التاشيرة البريطانية نوع ( Tier 4 ) القديم

بارك الله فيك اختي ان شاء الله اجمعين وان شاء الله ربي يوفق الجميع " والخيرة فيما اختاره الله " والحمد لله على كل حال

مفيش اي شخص لدية معلومة ؟

السلام عليكم ورحمة الله وبركاته

اخي زي ما قلت ان الكورس اللي اقل من 6 اشهر لايسمح باخذ المرافقين معك وهذا ما حصل معي الكورس متاعي كان اقل من 5 اشهر ولما عرفت لا استطيع اخذ عائلتي معي في هذه الحاله فعلت الاتي بعث ايميل للجهة التي اعطتني القبول متاع اللغة وطلبت منهم ان يكون الكورس متاعي بدلا من 4 اشهر اخترت ان يكون 9 اشهر وردو عليا خلال يومين وبعتولي قبول جديد وكاس نمبر خاص بالكورس الجديد وما فيش مشكله نهائي



ربي يوفقك

اخي الكريم بارك الله فيك علي الاجابة ولكن 9 اشهر كثير مقارنة ب شهرين او ثلاثة اشهر وانا كورس اللغه مرتبط بالماستر ..يعني فرصة الماستر تتاجل لشهر تسعة 2013

غير قبولك باي فترة تراها مناسبة المهم مش اقل من 6 اشهر يمكن تخليها 7 اشهر او 6 اشهر ونصف انا عملت 9 اشهر لان كانت المدة المتوفرة والكورسات بهذا الشكل فاخترت 9 اشهر يعني مش لازم تكون مثلي



وربي يوفقك

بشرى

الملخص الإعلامي للا جتماع الوزاري االسادس و العشرون و السابع والعشرون لسنة 2012

موقع الحكومة الليبية

عرض مجلس الوزراء المعلومات الواردة بشأن الإجراءات التي إتخدتها السفارة البريطانية بشأن منح تأشيرات السفر إلى بريطانيا ... وطلب المجلس من وزارة الخارجية والتعاون الدولي مخاطبة السفارة البريطانية بشأن طلب تسهيل إجراءات منح التأشيرة البريطانية على الليبيين وتطبيق مبدأ المعاملة بالمثل في حالة عدم الإستجابة بالتنسيق مع مصلحة الجوازات .

ان شاء الله خير

لكن امتى يعدلوا علينا الانجليز مرات بعد سنة اوسنتين ومرات مايعدلوش بكل

السلام عليكم:
اخواني انا عندي قبول اكاديمي غير مشروط من جامعه شيفلد و الكورس يبدا في شهر 9 و بعتت للجامعه رساله الدعم المالي و اعطوني الكاس نمبر لكن مشكلتي انهم ما بعتولش رساله القبول النهائي بيش نقدم على دعم التاشيره و انا طلبت من الجامعه انهم يرسلولي رساله القبول مباشره على ايميلي لكن توا اكتر من اسبوع و ما فيش رد منهم و زي ما انتم عارفين معادش عندي وقت قولولي شن الحل و كيف اندير؟.استفسار اخر اي نوع تاشيره نقدر نقدم عليها انا انسه و خوي يبي يقدم بروحه على تاشيره سياحيه ردو عليا الله يستركم

اختى معلش سوال هل عندك ايلس

ايه عندي ايلس بسكور 6

ليبيه وافتخر كتب:

السلام عليكم:
اخواني انا عندي قبول اكاديمي غير مشروط من جامعه شيفلد و الكورس يبدا في شهر 9 و بعتت للجامعه رساله الدعم المالي و اعطوني الكاس نمبر لكن مشكلتي انهم ما بعتولش رساله القبول النهائي بيش نقدم على دعم التاشيره و انا طلبت من الجامعه انهم يرسلولي رساله القبول مباشره على ايميلي لكن توا اكتر من اسبوع و ما فيش رد منهم و زي ما انتم عارفين معادش عندي وقت قولولي شن الحل و كيف اندير؟.استفسار اخر اي نوع تاشيره نقدر نقدم عليها انا انسه و خوي يبي يقدم بروحه على تاشيره سياحيه ردو عليا الله يستركم

السلام عليكم اختي

ما تحتاجيش رسالة القبول ,, انا نقرا في نفس الجامعه و قدمت على الفيزا بالكاس نمبر بس بدون ورقة القبول القبول ,,الكاس نمبر يغني على ورقة القبول لانه من خلاله السفاره تقدر تعرف كل المعلومات الخاصه بالكورس الي تبي تقريه..

