كل مايتعلق بتأشيرة طالب زائر وتأشيرة سائح

نعم حيعاود ايقدم نفس الاجراءات مع زيادة كاس نمبر و ايلتس 4 ..

____________________

ربنا آتنا في الدنيا حسنة و في الآخرة حسنة و قنا عذاب النار

اخي ابو محمد بارك الله فيك , دائما في الموعد
انا تحصلت علي قبول لغة لمدة 20 اسبوعا (pre sessional) وقدمت علي تأشيرة تاير4 وتحصلت عليها ولكن لان مدة الكورس اقل من 6 اشهر فلا يسمح لي ان اقدم للمرافقين علي تأشير تاير 4 مرافق , وسبق ان سألت عن هذا الموضوع في المنتدي وزدت اتاكدت من الجامعة نفسها
والمشكلة الثانية في القبول الاكاديمي المشروط بي 7 في الايلتس انهم ما يعطوش الكاس نمبر الا بعد متحصل 7 في الايلتس

عموما بارك الله فيكم وكان فيه حد عنده نصيحة ما يبخلش بها علينا

كنت تقدر تأخذ مدة كورس أطول من 6 شهور كيف مادار شنبيرة وهو يدرس في نفس المعهد بس مش عارف توة تقدر تديرها أو لا ما أعتقدش لكن ممكن تسأل مكتب الطلبة الأجانب بالجامعة.

عدل سابقا من قبل Abu Mohamed في الأربعاء 13 فبراير 2013, 2:05 am عدل 1 مرات

السلام عليكم
نبي نسأل علي تأشيرة سائح بعد ما تنتهي صلاحيتها ويرجع الشخص لليبيا هل يقدر يقدم ثاني علي تأشيرة سائح او لا
او لازم تمر فترة معينة وبعدين يقدم ثاني

سؤالي الثاني: لو تحصلت علي تأشيرة تاير 4من معهد لغة لكن قررت تغير الي معهد ثاني قبل ماتسافر هل تقدم علي تأشيرة من جديد او فيه اجراء اخر

السؤال الاخير : نبي حد يعطيني اسم معهد او مركز لغة يتبع جامعة ويكون مستواه ممتاز ويكون في الوسط يعني قريب من نوتنجهام او بيرمنجهام او مانشستير ويكونوا فيه كورسات تبدا في شهر 2

وبارك الله في الجميع

علي عبدالمجيد كتب:

السلام عليكم
نبي نسأل علي تأشيرة سائح بعد ما تنتهي صلاحيتها ويرجع الشخص لليبيا هل يقدر يقدم ثاني علي تأشيرة سائح او لا
او لازم تمر فترة معينة وبعدين يقدم ثاني

سؤالي الثاني: لو تحصلت علي تأشيرة تاير 4من معهد لغة لكن قررت تغير الي معهد ثاني قبل ماتسافر هل تقدم علي تأشيرة من جديد او فيه اجراء اخر

السؤال الاخير : نبي حد يعطيني اسم معهد او مركز لغة يتبع جامعة ويكون مستواه ممتاز ويكون في الوسط يعني قريب من نوتنجهام او بيرمنجهام او مانشستير ويكونوا فيه كورسات تبدا في شهر 2

وبارك الله في الجميع

-- حسب ما نعرف و مع هذا مش متأكد ما فيش مشكله امتى تقدر تقدم على تاشيره ثانيه .. لكن لازم تشرح علاش تبي تقدم على فيزا اخرى
-- لو تحصلت على تاشيرة تاير 4 و تبي تغير المعهد ضروري تغير التاشيره من ليبيا و الا لما توصل لبريطانيا تقدم على تاشيره اخرى
-- ما ننصحكش تقرا لغه في معهد جامعه لا سباب عده,, اول شي اغلبية معاهد التابعه للجامعات لا يوجد بها مستويات متدينه- الشي الاخر معاهد الجامعات في اغلبها معاهد ذات مستوى متدني - مفروض الطالب يقرا لغه في الجامعه بعدما ما يحصل فيها قبول و الباين انك ما عندكش قبول فماذا لو قريت لغه في جامعه و من ثم قدمت للدراسه الاكاديميه فيها و تم رفضك؟؟؟؟

