كل مايتعلق بتأشيرة طالب زائر وتأشيرة سائح

<P align=center><STRONG>وفيك بارك الله أخي الكريم</STRONG></P>

سؤال لو سمحتوا لو عندي قبول لغة لمدة 4 أشهر لبريطانيا عند التقديم للتأشيرة يعطوني تأشيرةطالب زائر6 شهور فقط وكذلك بنسأل عن paper‎_based toefl نقدر نقدم بيها ع تاير فور أو لا وشكرا

بالنسبة للنقطة الأولى : هي عبارة عن رسالة نصية تصلك عبر موبايلك تخبرك بوصول الجواز..

النقطة الثانية: هي خدمة متوفرة في عدة مناطق منها بنغازي في المنطقة الشرقية يتم فيها ارسال جواز السفر من مكتب التأشيرات في طرابلس إلى هذه الشركة اليو بي إس الموجودة في شارع دبي مقابل جزيرة النهر..

عند التقديم على التأشيرة راح يطلبوا منك دينار و نصف للرسالة النصية و 20 دينار إذا كنت من المنطقة الشرقية..

________________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

انا الفيزا متاعي من النوع الاول ,, طالب زائر والمده اللتي تعطى على حسب كورس اللغه اللي اتحصليه انا حصلتها 11 شهر وهي اتردي لليبيا وترجعي تاني عادي خلال المده لكن غير مسموح بالتمديد على ما اعتقد عند نهاية المده عليك الرجوع الى ليبيا واصدار فيزا من هناك ,, لكن النوع الثاني ماعنديش فكره عليه الحق ..

حي عليك يا لوزا

لو كان أبو محمد يقرا مشاركتك هذه راح ايصرخ في وجك و يقولك: السؤال هذا جاوبنا عليه آلاف المرات

student visitor visaدراسة اللغة لستة أشهر فقط

extended student visitor visa دراسة اللغة لأحد عشر شهرا

_________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

هههه شكرا أخي الزبير
أنا كنت فعلا نبي نعلق لأن أختي لوزا الباين أنها تفتح في مواضيع مفتوحة من قبل مع أنها قديمة في المنتدى يعني المفروض عارف كل أو أغلب المواضيع اللي انفتحت من قبل عموما سيتم دمج الموضوع مع موضوع تاشيرة طالب زائر. وشكرا أخي الزبير مرة ثانية على إجابتك

عدل سابقا من قبل ِAbu Mohamed في الإثنين 26 نوفمبر 2012, 1:02 am عدل 1 مرات

Dr.Sati كتب:

انا الفيزا متاعي من النوع الاول ,, طالب زائر والمده اللتي تعطى على حسب كورس اللغه اللي اتحصليه انا حصلتها 11 شهر وهي اتردي لليبيا وترجعي تاني عادي خلال المده لكن غير مسموح بالتمديد على ما اعتقد عند نهاية المده عليك الرجوع الى ليبيا واصدار فيزا من هناك ,, لكن النوع الثاني ماعنديش فكره عليه الحق ..

أخي د. ساطي أنت تأشيرتك من النوع الثاني لأن أكيد الكورس متاعك مدته أكثر من 6 شهور ولو أقل من 6 شهور معناها المفروض تقدم على تاشيرة طالب زائر 6 شهور (النوع الأول).

لا شكر على واجب خوي أبو محمد

______________________



..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

السلام عليكم ورحمة الله وبركاته

عندي استفسار عاجل بخصوص احد الاخوة الموجودين ببريطانيا واللي تاشيرته طالب زائر 11 شهر وعائلتة تاشيرة سياحية وللاسف من يومين انتهت مدة تاشيرة عائلته ورجعو لليبيا وهو تنتهى مدة تاشيرته في شهر 4 هل تستطيع العائلة التقديم على التاشيرة السياحية مرة اخرى وهل الدعم للتاشيرة ياخده من البعثات او من السفارة البريطانية

ولكم جزيل الشكر مسبقا

وجعله الله في ميزان اعمالكم

هل يستطيع التقديم الان هلى سياحية اخري لعائلته والا في مدة يجب ان تراعى

عواطف شماطة كتب:

السلام عليكم ورحمة الله
اود معرفة الاجابة علي هذا السؤال من اخوتي في المنتدي
هل من ضمن الاوراق المطلوبة في تأشيرت طالب زائر رسائل تزكية
تحياتي

رسائل التزكية مش مطلوبة أبدا

____________________

ربنا آتنا في الدنيا حسنة و في الآخرة حسنة و قنا عذاب النار

السلام عليكم اعضاء منتدى الكرام :- ألى أهل الخبرة فى التاشيرة طالب زائر 11 شهر
أرجو منكم المساعدة من فضلكم

س1- فى الابليكشن خاص بالتاشيرة طالب زائر 11 شهر يوجد فى جزء 8 وكذلك جزء 9 وكذللك جزء10 . هل نتقوم بتعبيئهم ام نتركها فارغة لاننى لم افهم منها هل هى خاصة للطلاب ام فئات الاخرى ؟

س2- هل كاس نمبر يعطى فى حالة القبول اللغة بتاشيرة طالب زائر ام فى حالة القبول اكاديمى تاير 4 ؟

وشكرا لكم

ارجو مساعدتى

عواطف شماطة كتب:

مرحبا
السلام عليكم ورحمة الله
وجزاكم الله الف خير
ممكن نعرف الابلكيشن اللي عبيناه اون لاين وايضا اوراق المطلوبة للتأشيرة بعد ما يتم تسليمه للسفارة في طرابلس...وين حتتجه يعني حيقعدن في ليبيا مثلا او يتم ارسالهن لبريطانيا....او بشكل اخر شن يديوبيهن او وين يدزوهن؟؟؟
حاجة ثانية...كل الاوراق المترجمة قانونيا...تحتاج اعتماد من المحكمة والخارجية
ايضا حجم الصورة لتأشيرة كم مقاسة تحديدا؟؟
والمكان المخصص للصورة في اول ورقة في الابلكيشن تنحط فيها صورة او تترك فارغة؟؟
شكرا

نموذج التقديم يقال أنه يمشي لبريطانيا مع أنه قالوا الأيام اللي فاتوا حيتم إرساله للسفارة البريطانية في طرابلس بدلا من بريطانيا بس مش عارف شنو صار؟

وبالنسبة لحجم الصور الأجابة في هذا الموضوع
http://www.almofad.com/t12905-topic
ومكان الصورة خليه فاضي هم يحطوا فيه الصورة اللي تعطيها لهم أول ماتسلمي أوراقك.

عدل سابقا من قبل ِAbu Mohamed في الأحد 16 ديسمبر 2012, 1:38 am عدل 1 مرات

السلام عليكم اخوتي في المنتدي ارجو المساعدة في هذا الاستفسار حول التاشيرة
هل استطيع الدراسة اللغة الانجليزية فى بريطانيا لمدة 3 شهور بتاشيرة سياحية مدتها 6 شهور