التاشيرة البريطانية نوع ( Tier 4 ) القديم

الحل اخي انك تعمل كشف حساب طبعا يكون جاري يعني عندك دخل ينزل فيه في حدود الف دينار او فوق ويكون فيه رصيد جوالي 20 الف وتعمل كذلك شهادة مرتب وان شاء الله تنشي الامور

toumi كتب:

السلام عليكم و رحمة الله

الي الاخوة الرغبين في التقديم علي التاشيرة نوع Tier 4

انا نبي انوضح شيء مهم, فيه شخص صديق من فترة بسيطة كان قدم علي تاشيرة نوع Tier 4 من طرابلس و كان عنده ثلاثة اطفال + الزوجة و لكن للاسف تم رفضه بعد دفع كل الرسوم و السبب حسب التقرير المرفق منهم بان المنحة لا تكفي حسب ماهو مكتوب في رسالة الدعم للتاشيرة و كان مكتوب 1960 باوند

بس هما قالوله بأن الموفد شخصياًا يحتاج الي 800 باوند شهريا و لكل مرافق 450 باوند بمعني ان 800 + 450* 4 = 2600 باوند
عموماً يجب ان يكون 800 باوند + 450 * عدد المرفقين بالكامل = االاجمالي(باوند) ،يعني المفروض في رسالة الدعم للتاشيرة يكون مكتوب الحاصل الاجمالي (باوند) و الا من المحتمل جدا يتم الرفض.

و ان شاء الله ربي إوفقك الجميع
و هذا للإفادة

الطامة الكبرى اللي لو يفطنولها الإنجليز أن في رسالة الدعم كاتبين 1870 بينما المبلغ اللي نستلموا فيه 1474 فقط
الحل زي ما قال الأخوة أنك تحط مبلغ كويس في الحساب يعني المفروض المبلغ اللي كاتبينه في الرسالة + المبلغ اللي يكون في كشف الحساب لازم يكون فيه 800 بوند+ 450 باوند مضروب في عدد المرافقين مضروب في 9 أشهر على الأقل يعني 2600 * 9= 23400 باوند ناقص (1860 * 9= 16740) يعني على الأقل يكون في حسابك 6600 باوند أو مايعادلها بالليبي (أضرب في 2) هذا في حالة عندك أربع مرافقين. بس لازم تحط المبلغ على دفعات أو تحطه قبل فترة لأنك لما تجيب كشف حساب وفيه مبلغ كبير نازل فجأة حيرفظوك طول. فلو هم طالبين كشف حساب متاع شهر بس معناها ممكن تحط المبلغ قبل الشهر الأخير بحيث المبلغ مايطلعش في الكشف وفي حالة يطلبوا 6 شهور معناها لازم تحطه قبل 6 شهور أو تحطه على دفعات في خلال الستة شهور.

عدل سابقا من قبل ِAbu Mohamed في الأربعاء 06 يونيو 2012, 12:44 am عدل 1 مرات

انا متزوج و عندي بنت وولد و المبلغ المكتوب في الدعم المالي 1445 تقريبا قدمت على التاشيرة ليا اسبوعين و رفعت معاي كشف حساب و لما اعطيت الاوراق جيت بنعطيه قالي الموظف الي بالمكتب انت مبعوث على حساب الدولة مش لازم كشف حساب. انا مازال ننتظر في الرد كنت متاكد من الحصول على التاشيرة بس من الي قريت هالخبر لا. نبي نسال باهي كيف انديرو اذا رفضونا

السلام عليكم
اخواني الكرام حتى و لو أرفقتم كشف الحساب مازالت المشكلة قائمة بنظر الانجليز فاني اعلم شخصا قد تقدم على الفيزا برسالة دعم و كشف حساب بمبلغ 50000 دينار ليبي و تم رفضه بسبب المبلغ المكتوب برسالة الدعم.... السلام عليكم

السلام عليكم و رحمة الله و بركاته

الاخوة الاعضاء هل هناك اي شخص تحصل علي التاشيرة Tier 4 من طرابلس هذه الايام او اذا تعرفوا اي شخص اخر ممكن تحصل عليها؟

و بارك الله فيكم جميعا

بتاريخ 12-4 تقدمت على علي التاشيرة Tier 4 من طرابلس وتحصلت عليها في 25-4.
المشكلة قدمت اوراقي بدون دعم مالي فقط كشف حساب به المبلغ المطلوب كما في طلب التاشيرة .

عدل سابقا من قبل husni في الأحد 27 مايو 2012, 7:18 pm عدل 1 مرات

الله يفتح عليكم
فرحونا
ماشاءالله تبارك الله الف مبروك
شكرا

فيزا تاير 4 لانها الفيزا الوحيدة التي يمكنك بها رفع مرافقين معك و شرطها الوحيد هو قبول اكاديمي غير مشروط او درجة في الايلس فوق 4.5

العبدُ لله قدمت على التاير 4 يوم 24/04/2012 ، ولحد الآن لم يأت الرد ، نسأل الله التوفيق لنا ولكم جميعاً، وإن شاء الله كل تأخيرة فيها خيرة

