التوفل او الايلتس للدراسة في المانيا!!!!

السلام عليكم.
كنت ندير في دورة عن الجامعات في المانيا وشن يطلبوا على خاطر القبول فلقيت في واحد من المواقع ان مطلوب شهادة الايلتس او التوفل وان التوفل مفضلة اكتر في المانيا وانها الزامية..هل هدا الكلام مزبوط..ام انه مجرد يكون عندك افادة من كليتك انك درستك باللغة الانجليزية فهو كاف ...وشن الفايدة منها ادا كنت بتدرس باللغة الالمانية الزاميا..

sfruja كتب:

السلام عليكم.
كنت ندير في دورة عن الجامعات في المانيا وشن يطلبوا على خاطر القبول فلقيت في واحد من المواقع ان مطلوب شهادة الايلتس او التوفل وان التوفل مفضلة اكتر في المانيا وانها الزامية..هل هدا الكلام مزبوط..ام انه مجرد يكون عندك افادة من كليتك انك درستك باللغة الانجليزية فهو كاف ...وشن الفايدة منها ادا كنت بتدرس باللغة الالمانية الزاميا..

بصراحة هذه اول مرة نسمعها منك و نعرف ان الالمانية كافية

التوفل حتى ف بريطانيا مش مطلوب الايلتس فقط ضروري التوفل ف استراليا و امريكا فا معقولة حتطلبه الجامعات الالمانية؟؟؟؟؟؟

الله اعلم

اني مستغربة زيك اختي العزيزة لاني قريته في احد الموقع هدا علاش نبي نستفسر من اهل التجربة..وشكرا ليك

اختي العزيزه انا صيدله كيفك وصديقتي في الصيدله ايضا سافرت لالمانيا من مده,,,,لا قرت توفل ولا ايلس ولا شئ,,,,,,عدت لالمانيا,,,,وخذت كورسات لغه المانيه,,,,وبعدها دخلت توه علي الاكاديمي,,,,,وامورها مية مية,,,,,ماعندك مشكله بكل,,,,فوتيها الجامعه هذي وراسلي جامعه ثانيه,,,,ووضحي فيها انك درستي باللغه الانجليزية لان الدراسه في المانيا بلانجليزي,,,بس اللغه الالمانيه ضروري تاخذيها عشان تعرفي تتفاهمي مع رئيس القسم والمحاضرين والمشرف علي مشروعك,,,,واي سؤال عيوووني ليك,,,,


اختك لوزا

والله؟؟؟ نعرف وحدة تدرس اسنان ف المانيا و دراستها بالالماني


ممكن لو في حد حاااااااااااااليا يدرس ف المانيا يجي يوضح

السلام عليكم
لدراسة الماجستيرباللغة الالمانية يشترط امتحان التست داف او دى اس ها
Test Daf or DSH
باللغة الانجلبزية يشترط الايلتس او التوفل

شروط اللغة والامتحانات تخلتف من جامعة لآخري وكذلك حسب التخصص
لكن بشكل عام إجادة اللغة الانجليزية مطلوب للدراسة ولكن المكتب الثقافي يتكفل فقط بتكاليف دراسة اللغة اللمانية لمدة 8 أشهر

يمكن مراسلة كل جامعة على حدى للتأكد من لغة الدراسة والشهاذات المطلوبة ومدى امكانية الحصول على قبول مشروط منها

وبالتوفيق للجميع