التاشيرة البريطانية نوع ( Tier 4 ) القديم

السلام عليكم اخي ابو محمد لوسمحتلي عندي بعض الاستفسارات
انا جيت بريطانيا من 18\10 بفيزا طالب والفيزا امتاع المرافقين تكمل 26\1 توا نبي نقدم علي فيزا تاير فور درت امتحان ايلتس وتحصلت علي 5 والجامعة اللي نبي ندرس فيها الدكتوراة مطلوب 7 ايلتس سؤالي هو معهد اللغة اللي ندرس فيه وافق يعطيني كاس نمبر لمدة 7 شهور ابتداء من شهر 2 الي شهر 8 هل هذا كافي للحصول علي فيزا تاير 4 بالمرافقين او ان هناك اي تغيير في الاجراءات المطلوبة لاني نبي نحجز موعد من توا وانا هنا
سؤالي الاخر هل لديك فكرة عن المدة اللي تاخذها الفيزا لان لدي اطفال في المدارس هنا في كوفنتري والمدة اللي نقعدوها في ليبيا تعتبر غياب وبارك الله فيك وفي جميع الاخوة في المنتدي

ِAbu Mohamed كتب:

معناها إما تعمل تحضير سريع وتدخل على الامتحان وبعدها ممكن تقدم على تأشير تير 4 لو حصلت على النتيجة المطلوبة وهي ليست صعبة و تقدم على تأشيرة طالب زائر مرة أخري
ولكن حط في بالك تدير امتحان الأيلتس في أسرع وقت لأن الملحقية الثقافية حيخلصوا عليك لعند تكمل 8 شهور في اللغة وبعدين يوقفوا لعند تجيبلهم نتيجة امتحان الأيلتس او تجيب قبول أكاديمي غير مشروط وبعدها يخلوك تدرس 4 شهور فقط (يعني تكمل 12 شهر لغة).

سؤال // هل المهم انك ادير امتحان ايلتس خلال 8 شهور وتعطى النتيجة الى الملحقية مهما كانت درجة الايلتس ... وفى حالة درت الامتحان وجبت الدرجة المطلوبة للحصول على القبول الاكاديمى هل 4 شهور الباقية تلغاها الملحقية او ليك حرية الاختيار تكمل 4 شهور او توقف دراسة اللغة

سوما كتب:

سؤال // هل المهم انك ادير امتحان ايلتس خلال 8 شهور وتعطى النتيجة الى الملحقية مهما كانت درجة الايلتس ... وفى حالة درت الامتحان وجبت الدرجة المطلوبة للحصول على القبول الاكاديمى هل 4 شهور الباقية تلغاها الملحقية او ليك حرية الاختيار تكمل 4 شهور او توقف دراسة اللغة

نعم هذا صحيح وإذا جبتي الدرجة المطلوبة عندك حرية الخيار في الاستمرار أو التوقف.
والكلام هذا حسب ماكان معمول به سابقا في السفارة قبل الثورة هذا للعلم فقط.

انا بناخد الايلس من بلاد اخري من ماليزيا ونبي نقرا الاكاديمي في بريطانيا فهل فيه اشكالية في الموضوع وياريت ياابو محمد كان عندك علم في الموضوع توضحلي

<P><FONT style="BACKGROUND-COLOR: #f0f0f0">السلام عليكم نبي نسال علي ابليكيشن تاير 4 اليوم  عبيت النموذج وصلت الي النهاية ولكن الغريبة ان الابليكيشن مافيش اي معلومات حول المعيشة او  اي شي  يخص الناحية المالية   عكس ابليكيشن طالب زائر او سائح   سؤالي هل انا ماشية صح  بالله اللي عنده الجواب  يرد مشكور لاني حاليا في بريطانيا وحجزت موعد يوم 9\1\ الجاي   ونبي ننزل مع العائلة طرابلس علي موعد المقابلة لاننا من طبرق   كذلك اللي عنده اي معلومة   عن اي مستند مهم يفترض انجيبه معاي من هنا من السفارة او للاطفال لانهم في المدارس الانجليزية و الليبية   علما باني جيت بريطانيا يوم 18\10 بفيزا طالب والعائلة  سياحة وتحصلت علي كاس نمبر من معهد لغة  بعد تحصلي علي  5 ايلتس وتوا فيزا العائلة  تنتهي نهاية الشهر واللي يبي اي استفسار مني يتفضل وبارك الله في الجميع    </FONT></P>

السلام عليكم لااجابة اللي عنده رد علي تساؤلي ينورنا ؟؟؟؟؟؟؟؟؟؟

السلام عليكم هل هذا هو النموذج الذي يجب تقدبمه مع الابليكيشن الذي تم تعبئته اون لاين لغرض الحصول علي تاشيرة تاير 4 وهل هناك نموذج اخر يجب تقديمه الرجاء منكم الرد سريعا لان موعد المقابلة الاسبوع القادم

السلام عليكم

انا حصلت قبول لدراسة اللغة لمدة 5 شهور هل هذا القبول كافي للحصول على تاشيرة تاير 4 و مع العلم انا موفدة للدكتوراة و معاي زرجي و 2 اطفال

افيدونا جزاكم الله خيرا

اخي ابو محمد شكرا لردك على سؤالي ..

