أسئلة بخصوص اللغة والأيلتس

dreamy bird كتب:

ان شاء الله حنسعى فيها هاليومين باذن الله ,, حابب نسالك ع كم حاجة اذا سمحت بما انك توفر في قبول معناها اسمحلي نطمع فيك و حنتفاهموا فيما بعد في التفاصيل بس عندي كم سؤال نتمناك تجاوبني عليهن ,,

اولا شن وضع المنحة مع 3 افراد راجل و زوجته و بيبي لان باذن الله في بيبي في الطريق


ثانيا هل يحقلي العمل في بريطانيا

ثالثا انا تخصصي هندسة وراثية تابع للتقنية الطبية يعني علم جينات شن تنصحني باما جامعة و اما مدينة انا زي مانعرف ان في مدن افضل من مدن و الحق انا نعرف حد في بريطانيا بس انت عارف الي يسافر يقرا يقعد ماعندش وقت واجد ,, انا مافكرتش نبحث في بريطانيا بكل لان اول ماجتني رسالة الدعم المالي صارن عندي ظروف بعدها نصحوني بالسويد درت رسالة ع السويد .. في زميلة لي مرة قالت ان تخصصي افضل مكان له مدينة قالقسو و الله اعلم .. هل تنصحني بيها اول لا شن وضع السكن و الامور الي زي هكي و شن الجامعات الي تنصحني بيهن وانا حنشوف تخصصي فيهن ,, و مرة ثانية بارك الله فيك و جزاك الله عنا خير ,, يارب في ميزان حسناتك

dreamy bird كتب:

عندي فكرة ع قصة العواصم و في اي بلاد معيشة العواصم و ضواحيها غالية ... بارك الله فيك كفيت و وفيت هذا في حد ذاته كويس ,, نبي نسالك ع قبول اللغة انا ذكرت اني متحصل ع 5 في امتحان الايلتيس
listening 4.5 reading 4.5 writing 5.5 speaking 6 overall band score 5

وانت ذكرت انها تفيدني في التاير فور ,, باه مش ممكن الواحد يحصل الاقامة بقبول اللغة بس لاني شفت اكثر من حد ذاكر الشي هذا و لا ماتنصحنيش بيها و شن المعاهد الي ممكن ناخذ فيهن قبول لغة ووين لاني اعتقد اني بعد فترة نقدر نغير المدينة لو ماكنتش غلطان و مرة ثانية بارك الله فيك وجزاك عنا كل خير ,, والله حتى في الحلم ماكنت نحلم اني نلقى حد يساعدني بالشكل هذا يبدو ان الوالدة داعيتي دعوة مركزة ,, يارب في ميزان حسناتك