التاشيرة البريطانية نوع ( Tier 4 ) القديم

شكرااااااااا للجميع وبارك الله فيكم

كلمة حق ممكن تقوليلى شن هما الاوراق اللى بتقدمى بيهم على التاشيرة تاير4 لان انى حايرة ومش عارفة شن هما بالضبط وزيدى عليها المدرسة بعتولى الكاس نمبر بس ووورقة القبول قالولى مش ضرورى اهم شى ورقة الكاس نمبر فنبى نتاكد

رجاءا اى حد يعرف ومتاكد يقولى شن هى الاوراق المطلوبة لتاشيرة التاير 4 انى ماشية ايفاد على حساب الدولة ماجستير ومعيدة فى كلية التقنية الطبية وماشى معاى زوجى ماعنديش اطفال حايرة شن هما الاوراق وتانيا المدرسة متاع اللغة بعتتلى الكاس نمبر ومابعتتليش ورقة القبول قالتلى مش ضرورى اهم شى الكاس نمبر وتانى حاجة انى معيدة فى الكلية وجانى الايفاد نبى نعرف شن قصة لازم تكون عندك ورقة الاجازة لانه فى الايفاد مش مطلوبة الورقة هادى مطلوب بس اخلاء طرف وبيقعد عند البعتات بالله ساعدونى وفهمونى لان الوقت ضاق عليا ومحتاجة مساعدتكم
شكرا

بحسب المعلومات المتوفره لدي التاير 4 يلزمه قبل اكاديمي من الجامعة او نتيجة اختبار ايلتس 4.5 بشرط ان تكون درجة 4 كحد ادني في كل اقسامه واقرب موعد لاختبار ايلتس في المركز الثقافي في طرابلس هو يوم 7-7-2012 وان شخصيا سجلت فيه وانشاء الله ربي يوفقنا واياكم

درت امتحان الايلتس و حصلت على الدرجة المطلوبة وبعتتلى المدرسة متاع اللغة الكاس نمبر ولله الحمد

السلام عليكم و رحمة الله و بركاته

اختي الكريمة Imoon

للتقديم علي تاشيرة Tier يتطلب منك الاتي:
1. تعبئة Online application و هذي موجود في الموقع visa4uk طبعا ليك انت واحدة و زوجك واحدة و اذا عندك اطفال كل واحد فيهم واحدة.
2. بعد تعبئة الابليكيشن تاخذي موعد في السفارة البريطانية و حتي هو عن طريق الانترنت و هذا بعد ما تكملي جميع Applications .
3. CAS statment الا بعتهالك الجامعة و القبول مش لازم .
4. رسالة الدعم المالي للتاشيرة.
5. شهادة الايلتس(ضروري منها لان علي اساسها اعطوك الكاس نبر).
6.عقد زوج مترجم و مصدق عليه من الخارجية.
(طبعا هذو لازم اديري منهم نسخة لان يطلبوا فيها)
*. انت محتاجة ايضا الي تعبئة نموذج اسمه VAF9 Self-Assessment هذا موجود في موقع UK Border Agency
و جوازات السفر طبعا هما اهم شيء في الموضوع

أما الا تحت مش لازم نسخة

7. رسالة من الكلية تفيد بانك راح ترجعي تخدمي في ليبيا بعد استكمال درستك(بالانجليزي)
8. شهادة مرتب مترجمة.
9. الشهائد العلمية معتمدة من الجودة و الخارجية و بالانجليزي و هذي بس لدعم للتاشيرة
10. بخصوص الاجازة مش عارف و الله و لكن تقدري تسالي اي شخص اخر.

اما المدة التي راح تاخذها العملية هذي انت و حظك طبعا بس مش اقل من شهر.

نعطيك مثال علي نفسي انا قدمت يوم 12.04.2012 و الي غاية هذه اللحظة لم اتحصل عليها و مازال انتظر مع العلم بان موعد درستي قد فاتت و ان شاء الله خير

و بالتوفيق ان شاء الله

السلام غليكم ولاحمة الله وبركاته
انا اريد ان ادرس في بريطانيا واحتاج الى الاستفسار عن امتحان الايلتس فقد سمعت انه لاتعطى التاشيرة بدون الابلتس
اريد ان اعرف عن كيفية الحصول على موعد للامتحان وعن مكان الامتحان واين ادهب للحصول على موعد
علما بانى اسكن خارج طرابلس
ارجو الرد بسرعة

