التاشيرة البريطانية نوع ( Tier 4 ) القديم

ليبيه وافتخر كتب:

بالله عليكم سؤال للي عنده سابق خبره في التاشيره الانجليزيه, يوم موعد المقابله لازم يكون معاي فلوس كاش؟ اذا كان لازم قداش المبلغ يكون ؟ مع العلم نوع تاشيرتي تاير 4
وشكرا

السلام عليكم

أختي الكريمة المبلغ مكتوب عندك في الابليكيشن ... السلام عليكم

نعم يجب تحضري المبلغ كاش وهو 602 دينار لكل فرد اذا كان معك مرافقين

اختي ليبية وافتخر ،،،،، السلام عليكي وعلى كل الاعضاء ورحمة الله وبركاته
ابدأ بالسؤال الثاني وهو كما قال الاخ شنيبرة 77 بارك الله فيه لازم يكون المبلغ كاش وهو 602 د ل عن كل فرد بالاضافة الى 1.5 د ل للرسالة
اما بخصوص السؤال الاول فهي كالاتي :
1- جواز السفر وصورة منه
2- apendix 8 (للموفد فقط)
3- الابليكشن اللى عبيته على النت ( لكى وللمرافقين ) مع ملاحظة ان النماذج vaf 10 لم يتم اخذها منا
4- القبول
5- الكاس نمبر
6- الدعم المالي
7- افادة التخرج وكشف الدرجات
8- شهادة الايتلس
9- الاجازة
10- شهادة مرتب
11- كشف حساب
12- شهادة ميلاد ( لكل فرد )
13- عقد الزواج
14- شهادة الوضع العائلي
15- شهادة الحالة الجنائية
16- شهادة حسن السيرة والسلوك
مع العلم بان شهادة الحالة الجنائية وحسن السيرة والسلوك قالولي غير مطلوبة
ايضا اوصيكي بان تكون جميع المستنذات من اصل وصورة لكي يتم ارجاع الاصل لكي عند استلامك للجواز السفر وبه التاشيرة منورة الجواز باذن الله العلي القدير
وقالولى ان الرد ياتي بعد 3 اسابيع على الاقل
هناك شئ مهم وهي صورة 35 *45 ذات خلفية بيضاء
اما البصمة فيجب ان تكون الاصابع خالية من الحناء والجروج او شئ يغطي علامات الاصابع مثل لاصقة الجورح او الطلاء
اسف على الاطالة وارجو من الله ان لا اكون قد نسيت شئ

شكرا اخ هيثم وبارك الله فيك ملاحظة : فقط بالنسبة الى ما ذكرة الا خ هيثم

كشف الحساب يجب ان لا يقل عن 28 يوم من التقديم وان يكون بيه المبلغ الذي يغطي النقص في الدعم المالي للتاشيرة يمكنك الاطلاع على تفاصيل اكثر في المنتدى ضمن تاشيرة التاير فور

شكرا اخواتي و اخواتي على الردود الشافيه, جعلها الله في ميزان حسناتكم. لكن عند سؤال تاني رساله الدعم اللي عندي بدون مبلغ مذكور فيه يعني ضروري منه كشف الحساب و شهاده المرتب؟ و شكرا جزيلا ليكم مره تانيه

جزاك الله خيرا اخ شنيبرة 77 على التذكير
نعم اقل مدة لاتقل عن 28 يوم
كذلك رسالة الدعم المالي الخاصة بي لا تحتوي على قيمة المنحة ووضعت كشف الحساب احتياطا
واذا كان عندك كشف حساب لمدة لا تقل عن 28 يوم وشهادة مرتب ضعيها لتقوية وضعك المادي.
لان حسب كلام احد الاخوة اهم شئ عند الانجليز هو التغطية المالية
وزي ما يقولو ( ما اكثر زيت تحلى الزميطة )

السلام عليكم , و صحه فطوركم
عندي سؤال على(2011 point based system form (VAF Oct . هل هو لازم يوم المقابله في السفاره ؟و كيف طريقه تعبيته . في الواقع انا عبيته بس حابه نتاكد انه مافيش عندي اخطاء وانه كل شي تمام .
Thanks in advance,

السلام عليكم
انا نبي نقدم علي التير 4 لكن امتحان الايليس لازم 4.5 التوتل ولا لزم كل فقره 4.5 اقل حاجه
وهل نقدر نقدم علي تاشره المرافق بعد مده ولا لا ؟؟؟
وكم تكون المده القصوى للدخول لبريطانيا بعد حصولي ع تير 4
وشكرا

ليبيه وافتخر كتب:

السلام عليكم , و صحه فطوركم
عندي سؤال على(2011 point based system form (VAF Oct . هل هو لازم يوم المقابله في السفاره ؟و كيف طريقه تعبيته . في الواقع انا عبيته بس حابه نتاكد انه مافيش عندي اخطاء وانه كل شي تمام .
Thanks in advance,