الحمد لله ,بعد ان اجلت كورس اللغة الي شهر 4 قدمت علي تأشيرة جديدة لزوجتي واطفالي (visitor visa) للحصول علي تاريخ خروج و دخول جديد والغاء التأشيرة الاولي و اوضحت لهم ان السبب هو تأجيل كورس اللغة نتيجة تأخير في بعض الاجراءات وبفضل الله امس استلمتها و وتم منحهم تأشيرة جديدة والغاء الاولي

حبيت نوضح نقطة ربما البعض لا يعرفها وهي انه بامكان الشخص يقدم علي تأشيرة جديدة و يلغي الاولي لو ما سافرش بها (visitor visa)لكن لازم يوضحلهم السبب

بارك الله فيك ومعلومة قيمة صراحه وناتجه عن تجربة شخصية

السلام عليكم

لو سمحتوا هل في حد قدم على تاشيرة طالب زائر وقدم لعائلته زوج او زوجة مع طفل على تاشيرة سياحية بعد 12-2-2013

وقدم ورقة دعم مالي مع كشف حساب ، وتم قبولهم ،واذا كان نعم كم كان المبلغ اللي في كشف الحساب ، واذا تم الرفض هل كان بسبب عدم وجود مبلغ كاف "بارك الله فيكم "

أنا متزوجة ولدي طفلين أفيدوني أستطيع أن أرفع الأطفال مع زوجي وعند تجديد التأشيرة بعد 6 شهور كم يبقو ليرجعوا لي أفيدوني

omsali كتب:

أنا متزوجة ولدي طفلين أفيدوني أستطيع أن أرفع الأطفال مع زوجي وعند تجديد التأشيرة بعد 6 شهور كم يبقو ليرجعوا لي أفيدوني

http://www.almofad.com/t11080-topic

الرجاء أفيدوني أنا متزوجة ولدي طفلتين وأرغب فالدراسة في بريطانيا هل المرافقين يدهبوا معي ، وإدا كان لا هل التمديد من بريطانيا أم ليبيا وجزاكم الله عني كل خير وكم تستغرق فترة الفيزا في حالة طلب التمديد

وعليكم السلام
يااخي الفاضل شوف هالموضوعين وان شاءالله تجد جواب لتساؤلاتك

http://www.almofad.com/t12375-topic

http://www.almofad.com/t8989-topic

بالتوفيق

أقرأ المواضيع هذين بالترتيب

http://www.almofad.com/t12375-topic

http://www.almofad.com/t13177-topic

http://www.almofad.com/t8989-topic

السلام عليكم زز

نبو نعرفو كم المبلغ المطلوب يكون في الحساب لفيزة الزائر ؟؟

Abu Mohamed كتب:

المبلغ المطلوب موجود في ردي في هذا الموضوع
http://www.almofad.com/t9071-topic

بارك الله فيك

انا الان في بريطانيا بتأشيرة طالب زائر وانوي العودة لليبيا لتغيير التأشيرة الي تاير 4 فما المطلوب وماهو الافضل تغيير التأشيرة من داخل بريطانيا او من ليبيا

السلام عليكم ورحمة الله ..

في البداية : أخي الكريم يوجد موضوع كامل متكامل عن موضوع التأشيرة البريطانية .. سواء تأشيرة الطالب الزائر أو تأشيرة التاير 4 ..
أعتقد ستجد فيه إجابة عن تساؤلك .. بإذن الله ..

تأشيرة التاير فور .. وأهم متطلباتها .. مثبتت في هذا القسم من المنتدى .. ولعلي أذكر أهم نقطة هي أن يكون لديك درجة في الأيلتس
تقريبا .. 4 وأن لا يكون لديك أي بارت أقل من 4 لتستطيع الحصول عليها ..

عــذرًا لم أفهم المقصود بمبلغ مالي في حسابك .. إذا كنت موفد على حساب الدولة الليبية .. من حقك ورقة الضمان المالي .. وهي كافية .. لتجديد تأشيرتك
تأشيرة الطالب الزائر .. لا يتم تجديدها إلا من ليبيا ..
تأشيرة التاير 4 تستطيع تجديد تأشيرتك من داخل بريطانيا

بارك الله فيك خوي لكن هل يمكن الحصول على تأشيرة تاير 4 من داخل بريطانيا دون الرجوع لليبيا او لا وايهما افضل ولمادا ادا كان ممكن الحصول على باير 4من داخل بريطانيا لمادا يعود الطلبة لليبيا للحصول على التاير 4 وجزاك الله كل خير