التاشيرة البريطانية نوع ( Tier 4 ) القديم

ماتنسوا تدعونا لما تكون فى الجو

اخي هيثم الف مبروك لحصولك علي التاشيرة و عقبال الباقين

بس ياريت اتقولنا مانوع التاشيرة الا حصلتوها و كم مدة الكورس الا انت قدمت بيه

و بارك الله فيك

مبارك وان شاء الله تسافروا ع الخير

الف مبروك واللحمد لله ,,,ولا اتنسى سجود الشكر لله ,,,,

ألف مبروك موفق يا أخ هيثم

الف مبروك ,ممكن تحكينا ما هي الاوراق التي قدمتها لدعم الحصول على التأشيرة وشكرا

هيثم عبدالصمد كتب:

السلام عليكم ورحمة الله
اليوم الاثنين 13/8/2012 بحمد الله وتوفيقه تحصلت على تاشيرة التاير4 مع العلم اني قدمت فيها يوم الاثنين 23/7/2012
اخوي في المنتدي تمنياتي لكم بالتوفيق

ألف مبارك أخي وربي يسهلك

مبروك اخ عبدالصمد

الف مبروك اخي هيثم وان شاء الله ربي يوفقك بالنسبة لي انا الان بدات في اجرات تغيير الياحة لان تقويضي كان على الساحة الاسترالية وشكله الموضوع باخد وقت وخايف ان معاش انلحق على الكورس حيث الكورس متاعي حايبدا 09 -10 وهم قاللولي التفويض ياخد في شهر مش عارف شن الحل .......المهم الاورق الخاصة بالتاشيره اللي قدمت بيهم اني هي كالاتي:من

الله يبارك فيك اخ شنبيرة77

انا ايضا تفويضي استراليا وساتقدم لنقله لبريطانيا

سؤالي هل البعثات لازالت ثلاثة ايام مراجعة وثلاثة عمل داخلي لاني من خارج طرابلس

الف مبروك للي تحصلوا على الفيزا, انا اليوم جاني sms منهم و قالولي انه اوراقي عندهم جاهزه. بالله عليكم دعواتكم نتوفق و نتحصل عليها

اخي شنبيرة77 ..... لا اريد التقليل من قيمة معلوماتك لكن انا متحصل على الفيزا تاير4 ولم اقدم سوي المستندات التالية



الابليكيشن الذي يتم تعبئته اون لاين

الابليكيشن نوع appendix8

رسالة الدعم المالي للتأشيرة .( طبعا انا قدمت اصل فقط من غير صورة ).و

ورقة قبول اللغة نسخة Pdf مرسل عبر الايميل

الكاس نمبر من معهد اللغة

جواز سفر

صورتين فقط بخلفية بيضاء



فقط هذا ما قمت بتقديمه .....وتم التقديم يوم 21-6 وبعد 4 سابيع تم الحصول على التأشيرة صالحة لمدة سنة

مع العلم اني أعزب ولا اعمل .. ومكتوب في جواز سفري اني طالب

لا أظن ابدا ان تسليم افادة التخرج او كشف الدرجات مطلوبات اساسا خاصة تكبد عناء الختمات جودة وخارجية وقضائية

ليبيه وافتخر كتب:

الف مبروك للي تحصلوا على الفيزا, انا اليوم جاني sms منهم و قالولي انه اوراقي عندهم جاهزه. بالله عليكم دعواتكم نتوفق و نتحصل عليها

إن شاء الله بالتوفيق


عدل سابقا من قبل ِAbu Mohamed في الخميس 16 أغسطس 2012, 2:03 am عدل 1 مرات (السبب : خطأ مطبعي)

شكرا اخي ابو محمد, الحمد لله اليوم تحصلت على الفيزا و الفال للي مازالو. علما باني قدمت عليها يوم 30-7 و تحصلت عليها بعد اسبوعين بالضبط ربي يوفق و يسهل للجميع

اختي ليبية وافتخر السلام عليكي ورحمة الله

تهانينا على القبول

وان شاء الله منسيتيش سجود الشكر

ليبيه وافتخر كتب:

شكرا اخي ابو محمد, الحمد لله اليوم تحصلت على الفيزا و الفال للي مازالو. علما باني قدمت عليها يوم 30-7 و تحصلت عليها بعد اسبوعين بالضبط ربي يوفق و يسهل للجميع

الف مليون مبروك ......وعقبال باقي الاجراءات .....تهانينا

السلام عليكم
انا نبي نقدم علي تاشيرة تاير 4 لي ولزوجتي علما بان الايفاد ليا انا
هل في حد يكمن ان يساعدني في نموذوج بالذات في البدايه شن نختار

Mahmoud Algaroosh كتب:

السلام عليكم
انا نبي نقدم علي تاشيرة تاير 4 لي ولزوجتي علما بان الايفاد ليا انا
هل في حد يكمن ان يساعدني في نموذوج بالذات في البدايه شن نختار

اول شي هل استلمت الكاس نمبر؟

أنسام_الفرح كتب:

السلام عليكم
بالله هل يوجد احد لديه معلومة اكيدة
هل صحيح انك خريجة بريطانيا فمدة الدكتورا هي 36 شهرا بالاضافة لتمديد؟؟؟؟؟؟؟؟؟؟؟؟؟؟؟

في اي ايفاد الدكتوراه تكون لمدة 36 شهر + 12 شهر لغه + تمديدات الي تكون بقرار وزاري..

في حالتك انت بحكم ان دراستك السابقه كانت في بريطانيا سيعطولك 36 شهر و بعدها ممكن تقدمي علي تمديدات

ليبيه وافتخر كتب:

شكرا اخي ابو محمد, الحمد لله اليوم تحصلت على الفيزا و الفال للي مازالو. علما باني قدمت عليها يوم 30-7 و تحصلت عليها بعد اسبوعين بالضبط ربي يوفق و يسهل للجميع

مبارك عليك التأشيرة وعقبال الباقي

امين يارب العاقبه للجميع

السلام عليكم

انا عندي تاشيرة البريطانية وبنقدم لجوزتي علة تاشيرة طالب زائر بس عندي طفلين شن نوغ التاشيرة متاعهم الي ممكن نقدملهم

وشكرااااا

أخوتي انا موفد للدكتوراه في الهندسة و متزوج و عندي اربع أطفال تحت 15 سنة و تقدمت على الايلتس مند مدة و تحصلت عليه بمعدل عام 5 و بتفصيل اكتر
listening= 3.5
Rrading = 4
writing = 5
speaking = 7
مع العلم ان موعد الامتحان كان 9 / 10 / 2010

و درجة الماجستير تحصلت عليها من احد دول اوربا الغربية و كانت الدراسة فيها باللغة الانجليزية السؤال هو هل اتحصل على التاشيرة نوع ( Tier 4 ) بهده المعطيات ارجوا الافادة افادكم الله