قريت الموضوع اللي عطيتني الرابط متاعه و فعلا انا محصله 5 في الايلتس و توا حصلت قبول لغة من جامعة ريدينغ في بريطانيا لدراسه الكورسات ماقبل الدورة

pre-sessional

و طلبو مني عربون الاشتراك عشان يبعتو لي كاس نمبر

و مدة الكورس من نص شهر ابريل الى نص شهر سبتمبر

فكيف الحل هل انغير الكورس و لا نبعث لهم الفلوس و لا كيف الحل .. سااعدني الله يبارك لك في صحتك و ماللك

مشكور مقدما

بارك الله فيك ان شاء الله في ميزان حسناتك

ربي يسهل للجميع اجراءاتهم

بصراحة تدوخ الراس

تحصلت علي قبول غير مشروط لدراسة الدكتوراه في الهندسة ، وتوصلت علي الكاس و الاتاس ، وارغب في التقديم علي تير فور، ولكن لم أخذ امتحان ايلتس، فهل ساتحصل علي الفيزا بدون ايلتس ؟؟
شكرًا

انا موفد وانتظر في التفويض ومتزوج ولدي ابناء انهيت جميع اجراءتي على اساس اني حنسافر في اول 5 او 6 اشهر بمفردي لاتحصل على 4.5 في الايلتس على الاقل ثم اعود الى ليبيا لتغيير التأشيرة الى تاير4 وبعد ذلك اصطحب معي باقي اسرتي حتى انهي الدراسة فهل استطيع ان احصل على التأشيرة تاير 4 بعد حصولي على درجة الايلتس 4.5 وقبل الحصول على القبول الاكاديمي لانه زي ما انتو عارفين بأن القبول يتطلب 5.5 او 6 في الايلتس بالنسبة الى تخصص الهندسة فهل بباقى المدة لمعهد اللغة +رسالة الدعم المالي المذكور فيها مدة الدراسة 36 شهر +دعم التأشيرة المذكور فيها افراد الاسرة ممكن احصل على التأشيرة ............... سامحوني في الاطالة لان احد الاصدقاء اخبرني بأنني اذا فعت ذلك فلن احصل على التأشيرة تاير4 الا اذا حصلت على القبول الاكاديمي والــ كاس نمبر ؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اذا كان هذا الكلام صحيح معناها الواحد يبدأ في اجراءات تأشيرة العائلة وياخذهم معاه من الاول وخلاص
!!!!!!!!!!!!!!!!!!!!!!!
واللي بيسأل ليش ماتأخذهم من الاول انقلوله اكثر من واحد نصحني بأن اذهب في البداية بمفردي عشان ما ايتبهدلوا اسرتك وراك وانت مانك عارف الدنيا كيف دايره وجهه وفي نفس الوقت تتعلم اسرع عشان درجة الايلتس المطلوبة في التأشيرة تاير4 وحتى لما تجيبهم بعد 5 شهور تقعد فاهم اشوي اوتعرف كيف اتفك روحك
!!!!!!!!!!!!!!!!!!!!!!!!!!!!!!!!!!!
هذه تسائلاتي وارجو من الجميع الرد والنصح والاهتمام من اهل الخبرة
والسلام عليكم

السلام عليكم. أولا هل انت جاي ماجستير أو دكتوراة. إذا كان ماجستير اكيد الامور اسهل لان عندك متسع من الوقت متخممش هلبه. بعدين هل عندك انجليزية ولو شوي يعني ؟ اني ننصحك بالمجيء لوحدك في البداية خاصة لو عندك اطفال يقرو لان الدراسة في المدارس الانجليزية تبدا في شهر 9 فمنعرفش مرات تلاقي مدرسة في اوقات اخرى ولا لا. بعدين لما تجي انت بفيزة طالب وعائلتك زائرين لمدة 6 اشهر مش رح تستفيد عائلتك اي شي حتي التسجيل عند الطبيب العام (GP) في العيادة العامة في معظم الاحيان متقدرش (نعرف صديق تحصل على مولود هنايا اضطر لدفع مصاريف الانجاب لانه زوجتة مش مسجلة في ال جي بي وفيزا متاعها زائر)
نصيحتي انك تجي بروحك هي صعبة شوي بس ظروري تتحمل شوي ولو لمدة 5 اشهر بعدها ربي يسهلها تحصل على 5 او خمسة ونصف او تقرا في مدرسة لغة متاع الجامعة ويقبلوك معاهم.
فيه خيار اخر ان بعض الشباب يجو ويجيبو في زوجتهم على اساس حتى هي بتقرا فتتحصل على فيزا طالب حتى هي بس منعرفش في الحالة هذه شن يصير في الاطفال.
الافضل انك تمشي وتسال احد المكاتب يلي في مركز الواحة بجنب مكتب تقديم التاشيرات على كيفية ومتى تستطيع التقديم على فيزا تير 4 لان في حالة من الحالات لو تحصلت على الفيزا تقدر تجددها من بريطانيا دون الحاجة الى الرجوع لليبيا.
زد على دلك احد عيوب انك تجيب عائلتك بفيزا زائر ان مدتها 6 شهور ومرات يريحو منهم فترة اثناء الاجراءات وكذلك تحتاج للتقدم على الفيزا مرة اخرى في ليبيا وبالتالي تحتاج الى الرجوع لليبيا ومصاريف فيزا مرة اخرى ومصاريف تداكر عودة من بريطانيا وتداكر مجي لبريطانيا مرة اخرى.
نتمنى لك التوفيق

بارك الله فيكم اخوتي
Abdo_newcastle
ِAbu Mohamed
على الرد والاهتمام والله يطمنكم
وصدق من قال ما خاب من استشار