاضافة الي 177 دينار تونسي رسوم استخدام مكتب الفيزا في تونس و هو ايظا مذكور في موقعهم انه عند استخدام مكتب التقديم علي التاشيرة البريطانية في تونس هناك رسوم اضافية قيمتها 59 باوند و هو مايعادل 177 دينار تونسي الي ذكرتهم. لكن تاشيرة الطالب الزائر (6 شهور) حسب موقعهم تكلف 249 دينار تونسي بالاضافة الي 177 رسوم المكتب اما (11 شهر) تكلف 450 بالاضافة الي 177 رسوم المكتب.
مع تمنياني بالتوفيق

الاخت ميار ادا كان الاسم صحيح (هل ممكن انراسلك عالخاص)

السلام عليكم
وصلني هذا الإيميل اليوم وانا مقدم من يوم 20/8 بالله من وصله الإيميل هذا واستلم التأشيرة افيدووووووني وهل الايميل هذا يطمن او لا ؟؟؟؟؟!!!!!

UK Visas & Immigration has now assessed your UK visa application and made a decision. Your documents and the decision will be sent back to the either the UK Visa Application Centre where you applied, where we will contact you by email over the next few days to collect them, or if you are using the courier return service, will be sent directly back to the address you provided.

Please note that Teleperformance does not know the outcome of the assessment and has played no role in the decision-making process.

الايميل عادي يقول انهم وصلو لقرار بخصوص الفيزا الخاصة بيك و ان القرار و اوراقك سيتم ارسالهم الي مركز الفيزا الي قدمتي منه و هو بدوره سيتصل بك خلال الايام المقبلة لتستلمي اوراقك
و ايضا ان شركة التيلي بيرفورمانس لا تعرف ماهو القرار و لا تتدخل في القرار
اتمني ان يكون القرار ايجابي و تتحصلي علي التاشيرة بس المهم طمنينا شن كان القرار لما تستلمي الاوراق

السلام عليكم ورحمة الله وبركاته
اخ ابو محمد، انا اسف لاني لم اعرف اين اكتب تساؤلي،،ارجو ان تفيدني من واقع خبرتك،انا قدمت على تاشيرة تير4 من تونس لاول مرة، يوم 8.8 والى الان لم ياتيني الرد علما بان الكورس الاكاديمي يبدا 15.9..وانشالله اذا حصلت التاشيرة مازال قدامي التفويض الله اعلم قداش ياخذ..حتى لو راسلت الجامعة قداش تتوقع يراجوك،هل تنصحني نسحب جوازي لان الوقت ما يسدش..بالله شن رايك.وشكرا

samisamo كتب:

السلام عليكم ورحمة الله وبركاته
اخ ابو محمد، انا اسف لاني لم اعرف اين اكتب تساؤلي،،ارجو ان تفيدني من واقع خبرتك،انا قدمت على تاشيرة تير4 من تونس لاول مرة، يوم 8.8 والى الان لم ياتيني الرد علما بان الكورس الاكاديمي يبدا 15.9..وانشالله اذا حصلت التاشيرة مازال قدامي التفويض الله اعلم قداش ياخذ..حتى لو راسلت الجامعة قداش تتوقع يراجوك،هل تنصحني نسحب جوازي لان الوقت ما يسدش..بالله شن رايك.وشكرا

وعليكم السلام ورحمة الله وبركاته 
أغلب اللي قدموا من 1-8 إلى 14-8 مازال ماردوا عليهم 
لاماتسحببه جوازك لأنه حيردوا عليك في هذه الأيام إن شاء الله
حاول تراسل الجامعة وتحطهم في الصورة وأسألهم لعند امتى ممكن يستنوك لو طلعت التأشيرة والتفويض مازال والجامعة ماعطوك مهلة كبيرة ممكن تجئ على حسابك بعد تقدم على التفويض
شوف هذا الموضوع
التاشيرة طلعت والتفويض مازال والدراسة تبدأ قريب ؟؟

عدل سابقا من قبل Abu Mohamed في السبت 13 سبتمبر 2014, 2:08 am عدل 1 مرات

يقال ان اليوم وصل عدد كبير من الجوازات الى مركز التاشيرات في تونس ان شاء الله يكون جوازك من بينهم وتستلمي التاشيره غدا او بعد غد

ماتسحبيش يا اختى جوازك انا 12\8 وردو عليا اول امس ان شاء الله بالتوفيق

فيه اليوم عدد من الطلاب مقدمين في بداية شهر 8 وصلنهم ايميللات انا اوراقهم وجوازتهم وصلن الى مركز التاشيره وعليهم الحضور لاستيلام جوازاتهم ان شاء الله ربنا يفرج على الجميع

ان شاء الله ربي يسخرلكم الحال

شوف الساحلي لو أمنة برا منها

الرجاء من يستطيع مساعدتى فى توصيل رسالة الدعم المالى للفيزا من ليبيا لتونس ...للاسف تم رفضى التاير 4 بعد انتظار 23 يوم بسبب الدعم المالى

ان شاء الله تحصل حد يوصلهالك
ممكن نعرف سبب الرفض بالتفصيل هل لان تاريخها قديم ام ماذا؟
حظ اوفر المرة القادمة

تاريخها من 27.03.14 وطبعا كنت اعتقد ان صلاحيتها 6 شهوروكنت بنجددها والمشكلة البعتات كانت مسكرة

هل السفر عن طريق البر الى تونس ممكن او من الصعب الوصول لها الان

الرجاء المساعدة من يعرف اى شخص قادم الى تونس من ليبيا ..لدى اوراق مهمة ...وياريت اللى يعرف اذا كان يمكن ارسالهم عن طريق البريد قداش يبو باش يوصلو لتونس العاصمة

bubo كتب:

الرجاء المساعدة من يعرف اى شخص قادم الى تونس من ليبيا ..لدى اوراق مهمة ...وياريت اللى يعرف اذا كان يمكن ارسالهم عن طريق البريد قداش يبو باش يوصلو لتونس العاصمة

وين موجودات في أي مدينة في ليبيا عشان كان فيه حد نربطوه بيك؟
الأفضل تعرضي سؤالك في صفحة عين الجالية في الفيس بوك فيها الالأف من الليبيين ممكن حد يساعدك

شكرا ليك اخى ..الاوراق موجودة فى مدينة غريان.. وانى نشرت طلب المساعدة على اكتر من صفحة عالفيس ولازلت انتظر الرد

bubo كتب:

شكرا ليك اخى ..الاوراق موجودة فى مدينة غريان.. وانى نشرت طلب المساعدة على اكتر من صفحة عالفيس ولازلت انتظر الرد

السلام عليكم
انا بكره متوكل الى تونس الصبح والسكن فى طرابلس لو في امكانية انا مستعد للمساعده وهدا رقمي 0913754708

السلام عليكم
بالله هل نقدر نروح بجواز السفر ولا مضطر ان ننتظر طيلة ال 21 يوم او اكتر ......بارك الله فيكم رد سريع لانى بكره طالع لتونس