أعتقد تعبيه أون لاين وتسحبي نسخة تشيليها معاك يوم التقديم في السفارة
شنو اللي مش عارفتيه في VAF9 ؟

Mahmoud Algaroosh كتب:

السلام عليكم
انا نبي نقدم علي التير 4 لكن امتحان الايليس لازم 4.5 التوتل ولا لزم كل فقره 4.5 اقل حاجه
وهل نقدر نقدم علي تاشره المرافق بعد مده ولا لا ؟؟؟
وكم تكون المده القصوى للدخول لبريطانيا بعد حصولي ع تير 4
وشكرا

وعليكم السلام والرحمة
المجموع لازم يكون 4.5 أو 4 (مش متأكد لأن كل واحد يقول شكل) بس اللي متأكد منه لازم كل فقرة 4 أقل حاجة
مافيش مدى قصوى للدخول لبريطانيا بعد الحصول على التأشيرة إلا بانتهائها.

شكرا اخي ابو محمد على ردك بس النموذج هدا يتعبأ بخط اليد, و الجزء الرابع من الابليكشن يبي عنواني هنا في ليبيا و الا اللي نبي نعيش فيه في بريطانيا ؟. و بالنسبه للابليكشن امتع ابيندكس 8 الجزء 5.10 و كذلك 6.12 انا ما عنديش حساب فيه هلبه فلوس هدا شي و الشي التاني انه انا مافيش معاي مرافق لانه بعدين خوي يبي يلحقني يعني رساله الدعم امتعي ع اساس سنقل يعني بدون مرافق . اللي عنده معلومه يفيدني لانه موعدي يوم الاتنين و جزاكم الله عنا الف خير

اها نسيت بالنسبه للتعهد امتع اني بعد الدراسه نبي نرجع لعملي لازم منه او لا. و شكرا

ليبيه وافتخر كتب:

شكرا اخي ابو محمد على ردك بس النموذج هدا يتعبأ بخط اليد, و الجزء الرابع من الابليكشن يبي عنواني هنا في ليبيا و الا اللي نبي نعيش فيه في بريطانيا ؟. و بالنسبه للابليكشن امتع ابيندكس 8 الجزء 5.10 و كذلك 6.12 انا ما عنديش حساب فيه هلبه فلوس هدا شي و الشي التاني انه انا مافيش معاي مرافق لانه بعدين خوي يبي يلحقني يعني رساله الدعم امتعي ع اساس سنقل يعني بدون مرافق . اللي عنده معلومه يفيدني لانه موعدي يوم الاتنين و جزاكم الله عنا الف خير

أكتبي عنوانك في ليبيا مش لازم كامل حتى مثلا طرابلس ليبيا وممكن تكتبي اسم الشارع

5.10
لو عندك أيلتس مثلا تكتبي
Awarding Body >British Council
Title of qualification= IELTS
Level of qualification= درجة الأيلتس متاعك او المستوي متاعك
Date of Award= تاريخ الحصول عليه
Award reference number= الرقم الإشاري الموجود في شهادة الأيلتس مثلا
6.12 Have any of your accommodation fees been paid to your sponsor?
No - Go to Question 6.14
المقصود هل في أي رسوم للإقامة تم دفعها للجامعة أو المعهد اللي حتدرسي فيه
طبعا لا إلا إذا كنتي دافعة أي مبلغ ممكن تكتبيه

قصة خوك والمرافق مش واضحة
يالنسبة للتعهد كويس لو ترفقيه عشان يدعم موقفك
وعلى فكرة لو تمشي بدري شوية قبل الموعد فيه مكاتب جنب مكان المقابلة ممكن يأخذوا 10 جنيه ويعبولك النموذج أو لو عندك سؤال أو اثنين مش متاكدة ممكن تسأليهم مجانا.
بالتوفيق

مشكور أخي ابو محمد ع المجهود الرائع اللي تبدل فيه لكي تعم الفائده و المعلومه للجميع

السلام عليكم ياشباب ...عندي استفسار بسيط ..هل تقديم القبول الاصلي ضروري للحصول على التاشيره ام ان نسخه منه تكفي علما بانه غير مشروط ووصلني عالايميل بالاضافه للكاس نمبر ...

abdo elkadi كتب:

السلام عليكم

نقدر نحصل على زوز كاس من زوز جامعات في نفس الوقت وبعدين نختار واحدة

أعتقد نعم تقدر وممكن تبلغ الجامعة اللي ماتبيش تقرى معاهم يلغوا الكاس متاعهم
والله أعلم

عدل سابقا من قبل ِAbu Mohamed في الإثنين 30 يوليو 2012, 1:53 am عدل 1 مرات (السبب : خطأ مطبعي)

mohamed.alzyadi كتب:

السلام عليكم ياشباب ...عندي استفسار بسيط ..هل تقديم القبول الاصلي ضروري للحصول على التاشيره ام ان نسخه منه تكفي علما بانه غير مشروط ووصلني عالايميل بالاضافه للكاس نمبر ...