يجب ان يكون الدعم المالي او كشف الحساب يغطي مصارف المعيشة لك وللاسرة و لتكاليف الرسوم الدراسية للكورس و اذا نويت ان ترافقك الاسرة حسب طلب الفيزاء لمدة المحددة لكورس لو اقل من 9 اشهر و اذا كانت اكثر تحسب لـ9 اشهر فقط حتى لو كان الكورس 36 شهر و هي كالتالي:
1-المقدم الرئيسي لطالب الفيزاء 600 باوند /الشهر (تقريباً 1200 دينار /الشهر)
2- لكل فرد من الاسرة المرافقين ( اذا قررت ارفاقهم معاك) 450 باوند / الشهر (تقريباً 900 دينار /الشهر).
مثلاً اسرة متكونة من ثلاثة اطفال و الام و انت كمقدم الطلب الرئيسي فيتم الحساب كتالي:
[600 باوند للمقدم الطلب +(450 باوند X ل4 مرافقين) ] X ل9 اشهر= 21600 باوند
اي ان كشف الحساب يجب ان يبين ان هناك مبلغ قدره 21600 باوند (تقريباً 43200 دينار ) فقط لتغطية متطلبات مصاريف المعيشة و هناك رسوم الجامعة للسنة الاول او للكورس لو اقل من 9 اشهر و تختلف حسب التخصص من 9000 الى 22000 الف لسنة الدراسية يجب ان تكون لديك في الحساب.
ان اردت ان تقدم نفسك على انك لديك ضامن حكومي يجب ان يذكر في الدعم المالي انك تستلم راتب شهري مقداره 21600/9= 2400 باوند/شهر لك و لهذه العائلة.

السلام عليكم

عندي سؤال غريب شوي

انا مقيم في مدينة ليستر وابحث عن فتاة للزواج عمرها من 18 عام الى 33 عام

فلم اجد الا هذه الطريقة والبحث عنها في المنتدي فربما اجد بنوتة للزواج تكون موفدة الى بريطانيا

اني مقيم هنا وعمري 33 عام والاصل من طرابلس

افيدوني افادكم الله

فمن تجد في نفسها الكفاءة للزواج الاتصال بي عبر البريد الاليكتروني

asd79hisham( عفوا, يمنع نشر البريد الإلكتروني, استعمل الرسائل الخاصة )com

السلا م عليكم اخ حسني. هل معك مرافقين و كم عددهم؟
و
الف مبروووووك و العاقبة للاخرين
وانشاء الله بالتوفيق

الســــــــــــــــــــــــــــــلام عليكم ورحمة الله وبـــــــــــــــــــــــــركاته ,,,,,, أنا معيده وصدر فيا قرار الايفــــــــــــــــــــــــــاد وتخصصى علم نبات وحابة انى نختــــــــــــــــــــــــــــــــــتار بريطانيا بس سمعت ان ضرورى تنجح فى امتحان الايلتس انت والمرافق ,,,,,,وطبعا فى بنغازى أوطرابلس ؟؟؟؟؟هل الخبر صحيح ؟؟؟ اما بالنسبة للجامعات العربية شنو افضل جامعة فى هذا التخصص ؟؟؟وشنو رأيكم بالجامعات فى الامارات هل هن بنفس مستوى الجامعات العريقة ؟؟؟؟أرجـــــــــــــــــــــــوكم ساعدونى بنصائحكم ولا تبخلوا على من معلوماتكم..........وخصوصآ من أصحاب التجارب ....جزاكم الله كل خير

عدد الاطفال 2 و الزوجة

السلام عليكم
انا نبي نقدم على تاشيرة نوع التيلر فور هل نعبي ابليكيشن كافي ليا ولي عائلتي او لكل فرد من العائلة ابليكيشن وما نوع التأشيرة للعائلة لكل فرد ... علما ان العائلة انا وزوجتي و طفلين واحد 6 اشهر و سنتين ....
وبارك الله فيكم ....

جوجو مفش داعي تربكي روحك وتشغلي نفسك اول ما يطلع قرار ايفادك حيطلع معاهن الساحات المفتوحه في نفس الوقت,,,,,وممكن الاجراءت والاواق يختلفن بعض الشئ
ننصحك تبحثي في المنتدي اكثر من مرة وتشوفي الانسب لك وخاصة لو متزوجه وعندك اطفال,,,,,عندها يكون الاختيار حسب ضروفك انت وليس ضروف موفد ثاني,,,,وشكرا

و عليكم السلام و رحمة الله و بركاته

أخي العزيز ابن الجبل الغربي لكي تقدم علي التاشيرة يجب ان يكون لديك درجة في الايلتس لا تقل علي 4.5 و كل جزء من فروعه لا يقل علي 4

ثانيا يتطلب منك قبول لغة او اكاديمي مع حصولك علي رقم CAS

ثالثا: الزوجة و الابناء كل منهم يحتاج الي ابليشن خاص بيه
و انت تحتاج الي ابليكيشن خاصة بيك + تعبئة نموذج يسمي VAF9

و بالتوفيق ان شاء الله

بارك الله فيك خوي بس عندي استفسار لما نعبي نماذج للعائلة اي نوع فيزا نكتبلهم وبارك الله فيك .....

الدرجه المطلوبه في الايلتس هي 4 مش 4.5 (4 في كل ماده من المواد الاربعه),,

اني عندي الايلتس 5.5 ومن غير مرافق ونبي نقدم على التاشيرة بقبول اللغة فقط شن الاوراق المطلوبة؟؟؟؟؟ علما باني معيد في الجامعة شن قصة ورقة الاجازة من الجهة الي نخدم فيها!!!!!!!!!!!! لو سمحتم ساعدوني

انا عندي 5.5 في الايلتس ومن غير مرافق وبقبول لغة فقط ما هي المستندات المطلوبة للتقديم على التاشيرة واي نوع المفروض نقدم ولقيت شخص كانب عن ورقة اجازة من جهة العمل علماااااا باني معيد في الكلية .

توفل 500 يعادل كم اليس، ويقبلوه زعما؟

تحياتي ومتخافوش لا شيء... انا كنت مطمن بكل واثق وبعدها جت ع راسي والحمد لله مانيش ادرى من ربي... والله لاتسامح الظلمة