كل مايتعلق بتأشيرة طالب زائر وتأشيرة سائح

صاحب الايفاد يمشي بفيزة طالب زائر و باقي المرافقين بفيزة زائر,,, بالنسبه لدراسه الاطفال ما نعرفش عليها اي شي

شكر ولو فى احد عندها اجابة بهذا الخصوص يجعله
الله فى ميزان حسناته

شكرا جزيلا اخى ابو محمد لماذا الرفض مادام 6 شهور والشخص بيرجع وغير التاشيرة الى التاير 4 بعد يتحصل على الايلس 4.5 او قبول اكاديمى غير مشروط والله اخى حيرونا فى الامر والشكر على تعاونكم ويجعله الله فى ميزان حسناتكم مع العلم اخى محمد الاصيبعى طمنى على هذا النوع من التاشيرة للى ما عنده درجة 4 فى الايلس

لاي دوله ؟؟؟؟؟؟؟؟؟؟؟؟؟؟ظ

اختى انا مثلك ومعى ولد وبنت المهم انا قدمت على تاشيرة طالب زائر وزوجى واطفالى على زائر 6 شهور هكذا قال لنا موظف الورد بريدج لو كانت ساحتكى بريطانيا وانا انتظار الان فى التاشىرة اتصلى بالرقم هذا يمكن يفيدك 0928601883 وادعيلى

شكراا ..ربي يرزقك ويوفقك

aman كتب:

مرحباااا ..

بتمني من عنده المعلومة الصحيحة ارد علي سؤالي

انا معي قبول لغة وبقدم علي تأشيرة لمدة 11 شهر ك طالب
سؤالي :
زوجي كمرافق شن توع التاشيرة وهل ضروري من قبول لغة لزوجي اولااا

نبي اجابة اكيدة

شكرااا ..بارك الله فيك

افضل شي اختي تتصل بالمعهد الي حصلتي منه القبول و تغيري قبولك ل 6 اشهر بدل 11 الشهر,, في الحاله هدي انت تقدمي على تاشيره طالب زائر لمدة 6 اشهر و المرافقين تأشيرة زائر لمدة 6 اشهر.. نسبة قبول التأشيره في هذه الحاله اقوى بهلبا من لو كنت انت بتقدمي على تأشيرة 11 شهر و المرافقين 6 اشهر ,, فتحت موضوع على القصه هدي الايام الي فاتوا يا ريت تراجعيه... http://www.almofad.com/t9451-topic

بس هكدا صعب شويه .. بعدها شن حتكون الخطوة المقبلة

هل اتحصل علي تاشيرة جديدة او لا

خلال فترة ال6 اشهر اكيد بعون الله تحصلي 4 في الايلتس.. تقدري بعدها تغيري على التاير 4.. بالنسبه لحالتك اخت ايمان فسوى قدمتي على 11 شهر او 6 اشهر ما تفرقش,, لانك في الحالتين حتطلعي خارج بريطانيا قبل 6 اشهر

معي الان ايلتس 4

يا اخي محمد :

انا صاحبة الايفاد معي ايلتس 4 ولدي قبول لغة ..

نبي نعرف شن الخطوة الصح يلي ناخدها للتاشيرة برفقة زوجي

هل 4تاير او طالب زائر 11 شهر وكدلك زوجي نوع التاشيرة

شكراا

ماداد عندك اربعه ( اقل شي اربعه في كل ماده من المواد الاربعه الي في الايلتس) معناها تقدري تقدمي انت على تاير 4 و زوجك و العائله مرافقين,, راجعي المنتدى اختي,, الاسئله هدي ردين عليها بالتفصيل

mayar salem كتب:

شكرا جزيلا اخى ابو محمد لماذا الرفض مادام 6 شهور والشخص بيرجع وغير التاشيرة الى التاير 4 بعد يتحصل على الايلس 4.5 او قبول اكاديمى غير مشروط والله اخى حيرونا فى الامر والشكر على تعاونكم ويجعله الله فى ميزان حسناتكم مع العلم اخى محمد الاصيبعى طمنى على هذا النوع من التاشيرة للى ما عنده درجة 4 فى الايلس

