كل ماتريد معرفته عن السـكن في المملكة المتحدة

شكرا وبارك الله فيك

شكرا اخي وبارك الله فيك والله انت شرحت بالتفصيل بس مافهمتش اعذراني لاني ليا سنتين ع منتدي وناسيه.بالنسبه موضوع العائله ليبيه انا ماعندي مانع بس ناحذ راي الوالد.نبيك تاخذ منهم فكره كامله ع منطقه كولشستر من ناحيه المعيشه وجو والمدرسه تعليم اللغه اللي فيها واسعار اجار الشقق تو بادروم ولك مني جزيل الشكر والتقدير

السلام عليكم عندي ليك حل سريع وديريه بروحك واحني انديرو فيه اهني
في موقع الغم تري والسبير روم خوشي اعليهم وديري منطقتك وتو تلقي كل شي في الموقع واتصلي بيهم وقبل ماتسكني غادي بري شوفي الحوش مرات ميعجبوكش واسئلي علي كل الي تبيه
spareroom.com
gumtree.com

السلام عليكم انا الموفدة الى الدراسة اللغة الانجليزية هل هناك صعوبة في الحصول على سكن وكم يتراواح قيمة السكن

كل ماتريد معرفته عن السـكن في المملكة المتحدة

انشاالله بالتوفيق لكل موفد للدراسة (ليبي وليبية ) علي ساحة البريطانية بلله كم يتراوح سعر السكن لاني الشهر القادم موفدة لدراسة ولكم جزيل الشكر

الايجار من 400 باوند وطالع وكله ع حسب المكان ومساحة الشقة .... الخ

متوسط الايجار السكن للاسرة يتراوح بين 500-550 باوند .

واغلب العقود 6 اشهر وقابلة للتجديد .

بخصوص السكن مع عائلة من اصحاب التجارب: ماهي الضوابط او القواعد التي يجب ان اخذها في الحسبان عند سكني مع عائلة بريطانية .... وخاصة ان المطبخ مشترك والتلفزيون و.......... كله مشترك...... وهل سيعطوني مفتاح للمنزل للرجوع للبيت في اي وقت او ستكون هناك ظوابط.... نتمنى من الاخوة اعطاءي فكرة عامة .... لاني نحس ان الامور مش حتكون مريحة بالشكل المتوقع.........ياريت حد يكتبلي مانبيش روابط لان ديمه الاجابه ماتكونش زي مانبي وشكرا للجميع

Mh gmal كتب:

بخصوص السكن مع عائلة من اصحاب التجارب: ماهي الضوابط او القواعد التي يجب ان اخذها في الحسبان عند سكني مع عائلة بريطانية .... وخاصة ان المطبخ مشترك والتلفزيون و.......... كله مشترك...... وهل سيعطوني مفتاح للمنزل للرجوع للبيت في اي وقت او ستكون هناك ظوابط.... نتمنى من الاخوة اعطاءي فكرة عامة .... لاني نحس ان الامور مش حتكون مريحة بالشكل المتوقع.........ياريت حد يكتبلي مانبيش روابط لان ديمه الاجابه ماتكونش زي مانبي وشكرا للجميع

يوجد بعض المعلوماتت البسيطة في هذا الموضوع تحت عنوان
ب- السكن مع عائلة Family accommodation
http://www.almofad.com/t8293-topic#61753

أعتقد كل عائلة عندها ضوابط ولكن بصفة عامة الإنجليز يحبوا النظام في كل شئ ويناموا بدري ويصحوا بدري فحاول أنك ماتخرب أوتشوش نظامهم وماتروح وخري مثلا أو تسهر وتعمل حركة في البيت ممكن تنوضهم وممكن تسألهم على الضوابط .

