كل مايتعلق بتأشيرة طالب زائر وتأشيرة سائح

شكرا اخوتي محمد الاصيبعي و ابو محمد

انا عندي بنت واحدة وعمرها 5 سنوات ونص
و عندي قريبتي هناك و حتساعدني وحنسق معاها في موضوع بنتي
يعني بنتي مشكلتها بسيطة ان شاء الله اذا تم الموافقة على فيزتها

والله يا اخوتي انا بنقدم و الباقي على الله
لانه قصة الرفض اصبحت واضحة بشكل ملحوظ وخصوصا لمن مسافر على حساب الدولة
فأغلب من سافر على حسابه الخاص لا يتم رفضه
وهذا دليل على ان الانجليز اللي يهمهم هو الفلوس و ليس شئ اخر

يعني توا من كلامك اخي ابو محمد انعبئ ابليكيشن طالب زائر

ولكن هل الموعد يقعد هو هو او يتغير ؟؟

محمد عياد الضاوى كتب:

كانك موفد من قبل الدولة قدم قبول لغة أصلى +رسالة الدعم المالى أصلية + جواز السفر + الأبلكيشن + صور خلفية بيضاء عدد 2 + رسوم التأشيرة + إجازة من العمل اذا كان جواز سفرك مكتوب فيه موظف لكن بالنسبة لحالتى لما خديت التاشيرة من تونس ورقة الإجازة رجعوها لى مع الجواز لما سألت بعض الشباب على الموضوع قالوا إنته موفد من الدولة يعنى الدولة مرتبة إجراءك القانونى
ملاحظة :- أى ورقة عربية لازم تكون مترجمة
موفقين ان شاء الله

باهي يا خونا محمد اني علي حسابي الخاص ماشي ...ممكن تقولي كيف ندير الورقه هادي ؟؟؟؟؟وبارك الله فيك

ِAbu Mohamed كتب:

معناها المفروض تعبي نموذج متاع تاشيرة طالب زائر بس ديري في حسابك لو أخذتي تأشيرة طالب أنتي وزوجك معناها لازم تقروا أنتم الاثنين يعني شنو يبي يصير في بنتك إلا إذا كان ناوية تبي تنسقيلها على حضانة فلازم أتدييري حسابها من توة بالإضافة أنه لو قدمت بنتك على تأشيرة سياحية احتمال كبير يرفضوها ويقولولك حتخربي عليها قرايتها باعتبار عمرها 5 سنين ونص والإنجليز يبدوا يقروا في العيال من سن 3 سنوات في الروضة ومن 5 سنوات في المدرسة. وعلى فكرة سألتلك على موضوع يقبلوها أو لا في المدارس الإنجليزية وقالوا عادي يقبلوها بس السؤال الأهم هل يعطوها تأشيرة سياحية أو لا ؟

هل لما انعبي توا ابليكيشن طالب زائر هل موعد الفيزا يتغير او يقعد كما هو

عارفة وانا نبي نقرا وزوجي كذلك و نسقنا امورنا اذا تم الموافقة على الفيزا

وبنتي ان شاء الله الامور تمام
حيث عندي قريبة لي في مانشستر عندها طفل من عمر بنتي و حيساعدوني في تنسيق امورها

بنتي في القانون الليبي ماتقراش و انا حصلت على قرار صادر من التعليم ان عمر دخول الطفل اصلف الاول يكون بعد 6 سنوات يعني بنتي لا يسمح لها هذه السنة الدراسة
وهذا مستند سأقدمه لعل و عسى يكون مساعد لتقديم الفيزا
حيث انه تقرا عندهم عادي ولكن في ليبيا هي مازال ماتقراش ..

om-aisha كتب:

شكرا اخوتي محمد الاصيبعي و ابو محمد

انا عندي بنت واحدة وعمرها 5 سنوات ونص
و عندي قريبتي هناك و حتساعدني وحنسق معاها في موضوع بنتي
يعني بنتي مشكلتها بسيطة ان شاء الله اذا تم الموافقة على فيزتها

