افضل الجامعات في تدريس الكيمياء في بريطانيا

لو سمحتو اخواني في المنتدى اريد ان اسستفسر منكم عن افضل الجامعات البريطانية في تخصص الكيمياء اشيرو علي من فضلكم ......وشكرا

لو سمحتو ساعدوني معقولة مافيش حد يقدر يعطيني جامعة في مدينة معقولة في المعيشة؟؟؟؟؟

حددي تخصصك بالضبط؟؟ عضويه؟ غير عضويه؟ حيويه؟

جامعة مانشستر جامعه كويسه و فيها
اكثر من كورس في الكيماء منها الكيمياء الحيويه و الكيميا التحليله

http://www.chemistry.manchester.ac.uk/postgraduate/taught/msc/

http://www.manchester.ac.uk/postgraduate/taughtdegrees/courses/atoz/course/?code=08171

شكرا اخ محمد ....بارك الله فيك وجزاك الله خيرا .... لكن الي نبي نساله الكورسات الموجودة سنة 2012 متوفرة ديما اي كل سنة اكاديمية والا لا لاني اني من ضمن القرارات الجديدة الي مازالت رحلة الكفاح في بدايتها

نعم اكيد اختي,, الكورسات حيستمروا

شكرا اخ محمد لو عندك وقت وتقدر تساعدني التخصصات هي :
كيمياء تحليلية
كيمياء حيوية
بايوتكنولوجي لكن يكون من المستهدفين للبحث كيميائيين ( يعني مش ماعنداش علاقة بتخصصي الاساسي)
وربي يفتح عليك ويوفقنا جميعا ....

اختي لما يجهزوا اوراقيك,, قوليلي و بعون الله نوفرلك القبول

راجعي الصفحه هدي الي فيها شرح مفصل على المستندات المطلوبه لربما تستفدي منه

http://www.almofad.com/t8877-topic

شكرا جزيلا يا أخي..... وربي يكثر من امثالك من ابناء ليبيا الصالحين....

اخ محمد الاصيبعي راسلتك عالخاص من فضلك رد عليا في اقرب وقت

تم الرد

باهي توا الي فهمته انه نستنى رسالة الدعم المالي لانه هي الي بنحصل بيها قبول لغة عالاقل وبالتالي بنقدم عالتاشيرة ......... صح او لا؟
في حالة حصلتها وطبعا ماعنديش 4.5 في الايلس شنو نوعية التاشيرة الي بنقدم عليها ؟؟ يعني كيف بيكون البرنامج متاعي؟؟

ايه كلام صح,, فيه بعض المعاهد تصدرلك قبول بدون رسالة الدعم المالي لكن مش كل المعاهد,,,,

في حالة ما عندكش 4 في الايلتس قدمى على تأشيرة طالب زائر ليك و زائر للاسره..

وهذي التاشيرات (طالب زائر) ليا وزائر للمرافقين قداش مدتها

تأشيرات الطالب الزائر فيه الي مدتها 6 اشهر و فيه 11 شهر,, في حالتك ينصح ب 6 اشهر لان عندك مرافقين

قصدك نقرا 6 شهور ونروح للبلاد؟؟ باهي والتكملة كيف تكون؟؟يعني التاشيرة الثانية ماتعطلش بحيث ما يضيعش عليا هلبا وقت؟

ايه تطلعي و تقدمي على تأشيره اخرى من نوع تاير 4

محمد لاصيبعي كتب:

ايه تطلعي و تقدمي على تأشيره اخرى من نوع تاير 4

استفسار يا خوي محمد لآصيبعي : أنا طالب أعزب ، يعني رح نمشي بروحي ، فهل نستطيع اني ناخذ تاشيرة طالب مع العلم عندي شهادة ايلتس 5.5 ، او ناخذ تاشيرة سياحيه ، وهل التاير 4 هذه هي نفسها تاشيرة الطالب . ياريت اتفيدني في الموضوع ومشكور سلفا

مادام عندك 5 و نص و المواد الاربعه الي تتكون منهم الايلتس اكثر من 4 معناها تقدر تقدم على التاير 4 بدون مشاكل ,,,

محمد لاصيبعي كتب:

مادام عندك 5 و نص و المواد الاربعه الي تتكون منهم الايلتس اكثر من 4 معناها تقدر تقدم على التاير 4 بدون مشاكل ,,,

بارك الله فيك يا خوي : باهي لو سمحت ممكن توضحلي ايش هي التاير 4 وكم مدتها وكيف انقدملها و الاوراق المطلوبه ليها ، أسف أني ثقلت عليك بس بصراحه أنا ماعندي خلفيه على الموضوع وما عندي من نسأل .

راجع ارشيف المتندى فيه عشرات المواضيع انفتحت على المواضيع هدي ,, بعون الله تلقى فيها كل المعلومات الي تحتاجها