كل مايتعلق بتأشيرة طالب زائر وتأشيرة سائح

ِAbu Mohamed كتب:

سؤال: لما نبي انقدم على التأشيرة هل ناخذ معاي الأوراق المترجمة فقط ولا حتى ألي باللغة العربية؟؟
أي ورقة مش مكتوبة بالإنجليزي لازم ترجمها

2سؤال: هل نقدر أنقدم على التأشيرة البريطانية من القبول ألي وصلني عن طريق الإيمايل أو لازم الأصلي؟؟؟
يفضل الأصلي بس وجدين قدموا بصورة ومشى الحال

وشكرا وبارك الله فيكم
وفيك بارك الله

zobair elhasi كتب:

أشكر الأخ أبو محمد على اجباته

ولكن بالنسبه للسؤال الأول أعتقد أنك لم تفهمه جيدا...

أنا قصدي لازم ناخذ معاي للسفارة الأوراق الأصلية التي باللغة العربية؟؟؟؟؟

شكر مقدم للجميع

zobair elhasi كتب:

يا جماعة خطر على بالي سؤال وياريتكم اتجاوبوني عليه

أنا نبي أنقدم على تأشيرة طالب زائر لمدة 11 شهرا لبريطانيا فهل نقدر مثلا نقدم على تأشيرة تاير فور قبل انتهاء تأشيرة الطالب الزائر؟؟؟؟؟؟؟؟؟؟؟؟؟؟؟؟؟

feras lashhab كتب:

السلام عليكم

العبد لله في بريطانيا توا نبي نمشي للسفاره نبي نمشيلهم وعلاش الموفدين الي يجو يمشو للسفاره ويرفعو ف ورق معليش جاوبوني وشكرااا

Heba2008 كتب:

محمد لاصيبعي كتب:

معيد كتب:

السلام عليكم
استفسار مهم اخوتي اعضاء المنتدى واخص بالذكر اخونا محمد الاصبعي ارجو المساعدة والمشورة
ممكن تأشيرة الزوج تسبق تأشيرة العائلة بعدة شهور في التاريخ هل هذا ممكن والا ترفض تأشرة العائلة في هذه الحالة
يعني بالتفصيل
انا ماعندي ايلتس يعني التأشرة حتكون طالب زائر 11 شهر والزوجة والابناء حتكون تأشرة سائح 6 شهور طبعاً حسب ما قراءت من اعضاء المنتدى . ولكن انا لو اخترت الدراسة مثلاً في شهر 9 مثلاً هل من الممكن اني نحدد بداية تأشيرتي في شهر 7 بعتبار التأخير في التفويض المالي ونحدد بداية تأشرة الزوجة والابناء في شهر 11 او 12 بحيث ان ممكن اي حد من العائلة يوصلهم للمطار وانا نستقبلهم في بريطانيا وبهذا الشكل ممكن ان نستفيد بالتأشيرة اكبر قدر ممكن يعني صح نخسر فيها شهرين لكن نستفيد بـ 9 اشهر دراسة 3 او اربع شهور في البداية بدون العائلة وبعدها تبقى معي العائلة 6 اشهر ونرجعوا مرة ثانية الى ليبيا لتغيير نوع التأشرة الى تاير 4 وهم معي مرافقين يعني بداية الكورس فقط تكون بدون العائلة وباقي الدراسة يكونو معك
ارجو الاهتمام بالاستفسار والرد
اخوكم محتار وطالب المشوره ولكم جزيل الشكر والتقدير
والسلام عليكم ورحمة الله وبركاته

تقدر بدون اي مشاكل,, الي يهم السفاره البريطانيه هو الدعم المالي للتاشيره الي يوضح ان مصاريف المرافقين حتكون علي حساب السفاره الليبيه في لندن وقت التقديم مش مهم...

لو بداية دراستك في شهر 9 تقدر تقدم علي التاشيره حتى من شهر 6 اي قبل 3 اشهر من تاريخ بداية الدراسه,,, علي اي حال تقدر حتى تقدم بالطريقه الي انت عرضتها لكن للاسف السفاره لبريطانيه بدت تعطي في بداية صلاحية التاشيره بناءا علي تاريخ التقديم بدل تاريخ بداية الدراسه

انا حالتي مشابهة للاخ.....اكثر تعقيد قليلا بسبب انني انا الموفدة وزوجي واطفالي المرافقين
اخ محمد من فضلك معلومة انك تقدر تقدم علي التاشيرة قبل 3شهور من بداية الكورس معلومة مؤكدة
يعني نقدر نقدم وموعد الكورس مازال عليه 3شهور لاستغلال اكبر مدة ممكنة من اقامة المرافقين شن رايك؟؟

ِAbu Mohamed كتب:

مافيش حد مكتوب في جواز سفره أنه طالب وهو مايقراش وقدم على تاشيرة زائر عام أو تأشيرة بدعوة من عائلة وخذاها؟ نبي نعرف بس شنو تكتب لما يسألوا عن شنو تقرى (لأن اللي مقدم مايقراش توة بالرغم أنه جوازه كاتبين فيه طالب).

feras lashhab كتب:

السلام عليكم
مش هازي ع الوضع ولا شي اسائلتكم بس قصدي منعرفش علاش تمشو للسفاره اني الي نسمعه يقولي بنمشي للسفاره بندير وراق ومش عارف قصدي هوا شي ضروري ولا كيف وشكرا وكن حسن الظن دائما
وبارك الله فيكم

sky_libya كتب:

ِAbu Mohamed كتب:

مافيش حد مكتوب في جواز سفره أنه طالب وهو مايقراش وقدم على تاشيرة زائر عام أو تأشيرة بدعوة من عائلة وخذاها؟ نبي نعرف بس شنو تكتب لما يسألوا عن شنو تقرى (لأن اللي مقدم مايقراش توة بالرغم أنه جوازه كاتبين فيه طالب).

السلام عليكم

انا يا اخ ابو محمد جوازى مكتوب فيه طالب وقدمت وخديت التأشيرة طالب زائر 11 شهر لكن لا اعمـــــل وجبت كل السنوات بعد التخرج

doctoramjed كتب:

ايه لانه مكتوب فيه فيزة طالب زائر نمشي نقدم بيه وخلاص لانه dhl عطل والحساب كويس المبلغ وله لا

ahmed2030 كتب:

بمعنى اذا مثلا خديت قبول لغه 9 شهور فيزا زائر هل يعطونى فى سفاره فيزا زائر ل11 شهر ولا يعطونى على حسب مده كورس الى هى 9 شهور ولا لازم يكون قبول كورس لغه 11 شهر لحتى اخد فيزا 11 شهر يعنى هل نقدر بقبول لغه 9 شهور ناخد فيزا 11 شهر ولا لا