والله يا اخوتي انا بنقدم و الباقي على الله
لانه قصة الرفض اصبحت واضحة بشكل ملحوظ وخصوصا لمن مسافر على حساب الدولة
فأغلب من سافر على حسابه الخاص لا يتم رفضه
وهذا دليل على ان الانجليز اللي يهمهم هو الفلوس و ليس شئ اخر

يعني توا من كلامك اخي ابو محمد انعبئ ابليكيشن طالب زائر

ولكن هل الموعد يقعد هو هو او يتغير ؟؟

في الحاله هدي ممكن يرفضوك بنسبة 99% , و السبب حيكون ان انت و الزوج حتقروا و الطفل بيقعد بدون اي شخص يهتم بيه؟؟ نصيحه قدمي على تاشيرة زائر الي مدتها 6 اشهر

بارك الله فيك اخي محمد على الرد
باهي ممكن سؤال اخر
انا توا نمشي بفيزا سياحة 6 شهور
ولكن سؤالي
هل يتم تجديدها مباشرة من ليبيا او نقعد 6 شهور اخرات عشان يعطوني الثانية
للعلم انا مسافرة لبريطانيا اخر مرة في شهر 12-2010 قبل الاحداث بشهرين

ياأختي ليش ماتوصي على بنتك يسجلوها عن طريق قريبتك: تبعتيلها افادة من الروضة في ليبيا مترجمة , والتطعيمات ، وشهادة الميلاد ويتم تسجليها لو عندك عنوان او ايجار مسبق، وحتى اوراقها لما كانت معاك قبل سنتين ممكن يدعمن التأشيرة... والله اعلم

om-aisha كتب:

بارك الله فيك اخي محمد على الرد
باهي ممكن سؤال اخر
انا توا نمشي بفيزا سياحة 6 شهور
ولكن سؤالي
هل يتم تجديدها مباشرة من ليبيا او نقعد 6 شهور اخرات عشان يعطوني الثانية
للعلم انا مسافرة لبريطانيا اخر مرة في شهر 12-2010 قبل الاحداث بشهرين

ما نعرفش الحق بخصوص تجديد فيزة الزائر لكن الستة اشهر مده كافيه للحصول على 4 في الايلتس و هذا يسمح بالتقديم على التاير 4.

ماشاء الله عليكم
ربى يحفظكم
دائما الحل الجذرى فيه راحة الناس
عقبال يصير حل جذرى فى موضوع التاشيرة البريطانية لأنها تعبت الطلبة كثير
مشكورين والسلام عليكم

احسنتم اخي ابومحمد

الاخوة الافاضل

احببت ان اضع لكم الرابط التالي وبه انشاء الله كل الاجوبة عن تاشيرة بريطانيا للطلبة
وبالنسبة للكاس هو عبارة عن خطاب ضروري لاي طالب يحصل عليه عند التقديم على اي كورس لغة او جامعة من بريطانيا علما انه بعضهم ياخدوا رسوم لاصداره للطالب وبعضهم يكتفي بخطاب يثبت ان الطالب مبتعث
http://www.ukba.homeoffice.gov.uk/countries/libya/apply/?langname=UK English

الطالب الزائر ممكن يدرس من 6 الى 11 شهر ولا يتم التمديد للتاشيرة من بريطانيا
http://www.ukba.homeoffice.gov.uk/visas-immigration/visiting/student/requirements/

الطالب اللي ينوي دراسة جامعة احسن ياخد تاير4 تاشيرة طالب وممكن اي شهادة توضح مستوى اللغة عنده بالنسبة لنا في السعودية ممكن يكون ليس لديه شهادة لغة اي مبتدئ ولكن عنده ما يثبت انه مبتعث

