التاشيرة البريطانية نوع ( Tier 4 ) القديم

Nouri كتب:

أخوتي انا موفد للدكتوراه في الهندسة و متزوج و عندي اربع أطفال تحت 15 سنة و تقدمت على الايلتس مند مدة و تحصلت عليه بمعدل عام 5 و بتفصيل اكتر
listening= 3.5
Rrading = 4
writing = 5
speaking = 7
مع العلم ان موعد الامتحان كان 9 / 10 / 2010

و درجة الماجستير تحصلت عليها من احد دول اوربا الغربية و كانت الدراسة فيها باللغة الانجليزية السؤال هو هل اتحصل على التاشيرة نوع ( Tier 4 ) بهده المعطيات ارجوا الافادة افادكم الله

للاسف الشديد لا لان عندك درجه اقل من 4 .. ننصحك تحاول تجرب الامتحان مره اخرى و بعون الله تحصل الدرجه المطلوبه خصوصا ان معدلك في المره الاولى كان عالي

السلام عليكم

بالله عندي استفسار .. اني عندي منحة دراسية "ماجستير" لبريطانيا ... وحابة نرفع معاي الوالد والوالدة كمرافقين .. عبيت الابليكشن ومشيت اليوم قدمت ... بس للأسف طلع القبول اللي عندي مايسمحش بوجود مرافقين لأنه قبول سنة لغة فقط في الـ EF

توا بنعاود اجراءاتي من جديد وماعرفتش شن اندير ... وللعلم درت امتحان الايلتس اهني وجبت فيه 6 ...

وجامعة london met عطتني قبول مشروط والدراسة تبدا في شهر 9 / 2013 وقبلها 3 شهور لغة ...

موضوع تأشيرات الدراسة اول مرة انخش عليه واجراءاتهم حسيتها معقدة شوية ... ياريت اللي يعرف ايقولي الأوراق اللي المفروض نرفقها شن هي ...
وبالنسبة للوالد والوالدة مالقيتش الابليكيشن اللي يمشي معاهم اونلاين ... لقيت بس tier 4 dependent parent or tier 4 dependent child

السلام عليكم

اخوتي كل عام وانتم بخير و تقبل الله منا ومنكم ...... اود ان اسأل عن الفرق بين نوعي الفيزا

tier 4 general student and tier 4 sponsored student

كما اود ان استعلم عمن تقدم لطلب الفيزا من تونس بعد فتح مكتب الووردبردج في طرابلس؟

السلام عليكم

hanoover2006 كتب:

السلام عليكم

اخوتي كل عام وانتم بخير و تقبل الله منا ومنكم ...... اود ان اسأل عن الفرق بين نوعي الفيزا

tier 4 general student and tier 4 sponsored student

كما اود ان استعلم عمن تقدم لطلب الفيزا من تونس بعد فتح مكتب الووردبردج في طرابلس؟

السلام عليكم

الي نعرفه اي طالب في حالتنا يعني عنده ايفاد يقدم علي الجنرال
الشي الاخر بالنسبه لتونس تقدر تقدم علي فيزة طالب زائر لكن الرد ياخد نفس في ليبيا يعني جو الشهر

بسم الله الرحمن الرحيم

تقدمت يوم الخميس الموافق 16-8-2012 في الورلد بريدج للحصول على التاشيرة

ونسال الله العلي العظيم ان يوفقنا

بالله دعواتكم يا شباب

واللي عنده معلومة على كوفنتري ينورنا بالله

ابن الجبل الغربي كتب:

السلام عليكم

انا عندي تاشيرة البريطانية وبنقدم لجوزتي علة تاشيرة طالب زائر بس عندي طفلين شن نوغ التاشيرة متاعهم الي ممكن نقدملهم

وشكرااااا

شنو نوع التأشيرة اللي عندك ؟
إذا كانت تير 4 والكورس متاعك 6 شهور أو أكثر تقدر تقدملهم بما فيهم زوجتك على تأشيرة مرافق وإذا كان عندك تأشير طالب زائر معناها الأطفال تقدملهم على تأشيرة زائر (سياحية).

السلام عليكم ورحمة الله وبركاتة
الف مبروك علي كل من تحصل علي التأشيرة والعقبة لينا يارب ولكل الموفدين ..