أنا مانبيش نكون متشائم بس هذا الواقع اللي حصل وانا قلت احتمال الرفض كبير لأن صارت مع وحدين من قبل لأن لو الطفل في سن الدراسة يعتبروا فيها أن 6 شهور وتروح فيها تخريب على دراسة الطفل خاصة أنهم مش عارفين أو مش متأكدين إنك حتاخذي التأشيرة بعد ماتكملي 6 شهور لأنهم يأخذوا بالدليل الظاهر فقط وبعدين هم مهتمين جدا بدراسة الأطفال لدرجة مرة نبوا نروحوا إلى ليبيا والعيل يبي يغيب 10 أيام بس عن المدرسة (روضة أخرى مش مدرسة لما كان عمره 3 سنوات) فدارولنا قصة ولازم إذن من المديرة ومايغيبش أكثر من اسبوعين في السنة كلها.

بس يمكن لو واحد يرفق ورقة ويكتب فيها التخطيط متاعه على أساس أنه ناوي يقرأ 6 شهور أو 11 شهر لغة وبعدها يكمل الماجستير ممكن تعزز موقفه.

شكر جزيلا المهم انا قدمت يوم 29-5 ولي فيها الخيرة تاتي باذن الله
بس ياخى ابو محمد انا قدمت بورقة الضمان المالى ومكتوب المرافقين وانى سوف ادرس ماجستر ولك كل الشكر علي اهتمامك بالرد على السائلين

بالتوفيق أختي mayar salem لك ولكل المتقدمين إن شاء الله
عليك بالدعاء وإن شاء الله اللي ربي مسخرله شئ مافيش حاجز يقدر يمنعه واللي مش مسخرله حتى كان جايب كل الأوراق مايخذش حاجته.

نذكر من سنة ونص جبت كل الأوراق اللي يبوهن وحتى كشف حساب وأوراق واجدة مايبهونش بس خذيتهن احتياط لأنه البعض كاتبينهن في الموقع والبعض زي عقد الزواج طلبوه من ناس قبلي وبعد هذا كله مابوش يخولني نقدم على سبلة أن المدام عندها حنة في يديها وقالولي لازم تحولها قبل وشوفي الحنة شنو يبي يحولها يحولن الصوابع وماتحول.
وقدر الله وماشاء فعل

فهذا تنبيه لكل أخواتنا الليبيات سواء الموفدات أو المرافقات مايحطنش حنة كان يبن يقدمن على التأشيرة لأنها تأثر في البصمة

عدل سابقا من قبل ِAbu Mohamed في الخميس 14 يونيو 2012, 6:20 pm عدل 1 مرات

انخلوها بيد القادر العالى الكبير بيده سبحانه كل شى فعليه توكلنا وهو خير الرازقين

والله لم افهم لحد الان .... دوخت

هل انقدم علي تاشيرة طالب زائر 11 شهر انا وزوجي فقط ليس لدينا اطفال

او تاشيرة 4 تاير لان معي ايلتس 4

وزوجي لو يتحصل علي قبول لغة هل نستطيع ان نقدم احنا الاتنين علي تاشيرة 11 شهر

او مادااا

السلام عليكم أخت أمان
أنا من رأي تقدمي على تأشيرة التاير4 لأن بعدين تقدري تجددي من داخل بريطانيا مش زي تأشيرة الطالب الزائر اللي ضروري تجدديها من ليبيا بعد ما اتم مدتها لأنك أكيد بعد دراسة اللغة بتدرسي ماستر _تجددي من بريطانيا خيرلك من الرجوع للبلاد والتشحوير مرة ثانية

ممكن حد يساعدني في كيفية حجز موعد عن طريق النت (( الخطوات بالتفصيل لو سمحتوا )) في السفارة البريطانية مع العلم بأنه معي أخي كمرافق ، وقبولي يبدأفي 2-7-2012 ،قبول اللغة في اكاديمية ادنبره للغات والقبول الاكاديمي في جامعة شفلد ؟؟؟؟؟

لحجز الموعد عليك وعلى الرابط التالي:
https://www.visainfoservices.com/Pages/AppointmentManagement.aspx?&dest=GB&origin=LY

ملاحظة: يبدو إن الرابط لا يعمل حالياً.

الرابط يعمل ، شكرا عالمعلومة بس انا لغتي الانجليزية على قدي ممكن مساعدة اكثر

للأسف معاي الرابط لا يعمل. مش حنقدر نساعدك توا.