المانيا الساحة المثالية ما دوخش روحك!!

السلام عليكم
المانيا الساحة المثالية ما دوخش روحك!! خصوصا في التخصصات الطبية والهندسية

المانيا الساحة المثالية ليش لعدة اسباب اهمها:
المحلق الثقافي يشتغلو فيه ناس ربي يحفظهم ولاقوة الا بالله معاملة لعند الواحد يتحشم <احراج< السبب الثاني معظم طلبتناعندهم مشاكل في اللغة خصوصا اللغة الانقليزية في المانيا تقدر تمشي روحك السبب الثالث الناس متطورين جدا جدا جدا خصوصا في الطب والهندسة والسبب الاخر مصاريف الدراسة رخيصة وغيرها من الاسباب الاخرى

السلام عليكم
اخي ليبيا اذا كان انت موفد من الدولة في البداية تحصل على قبول لغة من معهد قوتا "على اسم شاعر واديب الماني" مشهور عالميا هذا المعهد في تدريس اللغة الالمانية ومن ثم تراسل جامعات وتتحصل على قبول اكاديمي والجامعات معظمها تدرس بالانقليزية للدكتوراه وبعضها للماستر
اي سوال ما تديرش عيبة ابدا
تحياتي
هوكليبيري فين

germay2 كتب:

السلام عليكم
اخي ليبيا اذا كان انت موفد من الدولة في البداية تحصل على قبول لغة من معهد قوتا "على اسم شاعر واديب الماني" مشهور عالميا هذا المعهد في تدريس اللغة الالمانية ومن ثم تراسل جامعات وتتحصل على قبول اكاديمي والجامعات معظمها تدرس بالانقليزية للدكتوراه وبعضها للماستر
اي سوال ما تديرش عيبة ابدا
تحياتي
هوكليبيري فين

مرحبا بالالماني
المعهد راسلته زمان وماني عارف شن طلب مني تقريبا رسالة دعم مالي
بعدين قلت كيف الواحد بيقرا الماني وبعدين في الماستر بيقرا بالانقليزي

اخي ليبيا
هل انت موفد من الدولة؟ هل الدارسة ماستر ام PhD

والله يا خوي للاسف اوروبا كلها مضروبة بعصا وحدة
اجراءات معقدة وقصة وفلم هندي في الروتين الغريب اللي عندهم
ولكن تضل المانيا من افضل الساحات دراسياً
لكنها دولة تدعو للكئابة

الناس هناك غير عشرين ومتحابين !!

germay2 كتب:

اخي ليبيا
هل انت موفد من الدولة؟ هل الدارسة ماستر ام PhD

انا موفد ماستر كمبيوتر كان عندك حل والله مية مية

السلام عليكم
اول حاجة اتديرها تراسل جامعات ابعث لهم توا يطلبوا شهاداتك والسيرة الذاتيةوبعدين قدم على تأشيرة حتى كان ماحصلتش قبول قدم عن طريق اللغة و بالنسبة للاخ سينيوري اللي قال المانيا تدعو للكئابة ما شافش بريطانيا المظلمة شن يقول كان شافها وبعدين انت ماشي تقرى ولا ماشي تتفسح لو مشيت لالمانيا من قبل مش هيكون هذا رايك انشاء الله بالتوفيق
هوكليبيري فين

اذا حصلت قبول اكاديمي مش ضروري بس اذا ما حصلتش لازم قبول لغة بيش تحصل فيزا

باعتبارك الطالب الوحيد في المنتدى في المانيا فما تبخل علينا باي معلومة من غادي
ولك فائق الود والاحترام

عدل سابقا من قبل ليبيا في الخميس 13 مايو 2010, 7:27 pm عدل 1 مرات

خيرك وشنو هالكلام اللي تقول فيه زعيم وادسه عيب منك الكلام هذا

ابحث في الانترنت على الجامعات الالمانية واكتبلهم رسالة واذكر فيها اللي تبيه وتخصصك واشرح وضعك الزبط توا يردو عليك وما تنساش تذكر معدلك وتقدير ونقطة اهتمامك بس مش اكثر

انا لو نبي نبخل ما فيش حد ضربني على روس صوابعي وقال حط الموضوع هذا ولاني عارف ان هذه الساحة ما عليهاش معلومات كافية حطيته يا اخي ليبيا مش معقولة نبي نبخل زي ما انت ادعيت بس انت ما تعرفش اتعبر وما تعرفش اتدور على جامعات تقرا فيهن بس عندنا مثل يقول اللي يبي الشقاء يلقاه
طبعا ما فيناش زعل

ما فيش مشكلة ابدا اللي عنده سوال ان شاء الله مش حنقصر وحتى اللي يبي قبول من هنا نحاول اندير اللي في جهدي ونجريله عليه ساعمل كل ما في وسعي من اجل ابناء بلدي.
اخي ليبيا قد اكون قسيت عليك اشويا سامحني
تحياتي
هوكليبيري فين

عدل سابقا من قبل germay2 في الجمعة 14 مايو 2010, 12:14 pm عدل 1 مرات

السلام عليكم ورحمة الله وبركاته:
ليس لي في الموضوع ناقة ولا جمل ولكن أحببت أن أنبه الاخوه في هذا الموضوع لخطأ في كتابة ان شاء الله والتي يكتبها الكثير منا " انشاء الله " وقد كنت أكتبها كذلك حتى علمت بأنها خطأ وأن كتابتنا لها كذلك تغير المعنى لأن انشاء معناها بناء ولذلك رجااااء حار منكم ان تنتبهوا لكتابتها بالصوره الصحيحه اي " إن شاء الله " وانا عارفه ان الاخطاء تحدث بسبب السرعه في الكتابه ولكن بعض الجمل والكلمات قد لاتتحمل الخطأ فيها .............
وشكرا لكم على سعة صدركم في استقبال النصيحه .

الاخت متابعة :
بارك الله فيك

السلا عليكم الى الاخ germany نتمنى تفيدني حول الدراسة في المانيا انا سالت دكتور متخرج من المانيا قالي تخصصك غير موجود في المانيا ...علما بانه تخصصي nutrition تغذية ...ومتخرجه من الصحه العامه ...كلية الطب ..ارجو افادتي عن كيفية الحصول على قبول اكاديمي مشروط بلغة

السلام عليكم
الاخ العزيز شكرا على المعلومات وبارك الله فيك والله بجد ريحتنى وساعدتنى معلوماتك .
بس ممكن لو سمجت انا نبى انسجل فى معهد قوتا لكن ماعرفتش كيف المهم انا مشيت لسفارة ودرت مقابلة وقلولى تمام بس انت ضرورى اتجيبنا تاكيد من السفارة اليبية في المانيا انها متكفلة بجميع مصاريفك وتجيب قبول من معهد ونصحونى فى السفارة بمعهد قوتا المهم انا جبت من الاول قبول من جامعة لكن قلولى هما يبوا تاكيد لان الى جبتها انا فواتير وليس قبول على العموم اخى العزيز
لو فى امكانك انك تبعتلى موقع معهد قوتا وكذلك رقم تلفونات وفاكس السفارة اليبية فى المانيا لانى دورت على النت واى رقم انكلمها يطلع مش هو .
بارك الله فيك وجعله فى ميزان حسناتك
تحياتى

اخي merwas
سابعث لك كل الذي تريده على الخاص
بالتوفيق
تحياتي
هوكليبيري فين