السلام عليكم
اخوتى اعطونى رائيكم بارك الله فيكم ...
انا درت بحث عالنت  حتى نقدر انحصل سكن  بنيوكاسل  .فوجدت وكالة تقوم بتامين سكن فى اى مدينة من مدن بريطانيا الوكالة سعودية .
راسلتهم عالايميل وردو عليا ..القصة انى محتارة بين نتواصل معاهم او انى انخلى الامر الى ان نوصل
لكن حتى لو وصلت للمدينة اتشحوير  وتعب  حكاية البحث عن سكن والاقامة بفندق
ولانه المدة اللى فايته من التاشيرة اقريب 4 اشهور  وانا تاشيرتى طالب زائر ونبى نختصر وقتى الحالى بانى انوفر سكن على الاقل نوصل على طول نبدا الدراسة ..هو فعلا اللى اتشوفه بعينك مش كيف الى اتشوفه بالصورة لكن حاولت  بالك تصدف. وراسلت الوكالة
........................................................................................................
رد  الوكالة كان كالتالى
وعليكم السلام ورحمه الله وبركاته ,
اهلا وسهلا بك اخي

نحن مكتب لتوفير السكن للطلاب والقبولات الجامعيه وتنظيم الرحلات السياحية.

وناخذ اتعاب لتوفير السكن وقدرها 250 باوند . 
150 باوند عربون
و 100 باوند بعد سكنك بالبيت باذن الله.

اذا حاب نكمل اجرائتنا ونعطيك عروضنا وتشوف البيوت الي عندنا يجب استلام العربون لمعرفت جديتكم من الطلب. 

اليه عملنا هي . ارسال عروضنا وبعد ما تتطلع عليها بالصور واي شي يناسبك تقدر تاخذ العقد ونرسله لك على البريد ونعطيك صوره اون لاين. لاكن ننصحك انك تحجز السكن وعند وصولك تتطلع على السكن وإن ناسبك تقدر تاخذ البيت وتوقع العقد.
 
فحسب خبرة اللى حصل سكن من قبل فى بريطانيا  هل الاتعاب معقولة  او انى ناجل القصة

عدل سابقا من قبل Abu Mohamed في الأربعاء 04 سبتمبر 2013, 11:02 pm عدل 1 مرات (السبب : العنوان غير واضح)

يريت اختي تعطينا الموقع الوكالة ,,,حتى انا مثلك محتار لاكن الاخوة إن شـاء الله يجاوبونا

نصيحتي هي افضل شي ان ترى على ارض الواقع .

لان هناك الموقع والقرب من ناحية السنتر اي الاسواق او هناك من يريد ان يكون قرب الجامعة .

في العادة العازب لا يكون لديه اي مشكلة في ايجاد غرفة او استوديو .

المشكلة تكمن عند العائلة لانه يحتاج الى توقيع عقد 6 اشهر وهذه عند الاغلبية .

اتمنى ان لا يكون هناك استعجال من الجميع ويخسر اموال لا داعي منها .

انا من رأي الاستاذ خالد ...الافضل انك تحجزي في فندق عند وصولك وبعدها تشوفي بعينك العروض لانه الصوره مش زي الواقع احيانا,,,,

السلام عليكم ,, فعلا ما خاب من أستشار . وأنا عن نفسي مريت بتجربتين الأولى أني سافرت لبريطانيا أول مرة ومعي الأسرة وكملتها في فنادق وفي لندن أي سعر يطلبوه ندفع طول عشن ما نبيش الاسرة تشحور , وبعدين حصلت سكن وأموري تمت كلها تمام , بعدين رجعت لليبيا وقعدت فترة بعدين نويت نمشي لبريطانيا لكن المرة هذه أتفقت مع صاحب شقة وهو أنجليزي عن طريق الأيميل وخذيت رقمه وبمجرد وصولي اتصلت بيه وعطاني البوست كود أمتاع الشقة وانا عطيته بدوري للتاكسي ونزلني قدام الشقة .. والعرض تحصلت عليه من الموقع اللي في الرابط
http://www.gumtree.com/newcastle

 ومعلومة اخرى انا خفت ان الشقة اتكون مش نفس اللي في الصورة فأتفقت امعاه على شهر واحد فقط من انا في ليبيا

الأفضل تشوفي بعض البيوت في المواقع المعروفة مثل 
Rightmove.co.uk
findprperty.co.uk
قبل ماتمشي وتراسليهم قبل ماتمشي بيوم أو اثنين وبعد ماتمشي تشوفيهن على الواقع


الحذر من بعض المواقع مثل http://www.gumtree.com
لأنها غير مراقبة والكثير من النصابين يستغلوا هذا في الدعاية لبيوت وهمية