اتمنى ان اكون افدتكم مع رجاء التاكد ان معهد اللغة معتمد من UKBA اللي وضعت لكم رابطه وبه قوانين تاشيرة بريطانيا

واستطيع المساعدة في القبولات مجانا انشاء الله وبالتوفيق للجميع

السلام عليكم
بارك الله فيكم على هذا الفعل الطيب.. السلام عليكم

جزاكم الله خيرا جميعا
وشكرا أختي رباب على مشاركتك القيمة ونورتي المنتدى

حسب موقع إدارة الهجرة والتأشيرات البريطانية اضغط هنا فإن معظم التأشيرات تأخذ 5 أيام لإتمامها ماعدا تأشيرة زيارة عمل التي ممكن تأخذ 10 أيام وهذا شئ جميل إذا تم تطبيقه على أرض الواقع







عدل سابقا من قبل ِAbu Mohamed في الأربعاء 06 يونيو 2012, 5:20 pm عدل 1 مرات

ِAbu Mohamed كتب:

جزاكم الله خيرا جميعا
وشكرا أختي رباب على مشاركتك القيمة ونورتي المنتدى

حسب موقع إدارة الهجرة والتأشيرات البريطانية اضغط هنا فإن معظم التأشيرات تأخذ 5 أيام لأتمامها ماعدا تأشيرة زيارة عمل التي ممكن تأخذ 10 أيام وهذا شئ جميل إذا تم تطبيقه على أرض الواقع

خبر جيد إن تحقق ....الحمد لله بارك الله فيك

السلام عليكم ..بالله كيف اندير ورقة متع انك حتغادر بريطانيا بعد ما تكمل الكورس ..ويا خونا محمد صادق انت قلت درتها ..بالله كيف وعلما اني ماشي علي حسابي الخاص ....وشكراااا

اخواني هي واضحه الطلبه الليبيين غير مرغوب فيهم في الدراسه في بريطانيا؟؟؟ وجهة نظر؟ لي اكتر من شهر امقدم علي التاير 4 فيزااااا

انا انتظرتها شهرين ونص من تونس
خلى املك فى الله كبير

السلام عليكم ورحمة الله وبركاته

عندي استفسار بسيط من الطلبة اللي راحوا للسفارة البريطانية في طرابلس .. انا مقدم على تأشيرة طالب زائر .. هل طلبوا منكم ايفادة تخرج متاع الجامعة وكشف الدرجات؟ واذا طلبوهم هل يبوهم اصليات او حتى صورة ملونة منهم عادي؟

بارك الله فيكم

ماذا تأخذ معك عند الذهاب الى السفارة البريطانية لتقديم على تأشيرة طالب لغة سواء فى ليبيا او مصر او غيرها ...... بارك الله فيكم

و الله حسب علمي

1. الابليكيشن
2. قبول لغة اصلي
3. رسالة الدعم المالي
4. يوم الموعد خوذها امعاك علي الاحتياط
5. صورة شخصية خلفية بيضاء
6. رسالة من جهة العمل تبين فيها انك راح ترجع الي عملك بعد الانتهاء من الدراسة
7.جواز سفرك صالحيته سنه علي الاقل

و بالتوفيق ان شاء الله

بارك الله فيك و بلغك جميع امانيك ...... جميعاً ان شاءالله

لا تطلب الإيفادة او كشف الدرجات .... بارك الله فيك

هل الافادة الجامعية وكشف الدرجات الاصليات مطلوبات في التاشيرة نوع طالب زائر أو لا؟؟

اريد الاستفسار من تحصل على تاشيرة طالب زائر مع المرافقين مع العلم ان القبول 11شهر ولدى قرار دراسة ماجستير ورقة الضمان المالى مدرج به الزوج و2 اطفال وموعد التقديم يوم 29-5 وفى حالة اعطاء التاشيرة سوف تكون 6 شهور هل درجة الايلس4 كافية لجعل المرافقين يتحصل علي التاير 4