بخصوص الأوراق المطلوبة للتاشيرة البريطانية

خوى ما تغشش روحك امشى للدراسات العليا وشوف رئيس الدراسات العليا هما يديرو فيها عندهم واتية انى الاسبوع اللى فات مشيت لرئيس الدراسات العليا بحكم انى معيدة فى الكلية التقنية الطبية جامعة طرابلس وقالولى احنى عندنا وحدة واتية نعطو فيها للطلبة خديتها منهم وقعوها وختموها ورفعتها انى ترجمتها لانهم عطوها ليا بالعربى

بارك الله فيكم ياخوتي على المعلومات
اثثابكم الله وجزاكم الله خيرا

imagination كتب:

السلام عليكم

لدي موعد يوم الثلاثاء للتقديم على تاشيرة تاير 4 وقمت بتعبئة الابليكيشن لي ولزوجتي .هل الحالة الجنائية مطلوبة من ضمن الاوراق؟

بخصوص مهنة الزوجة انا كتبت انها لاتعمل ولبس لديها دخل مع انها تعمل حتى اتجنب احضار رسالة من العمل واجازة .شن رايكم ماياترش على الابليكيشن متاعي؟


شكرا لردودكم مقدما

الحالة الجنائية مش ضرورية ولو عندك ترجمها وحطها
بخصوص المهنة حاول دائما أن تتحرى الصدق لأن الكذب حبله قصير ويوقعك في مشاكل يمكن يصعب حلها عدا أنه حرام شرعا.

انا قدمت يوم 2ـ10ـ2012 على تاشيرة طالب زائر لمدة 11 شهر والمستندات التي قدمتها كالتالي:

الدعم المالي لغرض التاشيرة وشهادة مرتب مترجمة افادة من الكلية تفيد ان لدي قرار ايفاد وسامنح اجازة طيلة مدة الايفاد وافادة وكشف درجات مترجمات ومختومات وقبول اللغة مسحوب على النت بالاضافة لنموذج الابليكيشن وصورتين شخصيات خلفية بيضاء

اليوم بتاريخ 15ـ10ـ2012 الحمد لله استلمت المستندات بالاضافة للتاشيرة تبدا بتاريخ 19ـ11ـ2012

وانشاء الله بالتوفيق للجميع

alex1


وضح اكثر وجع راس من اي ناحية؟؟

يكون في علمك الماستر في بريطانيا من اكثر الاماكن سهولة اذا الواحد ما قدرهاش في بريطانيا فمع احترامي وين بيقدرها ؟؟

والله اخي الكريم حسب ما قريت في المنتدي يفضل الاصل في التاشيرة
وبالنسبة لي بنستي لين يبعتلو الاصل لان السفارة متسبله لابسط شي باش ترفض
الافضل انك تكلم المدرسة تبعتهولك ب DHL

استفسار لو سمحتوا هل من ضمن الاوراق المطلوبة للسفارة صورة من قرار الايفاد

ام رفيدة كتب:

استفسار لو سمحتوا هل من ضمن الاوراق المطلوبة للسفارة صورة من قرار الايفاد

لا ورقة الدعم المالي تغني عنها

من حيث القبول عادى راهو صورة انى مقدمة من قبل بالصورة وحصلت عليها وزوجى مقدم قبل بصورة وحصل عليها

السلام عليكم

قمت بمراسلة السفارة البريطانية في طرابلس فيما يخص المستندات المطلوبة لتوضيح الوضع المادي للطالب والقيمة الواجب توافرها في الحساب وكان الرد على النحو التالي:

1.The money you need depends on the length of your course and where you will study.

Length of course	Where you will study	Maintenance (funds) needed
9 months or less	Inner London	Course fees and £1,000 to cover living costs for each calendar month of the course
9 months or less	Outer London or anywhere else in the United Kingdom	Course fees and £800 to cover living costs for each calendar month of the course
More than 9 months	Inner London	First year of fees and £9,000 to cover living costs for 9 months in the United Kingdom
More than 9 months	Outer London or anywhere else in the United Kingdom	First year of fees and £7,200 to cover living costs for 9 months in the United Kingdom

2.You can use the following documents to show money that is available to you:

• personal bank or building society statements, covering a consecutive 28-day period ending no more than one month before the date of your application;
  
• a building society pass book, covering a consecutive 28-day period ending no more than one month before the date of your application;
  
• a letter from a bank confirming that funds have been held for a consecutive 28-day period ending no more than one month before the date of your application;
  
• a letter from a financial institution confirming that funds have been held for a consecutive 28-day period ending no more than one month before the date of your application;
  
• a letter from a financial institution confirming a loan, dated no more than six months before the date of your application.
  