أعتقد مش ضروري لأن الكاس هو زي القبول
والله أعلم

اخي محمد الزيادي تقدر تقدم نسخة من القبول مش شرط الاصلي و لازم معاه الكاس نمبر و كل الاوراق الي قدمته للحصول على القبول يعني الافادة و كشف الدرجات و التوصيات و و و لكن الاوراق هادي لازم تكون اصل و معاها صورة لانك اذا عطيتهم الاصل بس مش حيردوه لكن امتا تعطيهم الاصل و الصورة حيردولك الاصل و موفق يارب

الله يا ابو محمد ماك مقصر بكل

شكرا اخي اسامه وربي يوفق الجميع

toumi كتب:

السلام عليكم و رحمة الله و بركاته

اخي هيثم بخصوص CAS هذا الرقم يعطي إلا عندما يكون لديك قبول اكاديمي غير مشروط او لغرض دراسة اللغة و سيان لغة في معهد او جامعة

و يعطيCAS للغة في حالة يكون لديك درجة 4 في IELTS فما فوق(الشهادة ضروري منها لان علي اساسها راح يرسل هذا الرقم)

اما بخصوص النموذج هذا مفروض موجود في موقع الجامعة و ممكن تنزله و تعبيه زوجتك
و ترسل معه رسالة الدعم للقبول(اذا هي موفدة من الدولة) و صور من جواز سفرها العربي و الانجليزي و صفحة الصلاحية اذا تم تجديده)
كما يرسل هذا الرقم بعد 5 ايام من تعبئة النموذج و بعد ما يتم و القبول. و صلاحية هذا الرقم 6 اشهر من تاريخ الاصدار.


ارجو من الله ان يوفقك و يسهلك امورك يارب

السلام عليكم اخي الفاضل



نسال الله ان يوفقك كل شخص ويسهلها لامر وبصراحة موقع الموفد فادنا هلبة مش شوية



عموماً ... اني محصل ايفاد لجامعة كوفنتري وكورس اللغة لمدة 8 اسابيع والكاس نمبر اعتقد لل 8 اسابيع بس

وبعد باسبوعين الكورس الاكاديمي ... واني متزوج جديد ملياش شهر ومنقدرش نخلي زوجتي الصراحة هني



ونبي نعرف هل فيه امكانية نرفعها معاي او لا وللعلم اني محصل ايفاد من جهة عامة



وجازاكم الله خيراً

السلام عليكم
بالله استفسار من جميع اعضاء المنتدى , وبالاخص السيد محمد الاصبيعي جزاكم الله خير ,
هل هناك طريقة او وسيلة للحصول بها تأشير التير 4 من غير تقديم الايلتس .
ها القبول الاكاديمي و الكاس نمبر يغنى عن الايلتس .
وشكرا

fox2000 كتب:

السلام عليكم
بالله استفسار من جميع اعضاء المنتدى , وبالاخص السيد محمد الاصبيعي جزاكم الله خير ,
هل هناك طريقة او وسيلة للحصول بها تأشير التير 4 من غير تقديم الايلتس .
ها القبول الاكاديمي و الكاس نمبر يغنى عن الايلتس .
وشكرا

السلام عليكم اخي الكريم::::

ضروري اخي الكريم تحصل كحد ادني 4 في الايلتس و الا يكون عندك شهادة PET ,, حتى لو كان عندك قبول اكاديمي مشروط , فمش حيفيدك بأي شي
بخصوص التاير 4,

بالنسبه للكاس نمبر فلا يمكن الحصول عليه الا بالحصول علي 4 في الايلتس اذا كنت دراسة اللغه او قبول اكاديمي غير مشروط ان كنت تريد الالتحاق بشكل مباشر بدراستك الاكاديميه ( ماجستير او دكتوراه )


لو تعطي اكثر معلومات عليك ممكن ننصحكوك بطريقه افضل,, هل متزوج او لا, هل لديك اطفال او لا و و و

بالله عندي سؤالين جزاكم الله خيراً في هذا الشهر الكريم

1. هل في حد قدم على تاشيرة التاير 4 برسالة الدعم المالي الجديدة الغير مذكور فيها القيمة المالية وحصل التأشيرة ؟
2. كشف الحساب اللي حصلته من المصرف أغلب بياناته مترجمة بالإنجليزي، ومع هذا سأعيد ترجمته عند مترجم قانوني، سؤالي هل لازم نتعمد الترجمة في الخبرة القضائية والخارجية بعد الترجمة وإلا ما فيش داعي ، هل في حد جرب الخيار الثاني وحصل التأشيرة ؟

تقبل الله صيامكم ودعاءكم وكافة أعمالكم الصالحة