التاشيرة البريطانية نوع ( Tier 4 ) القديم

خوي انا قدمت على الابليكيشن نوع تيلر 4 وزوجتي قدمتلها على ابيليكيشن تيلر فور اندبنت صح هكي او لا

قصدك دبندت مش اندبنت؟????????

زي ما قالت الاخت امة الله.. صاحب الايفاد يقدم على التاير 4 و المرافقين يقدموا على الديبندت..

بعض كورسات اللغه تكون مشروطه بدرجه ايلتس معينه.. الشي هذا عادة موجود في المعاهد الخاصه بالجامعات

شكرا اخي لتعاونكم الفاعل بالمنتدى

بارك الله فيكم بس انا نوع الفيزا للمرافق شن نختار study والا شني لان مافيهش اندبنت بالله عليكم الي عارف يقولنا والله حاير ساعدوني بالله عليكم ....

ياخوي انا لما عبيت النموذج درت نوع الفيزا التاير 4 جنرال ستيودنت ولما عبيت للمرافق درت نوع الفيزا study , pbs tier4 student ,tier4general dependant partner صح هكي او لا

ابن الجبل الغربي كتب:

ياخوي انا لما عبيت النموذج درت نوع الفيزا التاير 4 جنرال ستيودنت ولما عبيت للمرافق درت نوع الفيزا study , pbs tier4 student ,tier4general dependant partner صح هكي او لا

وأخيرا من ساعة وأنا ندورلك توة بس لقيتهم بس فيه ملاحظة أن هذين النماذج للتقديم باليد بس المفروض تلقى نفس أسماء النماذج لما تعبي أون لاين ماعدا VAF9 -Appendix 8 Tier 4 (General) self assessment للموفد

هذا رابط لنماذج المرافقين تلقى كل النماذج على يمين الصفحة اضغط هنا تعبي النموذج الأول لكل مرافق اسمه VAF10 application form - points-based system dependant
أما النموذج الثاني والثالث فهو معلومات يساعدنك كيف تعبي guidence

بالنسبة لصاحب الإيفاد يعبي نموذجين الأول أون لاين اسمه vaf9 PBS FORM (VAF9) personal details
والثاتي باليد اسمه VAF9 -Appendix 8 Tier 4 (General) self assessment
وهذا الرابط لتنزبل النماذج اضغط هنا

بالتوفيق

عدل سابقا من قبل Abu Mohamed في الأربعاء 01 مايو 2013, 11:25 pm عدل 1 مرات

لما نقدم على التاير 4 ضروري قبول اكاديمي ولا قبول لغة كفاية علما بانه عندي ايلتس 5.5 الاجمالي(5.5+5.5+5+6) لو سمحتم ردو علياااااااااااااااااااااااااااااااااااا

المهم انك تحصلي قبول من جهه تعطيك ال cas number و القبول هدا ممكن يكون لغه او اكاديمي

عندي الايلتس 5.5 الاجمالي (5.5+5.5+5+6) كل جزء نبي نقدم على الفيزا بقبول لغة ولا ضروري اكاديمي لما تبي تقدم تاير 4 لو سمحتم ساعدوني

يعني اني عندي الايلس 5.5 الاجمالي و (5.5 +5.5+5+6) كل جزء نقدر نقدم على تاير 4 فيزا بقبول لغة ولا ضروري اكاديمي لو سمحتم ساعدوني

السلام عليكم كلمة الحق
انشاء الله جوابي يكون كافي
التاير فور تقدري تحصلي عليها بقبول لغة فقط يشرط تعطيك الجامعة اللي بتقدمي فيها الكاس نمبر -زوجتي قدمت على جامعة ليدز ل presessional academic english course for postgraduate studies هذا الكورس مؤهل للماستر وقالولها هنبعثولك الكاس نمبر بعد 3 اسابيع اللي بيه تقدري تقدمي على تأشيرة التاير فور مع العلم درجتها في الايلتس 5 و بالتوفيق للجميع

بالله نبى نسال التاشيرة البريطانية من تونس شن برنامجها وتحصلها بسرعة او لا ومايرفضوش الليبيين عادى ؟؟ وكم تحتاج تطلع اسرع او لا؟؟

مســـــــــــاء الخير .....مشكـــــــــــــورة أختى لـــــــــــــــوزا على الرد ....طلع قرار الايفاد بس الساحات مزال ما قالولناش ....بس على حسب كلامهم كلهن مفتــــــــــــــــــــوحات .....والله يستر الله اللى فيها الخير يكتبها لنا الله .....