أرجو مشاهدة هذا الموضوع عن السكن وسيتم نقل هذا الموضوع إليه لاحقا
http://www.almofad.com/t8293-topic


عدل سابقا من قبل Abu Mohamed في الخميس 05 سبتمبر 2013, 11:38 am عدل 1 مرات

بارك الله فيكم  وربى ينور دربكم ويسخر لكم كل خير ...وانارتم فكرى باارائكم . فجزاكم الله خيرا

أنيس كتب:

السلام عليكم ,, فعلا ما خاب من أستشار . وأنا عن نفسي مريت بتجربتين الأولى أني سافرت لبريطانيا أول مرة ومعي الأسرة وكملتها في فنادق وفي لندن أي سعر يطلبوه ندفع طول عشن ما نبيش الاسرة تشحور , وبعدين حصلت سكن وأموري تمت كلها تمام , بعدين رجعت لليبيا وقعدت فترة بعدين نويت نمشي لبريطانيا لكن المرة هذه أتفقت مع صاحب شقة وهو أنجليزي عن طريق الأيميل وخذيت رقمه وبمجرد وصولي اتصلت بيه وعطاني البوست كود أمتاع الشقة وانا عطيته بدوري للتاكسي ونزلني قدام الشقة .. والعرض تحصلت عليه من الموقع اللي في الرابط
http://www.gumtree.com/newcastle

 ومعلومة اخرى انا خفت ان الشقة اتكون مش نفس اللي في الصورة فأتفقت امعاه على شهر واحد فقط من انا في ليبيا

وعليكم السلام

اذا كان الامر فيه تجربة شهر فلن يكون هناك اي مشكلة , ولكن اذا كان يريد ان يتفق معك من ليبيا على 6 اشهر فهذا امر مقلق بعض الشي .

جميع الشركات الليبية تمنح الموفد عن طريقهم اسبوع مجاني في الفندق تتكفل به الشركة العامة ولا اعرف لماذا لم يطبق هذا القرار من البعثات .

http://www.zoopla.co.uk/
http://www.rightmove.co.uk/
http://www.primelocation.com/
http://www.gumtree.com/birmingham

شكرا على الافادة

عموما لا ينصح باستخدام اي موقع ويجب ان يحذر من بعض المواقع .

افضلهم هو موقع الثاني :

http://www.rightmove.co.uk/

تم نقل الموضوع الى منتدى دليل بريطانيا .

انا ما جربتش نأجر منهم الحق ، بس فيه حاجات كويسة و ممكن يفيدن

هذه المواقع عبارة عن تصفح لمشاهدة العرض .

وعند الاختيار يتم اخذ موعد من المكتب وفي العادة عند اي بيت او شقة

تجدي شعار المكتب الذي وضع الاعلان , وبعده يتم اخد الموعد لمشاهدة .

اخوتي في ليدز انا مرشحة لدورة سته أشهر وبأذن الله سأكون هناك في يوم 20-10-2013 في مدرسة CES في العنوان Centre of English Studies
9 Park Place
Leeds
LS1 2RU
وابحث عن شقة صفيرة او استديو تكون قريبة من المدرسة للسكن لان افضل الا اسكن مع عائلة أجنبية . ولكن ممكن اسكن مع فتاة ليبية او تكون مسلمة وافضل ان تكون محجبة .فمن يغرف شقة او استديو نأمل منه مسعدتي

Amna24 كتب:

اخوتي في ليدز انا مرشحة لدورة سته أشهر وبأذن الله سأكون هناك في يوم 20-10-2013  في مدرسة CES  في العنوان              Centre of English Studies
9 Park Place
Leeds
LS1 2RU
 وابحث عن شقة صفيرة او استديو  تكون قريبة من المدرسة للسكن لان افضل الا اسكن مع عائلة أجنبية . ولكن ممكن اسكن مع فتاة ليبية او تكون مسلمة وافضل ان تكون محجبة .فمن يغرف شقة او استديو نأمل منه مسعدتي

رجاء قراءة أول تعليق في هذه الصفحة
http://www.almofad.com/t8293p75-topic

بارك الله فيك كفيت ووفيت واستوفيت
بجد ومن لاخير موضوع متكامل واستفدت منه كثيرا

ومجهوداتكم رائعة جدا كروعتكم خوتي واخواتي الليبييين