انا تحصلت علي قبول لغه اكثر من ستة شهور ويتبعه الماستر .. ومش رح نرفق كشف حساب للتاشيرة لانه قيمة المنحه بتكفي وتزيد علي حساب قوانين الفيزة ... يعني اموري ماشية في السليم بنتوكل علي الله وبنقدم ؟

دعواتكم لي

هل يشترط للحصول على الفيزا ان تدخل امتحان ايلتس ام لا علما بانني عندي قبول دكتوراه ودرست ماجستير لمدة سنة في بريطانيا وكانت مدة اقامتي في الدولة الناطقة بالانجليزية سنتين سمعت انه لازم ندير امتحان ايلتس من اجل الفيزا وايضا ارجو ان تفيدوني اي نوع فيزا ممكن نقدم عليه للدكتوراه حسيت موضوع الفيزا متغير وشكرا

نعم ضروري من احان ايلتش الا في حالة عندك قبول اكاديمي غير مشروط في هذه الحاله تقدر تاخد الكاس نمبر من الجامعة اللي اعطاتك القبول الغير مشروط وموفق خوي

السلام عليكم
الف مبروك للي حصل الفيزا وعقبال الباقي
انا عندي استفسار هل يمكن اتحصل علي فيزا لزوجتى علما باني عندي قبول لغه 11 شهر بس وماعنديش قبول اكاديمي
هل فيكم حد رفع اهله معاه علي قبول لغه له هو بس
ارجز\وا الرد سريعا

شكرا ع الرد
بس انا عندي الايلس 4.5 واقل درجا في المحادثه 4 والامتحان كان في 28/7/2012 ومقدم علي الكاس نمبر من معهد اللغه بس هو امس واليوم عطله
يعني لو تحصلت علي الكاس نمبر وقبول اللغه 11 شهر هل نقدر نرفه زوجتي معاي بتاشرة تاير 4 ولا لا
ولا انجيبلها قبول لغه 11 شهر حتي هي وخلاص
وشكرا

السلام عليكم السؤال عن مستوى المعيشه والدراسه في مدينه يورك شمال بريطانيا وهل صحيج ان السفارة البريطانيه طالبت بزيادة منحة الليبين الدارسين بالساحة البريطانية علما بأن العائله من 6 افراد

عدل سابقا من قبل ام ايمن في الإثنين 27 أغسطس 2012, 8:36 pm عدل 1 مرات

مدينه يورك غاليه بحكم انها مدينه اثريه و تاريخيه.. لو عائلتكم كبيره الافضل تشوفولكم مكان ارخص

Mahmoud Algaroosh كتب:

شكرا ع الرد
بس انا عندي الايلس 4.5 واقل درجا في المحادثه 4 والامتحان كان في 28/7/2012 ومقدم علي الكاس نمبر من معهد اللغه بس هو امس واليوم عطله
يعني لو تحصلت علي الكاس نمبر وقبول اللغه 11 شهر هل نقدر نرفه زوجتي معاي بتاشرة تاير 4 ولا لا
ولا انجيبلها قبول لغه 11 شهر حتي هي وخلاص
وشكرا

اخي محمود,,,,,,
نعم تستطيع الحصول على تاشيرة لزوجتك Tier 4 General dependent as partner بنفس المدة اللي سوف تتحصل عليها , وبالنسبة لك انت ماعندكش مشكلة في التأشيرة طالما عندك CAS و 4.5 في الأيلتس,,, والله الموفق

السلام عليكم .... خوي الأصيبعي وابو محمد والشباب اللي مش مقصرين ربي
يخليكم

اني تاشيرتي تطلع بعد اسبوع وربي يسهل

بس نبي نعرف
انا متزوج وعندي عقد قران وكتيب عائلة ونبي زوجتي تمشي معاي لان ايفادي
ماستر بوست قرادويت

بس المشكلة عمرها اقل من 18 ... فيه من قالي
قدم عادي وفيه من قالي مستحيل تاخدها

لانها صغير؟ ومعانها زوجتي

معالعلم
اني طالعايفاد من جهة عامة

ياريت اجابة بالله

abdo elkadi كتب:

السلام عليكم .... خوي الأصيبعي وابو محمد والشباب اللي مش مقصرين ربي
يخليكم

اني تاشيرتي تطلع بعد اسبوع وربي يسهل

بس نبي نعرف
انا متزوج وعندي عقد قران وكتيب عائلة ونبي زوجتي تمشي معاي لان ايفادي
ماستر بوست قرادويت

بس المشكلة عمرها اقل من 18 ... فيه من قالي
قدم عادي وفيه من قالي مستحيل تاخدها

لانها صغير؟ ومعانها زوجتي

معالعلم
اني طالعايفاد من جهة عامة

ياريت اجابة بالله

الزوجه ضروري تكون 18 فما فوق باش تقدر تصطحبها معاك لو مقدم علي تاشيرة التاير 4.. و لو انت علي تاشيرة
طالب زائر تقدر تقدملها علي child visitor الي مدتها 6 اشهر