جوجو كتب:

الســــــــــــــــــــــــــــــلام عليكم ورحمة الله وبـــــــــــــــــــــــــركاته ,,,,,, أنا معيده وصدر فيا قرار الايفــــــــــــــــــــــــــاد وتخصصى علم نبات وحابة انى نختــــــــــــــــــــــــــــــــــتار بريطانيا بس سمعت ان ضرورى تنجح فى امتحان الايلتس انت والمرافق ,,,,,,وطبعا فى بنغازى أوطرابلس ؟؟؟؟؟هل الخبر صحيح ؟؟؟ اما بالنسبة للجامعات العربية شنو افضل جامعة فى هذا التخصص ؟؟؟وشنو رأيكم بالجامعات فى الامارات هل هن بنفس مستوى الجامعات العريقة ؟؟؟؟أرجـــــــــــــــــــــــوكم ساعدونى بنصائحكم ولا تبخلوا على من معلوماتكم..........وخصوصآ من أصحاب التجارب ....جزاكم الله كل خير

اختي الاخ ابو محمد ماشاء الله ماقصرش معاك
ثانيا الف الف مبروك صدور القرار
و بريطانيا لتخصصات التطبيقية مفتوحة ومافيش مشكلة و لله الحمد
امتحان الايلس مش ضروري جدا .. ضروري لما يكون عندك مرافقين وتبيهم يسافروا معاك
لان المرافقين مايقدروش يمشوا معاك الا اذا كان عندك درجة الايلس فوق 4.5
لاجل التقديم على فيزا تاير 4 اللي هي الفيزة الوحيدة التي تسمح للطالب بارفاق مرافقين معه ..
والمرافقين هم الزوج و الاطفال فقط .. اما الاب و الاخ في بريطانيا غير معترف بهم كمرافقين ..
ومش شرط يكون المرافق عنده درجة في الايلس .. يكفي الطالب فقط الحصول عليها ..

انتي تقدري تسافري بفيزا طالب زائر
هذه الفيزا تسمح لكي بدراسة اللغة فقط لمدة 11 شهر
ولكن لايمكنك ارفاق احد معكي بهذه الفيزا
ولو في حد يريد السفر معك عليه هو ايضا التقديم على الفيزا و دراسة اللغة معكي ..
وتقدمي على امتحان الايلس و تجيبي فيها الدرجة المطلوبة
ثم ترجعي الى ليبيا لتغيير الفيزا الى فيزا تاير 4 اللي تعطى مدتها على حسب مدة الدراسة
ويسمح لكي بالمرافقين


والامتحانات في الايلس متوفرة في ليبيا في طرابلس و بنغازي و اخر امتحان كان في 25-5
والامتحان القادم تقريبا بعد شهرين ..

وبخصوص الجامعات العربية ليس لدي دراية بهذا الخصوص ولكن اعتقد ان مصر مناسبة جدا
واغلب الدكاترة الليبين في تخصص النبات متخرجين من جامعة عين شمس ..

جامعات الامارات من وجهة نظري ليست بالمستوى المطلوب
الجامعات في الامارات مشهورة بتخصص الادارة و المحاسبة والاقتصاد لكن النبات لا اعتقد انها جيدة

شكــــــــــــــــــــرآ ....أخى أبو محمد ...وبارك الله فيك على هذه المعلومات .......

مساء الخير ,,,,أختـــــــــــــــى أم عائشة.....الله يبارك فيكى يارب وان شاء الله نكون قدهــــــا بصراحة أنا خايفة جــــــــــــــــدآ .....أفدتينى انتى واخى ابو محمد على هذى المعلومات .....يعنى أذا أنا امتحنت الايلس وجبت 5 المرافق مش راح يمتحن حتى ولو هو يبى يدرس اللغة .....؟

جوجو لما انتي اتجيبي في امتحان الايلس درجة 4.5 و ضروري تكون في جميع اقسام امتحان الايلس كلها فوق الاربعة .. يعني لو جبتي فيه كله 5 ماعدا جزء واحد جبتي فيه مثلا 3.5 معناها مش حينفع ..
و من اسمه مرافق يعني يتبعك انتي و يقدم على قبول لغة و يقرا غادي و بعدين يمتحن و ايجيب درجة في الايلس اقل شئ 6 عشان يكمل الماستر او الدكتوراة لو حاب ذلك ..
و زي ماقلت راهو المرافق في بريطاينا هو الزوج و الاولاد فقط لاغير
اما الاب و الاخ لايعتد به و يسافر معك اما فيزا سياحة او فيزا طالب زائر اذا اراد دراسة اللغة ..
وان شاء الله يكون شرحي واضح ليك ومفهوم ^^

السلام عليكم
بالله عليكم الاطفال الي تحت سن 4 سنوات يدرولهم ( يعبولهم) ابليكيشن او لا