السلام عليكم.
ياشباب اللي بجديات يبي يقرا ماجسبر ويكمل بسرعه ويتعلم انجليزي ننصحه بقبرص التركيه.
كلها مسلمين ولغتهم انجليزيه بعد التركيه طبعا. والايجار الشقه معقوله باثاثها ب5000 دولار وفوق او اقل انت وجوك.
طبعا العزابي جوة تمام يقدر ايدبر امورة باسعار رخيصه.
والمعيشه الخضره نفس ليبيا وفي حاجات ارخص. والحاجات الثانيه مش هذك الفرق.
والمتزوج برضوا امورة تمام طبعا ايوفر حتى هو.
الماجستير 7مواد +الرساله.
لومافيش مواد استدراكيه. لايبو توفل لا ايلس ايدرولك امتحان لغه وعلى حسب الدرجه اللي اتجيبها .
لو لقيو مستواك تعبان في اللغه في كورسات دوليه حاحه روعه.
انا ماجر 5600 دولار سنوي شقه دور ثاني اثاث كامل مكيف غساله توماتك تلاجة غاز كوشه وتقع الشقه قدام الجامعه لاتكسي لاباس.
ما نجحتش في امتحان اللغه لكن عطوني مادة انجليزي ومادتين من المقرر للسمستر هذا. طبعا نا نبي انوفر لاني على حسابي الخاص.
والتذاكر نص سعر تذاكر ماليزيا او ااقل.نا خذيت تذكره سنويه ب900دينار ليبي. من ليبيا الى اسطنبول. وبعدها اسطنبول قبرص.
والجو هنا بصراحه عادي نظافه ورقي والجامعه خيال فيها جميع الاحتياجات من رياضه وملاعب وااحواض سباحه وصالات للتدريب البدني.
لكن بعد تبي تدهور تمشي لمناطق اخرى نا بصراحه مازلت ما مشيت.
االتاشيرة طبعا بعد اتحصل قبول جامعي اتجي للمطار تلقى اسمك ويعطوك انت والعائله تاشيره 90 يوم وبعدها ادير وحدة سنويه ب45دولار نا مازلت مادرتها.
لكن اللي جاي يبي يدهور ويبي جو كل يوم في مكان يمشي تركيا او مكان اخرى.
واي خدمه نا موجود عادا القبولات مشنا اللي اندير فيهن.
في واحد ايدير فيهن ايميه عالياهو zahdaldnia>
