التاشيرة البريطانية نوع ( Tier 4 ) القديم

الكلام جميل لكن الصورة قداش مقاساتة واللون او الخلفية ياشباب

35 فى 45 و الخلفية بيضاء... موفق ان شاء الله

سوما كتب:

35 فى 45 و الخلفية بيضاء... موفق ان شاء الله

صورة شنو هذي؟؟؟؟؟تبع اي موضوع لان المواضيع كثرن عليا

السلام عليكم ورحمة الله .....
انا عندي زوجتي موفده وتحصلت على تأشبرة التاير 4 المدة الماضية بس فاتني الكورس وقالو انه لازم ندير تأشبرة من جديد ... ولما تحصلت على كاس نمبر من جامعة اخرى بس الكاس مدته 6 اشهر ... والكورس 20 اسبوع قالولي انه ممكن مايعطوكش فيزا لي العائلة ..؟؟ ياريت حد يفهمني لاني حجزت موعد في السفارة الاسبوع الجاي يعني نغير الكاس نمبر ولا عادي لانه في ناس قالولي عادي يمشي والله انا محتااار ...؟؟؟؟ وشي اخر لو بنقدم على قبول لغة من معهد لغة فقط نقدر نحصل على كاس نمبر ؟؟؟ ياريت حد يساااعدني ويقولي جزاكم الله خير ...

الرابط التالي يفتح لك ملف بي دي إف (أون لاين) فيه اسماء جميع المؤسسات التعليمية في بريطانيا التي يعطي الكاس نمبر ومن ضمنها مدارس اللغة ،،، وهذا الملف يتم تحديثه بشكل يومي من قبل وكالة الحدود البريطانية عدا السبت والأحد،، ولو فتحت الملف ركز على المعاهد أو الجامعا اللي تلقى أمامها في آخر عمودين جملتي Highly Trusted Sponsor - Tier 4 General

http://www.ukba.homeoffice.gov.uk/sitecontent/documents/employersandsponsors/pointsbasedsystem/registerofsponsorseducation

وبالتوفيق لك وللجميع غن شاء الله !!!

عدل سابقا من قبل asmail في الخميس 29 نوفمبر 2012, 9:39 am عدل 1 مرات

ولم لا يا اخي حتى انا ناوية انديره في بريطانيا ان شاء الله..... لكن الافضل انك اتديره في ليبيا لو انك مش مستعجل لان علي حسب مافهمت انه جزء المحادثة افضل في بلدك لان الممتحن يتاثر بالبيئة..... قصدي الممتحن متع جزء المحادثة لما يدخله شخص ليبي زيك زيه ويكون قبلك احسن من لما يدخله شخص انجليزي يبي يجيب 9 في الايلتس وبالنسبة لبقية الاقسام مافيش فرق.... لكن كانك مستعجل وبتقدم عالتاير فور فننصحك اتديره غادي لانه نتيجه الايلتس تبي حوالي 12-15 اليوم باش تطلع.... بالتوفيق

أخي إسماعيل
اسمها تأشير طالب عام (تير 4) وليست تأشيرة الايلتس وكم وضحنا مرارا وتكرارا أن هذا النوع من التاشيرة لازم تقدم عليه من خارج بريطانيا ورجاء معدش تفتح مواضيع جديدة وممكن تسأل سؤالك في موضوع مفتوح من قبل وهذا الإنذار الأخير لك أخي الكريم لأن سبق تنبيهك أكثر من مرة.

عدل سابقا من قبل ِAbu Mohamed في الجمعة 30 نوفمبر 2012, 3:23 am عدل 1 مرات

ما عليش يا بو محمد اغلطنا ومنك السماح

السلام عليكم

بالله عندي استفسار ... اني عندي قبول كورس لغة
general english + IELTS exam preparation

الكلية بعتتلي رسالة القبول والعنوان من فوق
student visitor visa letter

ولما عبيت الابليكيشن اونلاين اخترت PBS Tier 4 general student
وطلعلتلي قيمة التلأشيرة 602

هل خطواتي مزبوطة او لا

السلام عليكم لو سمحتوا لاحظت في الرابط المرفق اعلاه نوعين من التاشيرة هما تاير فور جنرال وتاير فور child ما الفرق بينهما

الأخت أمااااني ،،،

اختيارك في الأبليكيشن خاطئ ،،، لأن حسب الكلام الوارد في رسالة قبولك student visitor visa letter فيجب عليك تعبي أبليكيشن متع تاشيرة طالب زائر وليس تاشيرة تاير 4 ،، وقيمة الرسوم اللي طلعت لك هي فعلاً متع تأشيرة التاير 4 ، النوع هذا من التأشيرة ما تقدريش تقدمي فيه إلا لما يبعثولك قبول فيه كاس نمبر CAS Number ،،،

أعتقد أن رسوم تأشيرة طالب زائر تتاروح ما بين 220 إلى 250 ،،، حقيقة لا أتذكر القيمة بالضبط !!!

بالتوفيق لك وللجميع إن شاء الله !!!

شكرا اخى ابو محمد على ردك

انا اقصد لم اعمل اختبار الايلس الى الان

لانه بصراحه لست مستعد الى الان لجراء الايلس