السلام علكيم ورحمة الله وبركاته

للتقديم على تاشيرة نوع Tier 4 تتبع الاتي:
اولا وقبل كل شئ تتقدم على امتحان الايلتس في طرابلس ( للقديم 2 صور شخصية خلفية بيضاء + صور جواز السقر عربي وانجليزي + ابلكيشن فورم + 225 دينار يتم التقديم بالحظور الى القنصبية البريطانية في السياحية) يجب ان تكون درجة الايلس لا تقل عن 4.0 في كل الاجزاء وليست 4.5 كما يذكر البعض ويمكنك التحقق من ذلك من موقع السفارة البريطانية زد على ذلك لايمكن الحصول على قبول لغة من جامعة لكي تعطيك على اثره
CAS Number
الا ادا كان اقل مستوى لك هو 4.0 في الايلس اوما يعادلها.
الخطوة الثانية هي ان تقوم بكتابة الابلكيشن فورم اون لاين من موقع وتطبعة بعد الانتهاء طبعا لكل فرد من العائلة
بعد الانتهاء من تعبئة الاباكيشن اون لاين طبعا حتتحصل على كود نمبر لكل ابلكيشن لكي تحجز بيه موعد
ادا الخطوة الثانية حجز موعد من الموقع نفسه للكل
الخطوة ما قبل الاخير ومهمة جدا تملاء فورم اسمه
APPENDEX 8
اخير تجهز الاوراق المطلوبه وهي كالاتي ( طبعا هذه الاوراق تدعم جميع ما كتبته في الابلكيشن وفي الابيندكس 8 )
الدعم المالي للتأشيرة
درجة امتحان الايلتس*
شهادات بكالوريوس و ماجستير وكشف درجات
جوزات سفر اصل وصورة
رسائل تزكية
شهادات خبرة
CV
602 LYDرسوم لكل شخص
وثيقة زواج معتمدة(مترجم)
وضع عائلي(مترجم)
**Appendix 8
Application Form for every one ( online – Printed)
**CAS Number الاوراق او اثباتات التي على اساسها اعطيت كاس نمر" قبول لغة + شهادة الايلتس " +
شهادة مرتب(مترجم)
قبول لغة واكاديمي
كشف حساب (مترجم)*****
حسن سيرة وسلوك من الشؤون المحلية(مترجم)
شهادات ميلاد للكل (مترجم)
صور شخصية للكل
اصل + صورة

وبالتوفيق للجميع وادعو لنا بالهداية ورحمة الوالدين

الله يرحم والديك ويهديك يارب ....................

ا ناوي انقدم على التأشيرة نوع تاير فور بس متردد جدا بسبب الرفض والمنحة . انا متزوج وعندي 2 اطفال اقل من 3 سنوات وعملت امتحان الايلس وتحصلت على 5.5 الشهر الماضي . المنحة اللي مدايرينها ليا في الدعم المالي.
1868 باوند بس مش عارف كم يكون المبلغ اللي نحطة في حسابي . انا عندي قبول لغة واكاديمي من جا معة نوتكهام والكاس نمبر حا يعطوهلي الاسبوع القادم . انا طبعا حانقدم بقبول اللعة ومدته 5 اشهر وبعدين يتم تجديد على القبول الاكاديمي لمدة دراسة الدكتوراه . ولحد الان مزال متردد في التقديم وانفكر حتى في تغيير الساحة ؟ ارجوا النصيحة
وسؤال اخر بالنسبة اللي كتب الابلكيشن اون لاين متاع الفيزا 4 في اخر سؤال مكتوب كم المبلغ المتاح معك وعدد افراد الاسرة ؟ ما المقصود بيه هل المبلغ الاجمالي اللي عندي في المصرف او المبلغ في كل شهر اللي اني نقدر نوفرة والا ايش الزبط
بارك الله فيكم على هذا النقاش المهم جدا ووفقكم الله

شنبيرة77 كتب:

ا ناوي انقدم على التأشيرة نوع تاير فور بس متردد جدا بسبب الرفض والمنحة . انا متزوج وعندي 2 اطفال اقل من 3 سنوات وعملت امتحان الايلس وتحصلت على 5.5 الشهر الماضي . المنحة اللي مدايرينها ليا في الدعم المالي.
1868 باوند بس مش عارف كم يكون المبلغ اللي نحطة في حسابي . انا عندي قبول لغة واكاديمي من جا معة نوتكهام والكاس نمبر حا يعطوهلي الاسبوع القادم . انا طبعا حانقدم بقبول اللعة ومدته 5 اشهر وبعدين يتم تجديد على القبول الاكاديمي لمدة دراسة الدكتوراه . ولحد الان مزال متردد في التقديم وانفكر حتى في تغيير الساحة ؟ ارجوا النصيحة
وسؤال اخر بالنسبة اللي كتب الابلكيشن اون لاين متاع الفيزا 4 في اخر سؤال مكتوب كم المبلغ المتاح معك وعدد افراد الاسرة ؟ ما المقصود بيه هل المبلغ الاجمالي اللي عندي في المصرف او المبلغ في كل شهر اللي اني نقدر نوفرة والا ايش الزبط
بارك الله فيكم على هذا النقاش المهم جدا ووفقكم الله