يا أخواني هل نمودج دعم التأشيرة مطلوب ومهم في التقديم للتأشيرة

او يمكن اني ندفع مني نقدا للتأشيرة والنمودج يمكن اني نطلعه بعدين حتى بعد ما نطلع التأشيرة؟؟

انا اخطلتت عليه الأمور

هل نمودج الدعم المالي اللي تحصلت بيه على القبول اللغة

هوا نفسه نمودج دعم التأشيرة ام هناك نمودج آخر خاص بدعم التأشيرة غير الدعم المالي

ههههههههه يستر الله هذي خشت عليه جديدة اليوم وانا نجهز في اوراق التقديم

وانا كنت نتوقع اني حندفع انا نقدا وبعدين البعتات يعطوني الرسالة بيش ينزلي المبلغ ضمن المنحة

يستر الله شكلي بنأجل الموعد متع يوم الأحد لين ندقق في هالقصة ونشوف ويمكن نقدم في هالرسالة وخلاص

المشكلة انه المندوب تشد خميس ولا تشده هوا

يستر الله

dadaa1982 كتب:

ههههههههه يستر الله هذي خشت عليه جديدة اليوم وانا نجهز في اوراق التقديم

وانا كنت نتوقع اني حندفع انا نقدا وبعدين البعتات يعطوني الرسالة بيش ينزلي المبلغ ضمن المنحة

يستر الله شكلي بنأجل الموعد متع يوم الأحد لين ندقق في هالقصة ونشوف ويمكن نقدم في هالرسالة وخلاص

المشكلة انه المندوب تشد خميس ولا تشده هوا

يستر الله

الورقة هذه مالهاش علاقة بالدفع يعني حتدفع مبلغ التقديم على التاشيرة نقدا في كل الأحوال ولن يتم استرجاعه سواء من البعثات أو السفارة ولكن إذا قدمت بعدين إن شاء الله على التاشيرة مرة أخري (بعد ماتمشي لبريطانيا وتفتح ملف في السفارة بلندن) يمكن يرجعولك المبلع اللي دفعته.

ورقة الدعم المالي للتاشيرة (من اسمها) تدعم موقفك في التأشيرة عشان تحصل التاشيرة من غير كشف حساب ويمكن تدعمها حتى بكشف حساب لو عندك فيه مبلغ كويس.

السلام عليكم
هل شهادة المرتب الصادرة اصلا بالغة الانجليزية ( والختم بالعربي ) كافية ولا ضرورى من بالعربي وبعدين تترجم عند مترجم قانوني
وبالنسبة لتأشيرة زائر ( 6 أشهر) هل ضروري من كشف حساب وشهادة مرتب واجازة من العمل ( قطاع خاص ) علما بانني مرافق لزوجتي الموفدة ( حاليا لغة فقط ) والاطفال 2
افيدونا بارك الله فيكم

خوي جمال النسخة الانجليزيه تكفى اذا كانت مختومه بدل العربي يعنى بختم حي من جهة العمل وبالنسبة للمرافق ل6 شهور على حسب علمي مهم كشف الحساب والاجازه مهما جدا جدا ولو كانت من جه خاصه

شكرا اخي الزلاوي علي الرد
هل الاطفال واعمارهم ( الاول 2.3 سنة و التانية 8أشهر) ضروري اصطحابهم في موعد التأشيرة ام لا
بارك الله فيك

اختي: اني عطيتهم ورقة اني موفد على حساب الدولة والكلية ستمنحني اجازة طيلة فترة الدراسة فقط........ ولم ارفق ورقة او تعهد تثبث اني ساعود بعد انهاء الدراسة او رجوع للعمل........ والحمد لله حصلت التاشيرة..... لذلك تفاءلي خير وباذن الله حتحصليها وجهزي اوراق التفويض من توا