انت قدمي على تاير 4 ,, و خوك يقدر يجي كمرافق و الا بتأشيرة زائر

,, ضروري تقدمي على التاشيره في اقرب فرصه,, باش تجي زي ما يقولوا انت و الحق سواء,,,, مرات يطلبوا منك حاجه اسمها atas و هدي في العاده تقول للتخصص الهندسي و الطبي..

موفقه

تقدري ترفعيهم بس يقدموا على فيزا سياحة مدتها 6 شهور ..

معليش يا اخواني الحقيقة انا ما راجعتش الصفحات و السبب العدد الهائل والحق انا اليوم النت ضعيف شوية
لهذا نبي نسئل ..
انا مسافرة بفيزا طالب زائر لمدة 11 شهر لاجل الحصول على درجة الايلس
وبعد انتهاء مدة الفيزا بنرجع الى ليبيا
هل يتم تقديم على فيزا تاير 4 مباشرة بعد رجوعي أو هناك مدة محددة يجب ان تمر على فيزا طالب زائر لاحصل على فيزا تاير 4

تسلم الايادي, بس زي ما انتم عارفين رساله دعم التاشيره تبي رساله القبول و عليها الكاس نمبر لكن انا قاعده ما حصلتهاش زعمه نقدر نحصل دعم التاشيره بنفس القبول المبدئي؟

لو كنت تتكلمي على رسالة الدعم المالي للتأشيره الي تصدر من البعثات,, فأكيد تقردي تحصلي عليها بالقبول المبدئي ,, ارفقي معاه صوره من الكاسم نمبر الي استلمتيه

تقدر تقدمي طول بعد مغادرتك لبريطانيا,, ذكرتي اختي ام عائشه انك حصلتي على الفيزا انت و زوجك,, كم المده الي خدتها الفيزا باش حصلتوها؟ الشي الاخر كم مدة فيزة الزوج و الا طفال؟



عدل سابقا من قبل ِAbu Mohamed في الأربعاء 18 يوليو 2012, 1:01 am عدل 1 مرات (السبب : خطأ مطبعي)

بس هما قاعدين ما بعتوشي ليا, يعني ناخده من الموقع امتعهم و لا كيف اندير؟

يا اختي انت قلتي ان الجامعه عطاتك قبول غير مشروط و بعثولك الكاس نمبر,, خلاص من خلال المستندات تقدري تقدموا على الدعم المالي للتأشيره

شكرا و جزاك الله خير و بارك الله فيك و رحم والديك.

السلام عليكم
كل عام والجميع بخير
شن صار في موضوع السفارة البريطانيا وهل الفيزا مازال فيها صعوبه وخاصه للي عنده مرافق
وعندي استفسار المده المسموح بيها بين الحصول علي التاشيره والدخول لبريطانيا كم هل في امكانيا ان تقعد 4 شهور ولا لا
ولكم جزيل الشكر

اخوتي في المنتدي السلام عليكم ورحمة الله
انا بالامس 23-7-2012 قمت بالمقابلة في الورد بريدج في مجمع الواحات وقدمت على تأشيرة التاير 4 انا وزوجتي والاطفال .
واي اخ او اخت يحب ان يسال اي سؤال لا يتردد مهما كان السؤال بسيط
وارجو من جميع الاخوة الدعاء للعبد الفقير
وفي الحديث عن أحمد بن عمر بن حفص الوكيعي حدثنا محمد بن فضيل حدثنا أبي عن طلحة بن عبيد الله بن كريز عن أم الدرداء عن أبي الدرداء قال قال رسول الله صلى الله عليه وسلم ما من عبد مسلم يدعو لأخيه بظهر الغيب إلا قال الملك ولك بمثل .
ولكم جزيل الشكر مسبقا

ان شاء الله موفقك وماتخاف مادام تاير فور سوف يعطوك باذن الله

السلام عليكم , رمضان كريم

انا عندي موعد في السفاره الانجليزيه يوم الاثنين القادم بأذن الله نوع الفيزا اللي مقدمه عليها تاير 4 سؤال يا خوي هيثم شن هي الاوراق المطلوبه منا بالضبط و اللي انت خديتها معاك و قداش تاخد الفيزا وقت بيش تصدر.
ان شاء الله ربي يوفقك

بالله عليكم سؤال للي عنده سابق خبره في التاشيره الانجليزيه, يوم موعد المقابله لازم يكون معاي فلوس كاش؟ اذا كان لازم قداش المبلغ يكون ؟ مع العلم نوع تاشيرتي تاير 4
وشكرا