كل مايخص المنحة الشهرية للطلبة في المملكة المتحدة

ايه القرار مطتوب فيه من الربع الرابع لهذه السنة يعنى كان فيه شىء راهو يبان فى شهر 10 يعنى دوه وبس وما ريناش اى زيادة

مشكورين وربي يوفق لما فيه الخير

صديقي في بريطانيا قال لم تتم الزيادة زان منحته كما هي الشهر هذا ارجوا التاكد

للعلم فقط الموفدين من الجهات العامة يطبقوا في الزيادة من نهاية الثورة

السلام عليكم
نبي نسأل على منحة شهر 10 الساحة البريطانية من نزلتله اني لليوم مافيه شي وحتى الملف الالكتروني مايفتحش معاي شن القصة

قداش قيمة المنحة في بريطانيا للمتزوج بدون اطفال

1200 باوند

شكرا على الرد بس انا لليوم مانزلي شي
وبعدين ياريت اللى عنده معلومة على الملف الالكتروني يقولي لان ماعاد يفتحلي ..ومن اللى مشرفة عليه اميمة المقوز يرد عليا
وشكرا

قيم المنحة للمتزوج بدون اطفال 1285 تقريبا ماني متاكد والمتزوج +1 اوالمتزوج+2 1411 باوند والمتزوج+3 اواكثر 1474 باوند والاعزب 1128 باوند ماني متاكد 100بامائة لكن على ماعتقد صحيحة

بالنسبة لمنحة الاعزب صحيحة 1128 باوند

السلام عليكم ورحمة الله وبركاته



منحة الطالب الاعزب في بريطانيا 1,128.60باوند وبعد الزياد 25% تصبح 1,410.75 باوند



AlSwAi

كم المنحه ف تركيا للأعزب؟؟

السلام عليكم اخوتي الكرام
اريد ان اسأل على منحة الكمبيوتر هل يتم منحها بمجرد وصول الطالب الى بريطانيا او انها تتاخر وكم هي قيمة المنحة لانني نبي نشري كمبيوتر ومش عارفة هل نشري من ليبيا او من هنا

وشكرا

عدل سابقا من قبل ِAbu Mohamed في الأربعاء 24 أكتوبر 2012, 12:31 am عدل 2 مرات (السبب : العنوان غير واضح)

انا رأى انك تشريه من ليبيا وتاخذه معاك لان ليبيا ارخص بواااااجد من بريطانيا ومنحة الكمبيوتر تاخذها وتستفيدى بها فى حاجه اخره

منحة الكمبيوتر المفروض تنزل مع أول منحة تلقائيا وقيمتها 650 باوند وهي كافية لشراء أحسن كمبيوتر وزيادة
أسعار الكمبيوترات في بريطانيا تقريبا نفس الأسعار في ليبيا لو مش أرخص خاصة أن الأسعار في ليبيا زادت في كل شئ. ميزة الشراء من بريطانيا أنك تاخذ ضمان لمدة سنة في حالة حدوث أي عطل وحتى في ليبيا فيه ضمان ولكن مش معقولة لقدر الله فيه مشكلة تعدي من بريطانيا لعند ليبيا عشان تصلح الكمبيوتر.
الأسبوع الماضي شريت كمبيوتر نوع HP وأموره تمام ومواصفاته ممتازة وسعره 480 باوند وبعد أسبوع رديته للمحل عشان فيه خط أبيض خفيف في الشاشة رغم أنه يشتغل مية في المية وخذوه مني على طول وقالولي تبي ترده نردوه لك تبي تأخذ نوع ثاني نبدلوه لك تبي نصلحوه لك نصلحوه تبي ندزولك على واحد آخر تدزوا لأن توة ماعنداش منا بس مرات يطول أو تبي نبعثوك لفرع ثاني تاخذ منهم واحد آخر جديد فمشيت لفرع آخر واستلمت واحد جديد رغم أنه في مدينة ثانية بس مش مشكلة.
العيب الوحيد لما تشري من هنا أن لوحة المفاتيح ضروري تشري لصقة متاع حروف عربية بس مش مشكلة ممكن تشريها من ال Ebay ب2.5 باوند

عدل سابقا من قبل ِAbu Mohamed في الأربعاء 24 أكتوبر 2012, 12:46 am عدل 1 مرات (السبب : خطأ مطبعي)

طيب انا عندي قرار ايفاد وزوجتي كذلك بس تم ضم زوجتي لقراري

هل حتى زوجتي من حقها جهاز كمبيوتر او لا

هيثم عبدالصمد كتب:

طيب انا عندي قرار ايفاد وزوجتي كذلك بس تم ضم زوجتي لقراري

هل حتى زوجتي من حقها جهاز كمبيوتر او لا

للأسف سوف يتم التعامل معها كمرافقة ولكن أطلبها أنت لو مانزلتش لأن هذا من حقها.
المفروض ماعطيتهمش قرار زوجتك.

عدل سابقا من قبل ِAbu Mohamed في الجمعة 26 أكتوبر 2012, 12:54 am عدل 1 مرات

الضم يا اخانا صار من البعثات

انا اسف جداً لانى بصراحه ماقريتش شروط الكتابه فى هذا الجانب نظراً لضيق وقتى. وعموما مشكور جدا ياخوى