أخي راجع المواضيع السابقة المثبتة وستجد الإجابة إن شاء الله

عدل سابقا من قبل ِAbu Mohamed في الجمعة 08 يونيو 2012, 1:20 am عدل 1 مرات

في خلط بالموضوع : يعني كيف موفد على حساب الدولة عنده رسالة الدعم المالي ومقدم معاه كشف حساب بنكي ... يعني في الابليكيشن شن بيكتب موفد أو خاص . في تعارض وانت عارف الانجليز يموتوا في صناعة المشاكل ويفرحوا بيها .

السلام عليكم ورحمة الله

ارجوا من اللي كتب الابلكيشن اون لاين ويعرف اجابة اخر سؤال يساعدني في الاجابته وهو كالاتي

؟ Please state the amount of money available and total number of dependents

مالمقصود بهذا السؤال هل المبلغ الاجمالي اللي معي في حسابي او التغطيه الشهرية اللي متفرة او ماذا بالزبط

بارك الله فيك موضوع مميز ورائع .....وفيه كل المعلومات ....

polat كتب:

في خلط بالموضوع : يعني كيف موفد على حساب الدولة عنده رسالة الدعم المالي ومقدم معاه كشف حساب بنكي ... يعني في الابليكيشن شن بيكتب موفد أو خاص . في تعارض وانت عارف الانجليز يموتوا في صناعة المشاكل ويفرحوا بيها .

نقظة


كلام صحيح اخي ....هناك تعارض .....نامل ممن لديه فكرة او توضيح ...لان لو قدمت الورقتين يمكن يسببوا في رفض التاشيرة ....

شنبيرة77 كتب:

ا ناوي انقدم على التأشيرة نوع تاير فور بس متردد جدا بسبب الرفض والمنحة . انا متزوج وعندي 2 اطفال اقل من 3 سنوات وعملت امتحان الايلس وتحصلت على 5.5 الشهر الماضي . المنحة اللي مدايرينها ليا في الدعم المالي.
1868 باوند بس مش عارف كم يكون المبلغ اللي نحطة في حسابي . انا عندي قبول لغة واكاديمي من جا معة نوتكهام والكاس نمبر حا يعطوهلي الاسبوع القادم . انا طبعا حانقدم بقبول اللعة ومدته 5 اشهر وبعدين يتم تجديد على القبول الاكاديمي لمدة دراسة الدكتوراه . ولحد الان مزال متردد في التقديم وانفكر حتى في تغيير الساحة ؟ ارجوا النصيحة
وسؤال اخر بالنسبة اللي كتب الابلكيشن اون لاين متاع الفيزا 4 في اخر سؤال مكتوب كم المبلغ المتاح معك وعدد افراد الاسرة ؟ ما المقصود بيه هل المبلغ الاجمالي اللي عندي في المصرف او المبلغ في كل شهر اللي اني نقدر نوفرة والا ايش الزبط
بارك الله فيكم على هذا النقاش المهم جدا ووفقكم الله

أخي زي ماكتبنا في الصفحة رقم 1 من الموضوع هذا
http://www.almofad.com/t9071-topic#69480
المبلغ لازم يغطي تكاليف المعيشة للموفد والمرافقين أي مايعادل 1000 باوند في الشهر لمدة 9 شهور فقط (حتى لو الكورس مدته 12 شهر) للموفد إذا كان مكان الدراسة في وسط لندن و800 باوند لمدة 9 شهور إذا كان مكان الدراسة في ضواحي لندن أو أي مدينة أخرى في المملكة المتحدة

http://www.ukba.homeoffice.gov.uk/visas-immigration/studying/adult-students/can-you-apply/money/how-much/#