بارك الله فيك اخي الاصيبعي

والله اني تاير 4 يا وخي

وشكلها بتقعد

قدملها علي child visitor حتى لو كنت علي التاير 4

Mahmoud Algaroosh كتب:

شكرا ع الرد
بس انا عندي الايلس 4.5 واقل درجا في المحادثه 4 والامتحان كان في 28/7/2012 ومقدم علي الكاس نمبر من معهد اللغه بس هو امس واليوم عطله
يعني لو تحصلت علي الكاس نمبر وقبول اللغه 11 شهر هل نقدر نرفه زوجتي معاي بتاشرة تاير 4 ولا لا
ولا انجيبلها قبول لغه 11 شهر حتي هي وخلاص
وشكرا

أسف أخي محمود أنا فهمت في الأول أنك محصل تاشيرة طالب زائر لمدة 11 شهر بس توة بعد ماوضحت إن شاء الله ماعندكش مشكلة وتقدر تمشي معك زوجتك كمرافقة.

السلام عليكم
شكرا علي الردود وشكرا للجميع
بس انا عندي استفسار حول تاشيرة التاير 4
تو بعد ما نتحصل علي التاشيره باذن الله عادي كان تاخرت اشوي ولا ضروري في الموعد
وزوجتي ماتبيش تمشي معاي تبي تلحقني في شهر 1 هل نقدملها معاي تو ولا لا
وشكرا

عادي لو تاخرت شوي لكن ضروري يكون هذا بالتنسيق مع المكان اللي تبي تقرا فيه

عدل سابقا من قبل ِAbu Mohamed في الخميس 30 أغسطس 2012, 12:56 am عدل 1 مرات (السبب : خطأ مطبعي)

السلام عليكم جميعا
أخي محمد الاصيبعي بارك الله فيك وفي الاخوة المشاركين
عندي اسفسار........انا قدمت لجامعة نوتنجهام لدراسة اللغة وطلبوا علي لايلتس ودرته وتحصلت فيه علي درجة 6 فالجامعة وافقتلي علي 20 اسبوع فقط لدراسة اللغة(اكاديمك موديول) وانا نبي نقرا حتي جنرال ...
سؤالي :هل نقدر نراسل معهد او جامعة اخري باش نقرا 3 شهور لغة(جنرال) وبعدين ننتقل لجامعة نوتنجهام باش نكمل 20 اسبوع..هل فيه مشكلة مع اجراءات التأشيرة وخاصة انهم يطلبوا في الكاس نمبر....الرجاء توضيح الامر

ما هو الكيس نمبر وكيف الحصول عليه يرحم ولديكم

علي عبدالمجيد كتب:

السلام عليكم جميعا
أخي محمد الاصيبعي بارك الله فيك وفي الاخوة المشاركين
عندي اسفسار........انا قدمت لجامعة نوتنجهام لدراسة اللغة وطلبوا علي لايلتس ودرته وتحصلت فيه علي درجة 6 فالجامعة وافقتلي علي 20 اسبوع فقط لدراسة اللغة(اكاديمك موديول) وانا نبي نقرا حتي جنرال ...
سؤالي :هل نقدر نراسل معهد او جامعة اخري باش نقرا 3 شهور لغة(جنرال) وبعدين ننتقل لجامعة نوتنجهام باش نكمل 20 اسبوع..هل فيه مشكلة مع اجراءات التأشيرة وخاصة انهم يطلبوا في الكاس نمبر....الرجاء توضيح الامر

يا الله شن بنقولك خوي علي,, مادام انت جايب 6 فدراستك للجنرال اعتقد انها مضيعه للوقت لا غير.. الجنرال عادة يكون للمبتدئين الي ما عندهمش اساس و انت جايب 6 معناها في بعض الجامعات تعطيش قبول غير مشروط من توا.. انا انصحك انك تستمر في الاكاديمي و تركز علي الايلتس لان فيها منفقه كبيره ليك من ناحية الكتابه الاكاديميه ..

بعد نصحيحتي توا بنجاوبك علي سؤالك.. تقدر تراسل مدرسه او جامعه اخرى و تقرا عندهم الجنرال لمدة 3 اشهر لكن لما بتحول لجامعة نتونجهام ضروري تقدم علي فيزة تاير 4 مره ثانيه. لان عيب التاير فور انك ما تقدرش تغير من مدرسه الى اخرى الا بعد التقديم علي فيزا اخرى