والمرافقين يحتاج كل واحد منهم 600 باوند لمدة 9 أشهر إذا كان الموفد يدرس في وسط لندن و450 باوند لمدة 9 أشهر إذا كان الموفد يدرس في أي مكان آخر عدا وسط لندن وهذا ينطبق كذلك على فيزا الطالب الزائر ولكن المدة تختلف على حسب مدة الكورس

http://www.ukba.homeoffice.gov.uk/sitecontent/applicationforms/pbs/pbsdependantspolicy1.pdf

في حالتك أنت لو تبي تدرس في ضواحي لندن الغير مذكورة في قائمة ضواحي وسط لندن أو في أي مدينة أخرى ومعاك زوجتك وطفلين معناها لازم يكون في حسابه 800+ (450 مضروبة في 3 مرافقين) يعني 2150 باوند في الشهر مضروبة في 9 أشهر (حتى كان الكورس أكثر) = 19350 باوند أو مايعادلها بالعملات الأخرى كحد أدنى في حسابك (وبما أن السفارة حتعطيك كل شهر منحة بقيمة 1868 باوند حسب ماكاتبين في رسالة الدعم المالي معناها تنّقص المبلغ هذا من المبلغ المطلوب يعني 2100 - 1868 = 282 باوند مضروبة في 9 أشهر أي 2538 باوند أو مايعادلها بالعملات الأخرى كحد أدنى في حسابك مع رسالة الدعم المالي (الباوند يساوي تقريبا ضعف الدينار الليبي) بالإضافة إلى المبلغ اللي مكتوب في ورقة الدعم المالي

النقطة الثانية اللي نحب نأكد عليها هي أن المبلغ المطلوب خاصة لو كبير و حطيته قبل شهر مثلا أو حتى قبل 3 شهور وبعدين جبت كشف حساب لمدة 6 شهور معناها مادرتش حاجة لأن المبلغ حيطلع في الكشف كمبلغ نزل فجأة في الحساب وحيرفضوك رسمي لذلك المفروض تحط المبلغ اللي تبي توفي بيه في حسابك وتخليه على الأقل شهر أو أكثر وبعدها تطلب كشف حساب لمدة 28 يوم فقط (وهو اللي طالبته السفارة البريطانية ) بحيث مايطلعش أي مبلغ كبير حطيته فجأة. والأفضل من هكي أنك تحط المبلغ على دفعات ولكن بعد ماتطلب الكشف لازم يكون تاريخ الكشف 28 يوم أو أقل من تاريخ التقديم. وكشف الحساب لازم يكون مترجم ومختوم عليه اسم المترجم ورقم هاتفه وعنوانه

بالنسبة للسؤال كم المبلغ اللي عندك تكتب المبلغ الإجمالي اللي في كشف الحساب زائد المبلغ اللي مكتوب في ورقة الدعم مضروب في 9 شهور بحيث يكون يساوي أو أكثر من الملبغ اللي حسبناه وهو 19350 باوند.

أرجو أن يكون الأمر واضح توة.


عدل سابقا من قبل ِAbu Mohamed في الجمعة 08 يونيو 2012, 6:24 pm عدل 1 مرات

polat كتب:

في خلط بالموضوع : يعني كيف موفد على حساب الدولة عنده رسالة الدعم المالي ومقدم معاه كشف حساب بنكي ... يعني في الابليكيشن شن بيكتب موفد أو خاص . في تعارض وانت عارف الانجليز يموتوا في صناعة المشاكل ويفرحوا بيها .

تكتب موفد وممكن ترفق كشف حساب (راجع الرد اللي قبل هذا).

السلام عليكم جميعاً
بعد ما يزيد عن خمسة أسابيع من التقديم للتأشيرة تاير 4 لي ولأسرتي ( 5 أفراد - حوالي 600 دينار لكل شخص)، للأسف تم رفضها ، والسبب أن القيمة المالية الواردة في رسالة الدعم المالي لا تكفي للمعيشة لديهم حسب اعتقادهم، هم ما يعرفوش أن الليبيين يقدروا يكيفوا أنفسهم مع مختلف الظروف، وهم لا يعرفون أن الليبيين عانوا كثيراً من القانون 15 الظالم ومع ظلم هذا القانون استطاع الليبيون تكييف أنفسهم وتربية أبنائهم وإعالة عوائلهم بكل عزة زكرامة
عموماً قدّر الله ما شاء فعل ، ولدي سؤال لم لديه إجابة ، هل في طريقة لتقديم استئناف (طعن ) في طرابلس ؟
تمنياتي بالتوفيق للجميع

ادارة البعثات تتحمل مسؤولية الرفض,, يجب تنسيق موعد مع مذير الاداره للتناقش معه بالخصوص