الحد الأقصي الذي تدفعه الملحقية لدارسة اللغة

السلام عليكم

بعد التواصل مع بعض من مشرفي القسم الثقافي لندن, تبين ان السقف الاسبوعي المسموح به من قبل القسم الثقافي لدراسة اللغه ( جنرال ) هو 195 باوند و 220 باوند ل( الاكاديمك)

لو بتقرا جنرل لازم تشوفلك معهد تكلفته الاسبوعيه اقل من 195 باوند و الا تخلص الفارق من عندك

في حالتي انا كيف اندير انا مسجل في معهد اللغة متاع الجامعة اللي بنقرا فيها والتكلفة 240 باوند مع العلم التاشيره تاير 4 محصلها منهم هل ندفع الباقي من جيبي ولا ما يسمحش المكتب الثقافي بهذا والا شن الحل ؟

ايه ادفع الباقي من جيبك عادي

لوزا انتي كندا والا بريطانيا ..... اثبتي على راي خيرلك راهو هههههه

لوزا كتب:

انا لقيت كورس لمدة 6 شهور لغه في معهد تابع لجامعة لندن ucl
والتكلفه الكليه للكورس هو 8000 باوند,,,,,كيف ايسير يا جماعه؟؟؟؟؟؟

8000 في 6 شهور يعني 333 في الأسبوغ!!!

محمد لاصيبعي كتب:

لو بتقرا جنرل لازم تشوفلك معهد تكلفته الاسبوعيه اقل من 195 باوند و الا تخلص الفارق من عندك

شكرا اخي محمد .. جزاك الله كل خير

تحياتي واحترامي

Hellooooo everyone

هــــــل يمكن اضافة تكلفة كورس اللغة الى فاتورة كورس الماجيستير في الجامعة الموفد اليها و طبعا يدرس الطالب الموفد كورس اللغة في نفس الجامعة التي سيدرس فيها الماستر ؟

مشكلة ليبيا بالكامل سوء الادارة
للاسف سوء الادارة يسببلنا مشاكل كبيرة
تقول مافيش واحد متعلم في ليبيا
توا معقولة هذه النقطة مش موضحينها لا في الجامعات و لا في ادارة البعتات
المفروض لما الطالب يتحصل على ورقة الدعم المالي لغرض القبول يبلغ الطالب ان المعهد اللي يجيب منه القبول ضروري لا يزيد سعره عن المبلغ المذكور ..
بصراحة فشل واضح في سوء التنسيق و الادارة ..

السلام عليكم اريد دراسة اللغه الانجليزيه بقويلفورد، صورريي، يونيتيد خينعدوم هل من مكاتب تسجيل ارجوا في اقرب وقت لو سمحتم .........Guilford, Surrey, United Kingdom ..... Université de Surrey please it is urgent help me and thanks for every one

الأخوة الأعضاء الكرام
السلام عليكم ،،،
سؤالي شنو معاهد اللغة التابعة للجامعات البريطانية اللي التكلفة الاسبوعية فيها ماتزيدش عن 195 باوند
وشكراً
وبالتوفيق للجميع

عدل سابقا من قبل ِAbu Mohamed في السبت 22 ديسمبر 2012, 7:48 pm عدل 1 مرات (السبب : خطأ مطبعي)

السلام عليكم خوى شوف انى ومجموعه من صحابى لما وصلنا لى بريطانيا اول حاجه مشينا للمعهد الى اخترناه وتكلمت بصراحه معاهم انى طالب موفد ولسفارة متعنا مش حتدفع اكتر من 195 باوند اسبوعيا ومع العلم انى كورسى كان حقه 210 ونزلوه لانك على اساس طالب موفد ويبو يكسبوك والخ فا انت دور المعاهد الرخصيه ولو حرت اول ماتوصل كلم المعهد انى هكى درت وكم طالب نعرفهم ليبين وغير ليبين

السلام عليكم اخ شنبيرة
هل فعلا زادو القيمة من 220 الي 240 و لمستم ذلك علي ارض الواقع ام هي مجرد وعود ارجو الرد لاني ناوية نقدم عليه إن شـاء الله

سؤال اخر اخي شنبيرة لو سمحت ماهي الالية التي يدفع بها الطالب هدا لبفرق في قيمة الكورس هل يخصم المبلغ من منحته الشهرية ام يقوم هو بالدفع مباشرة للمعهد
ارجو الافادة

شنبيرة77 كتب:

عيبه الوحيد سعره غالي واحني مدفعوا في القيمه الباقية من جيوبنا حوالي 700 باوند في 10 الاسابيع وهما كما قال الاخ ابومحمد الله يجزاه خير انهم حايزيدوا القيمة مع العلم نحن ناقشنا الملحقية هن السقف وليش اصلا فيه صقف في اللغة وهل هي لائحة من البعثات ... طلع الامر منهم هما وهي لائحة داخلية وليست من البعثات ولما ضغطنا عليهم شوي زادوا السقف من 220 الى 240 باوند للاكاديمي ... والله حاله ... ارجوا من اعضاء المنتدى طرح هذا الموضوع لانه الامر في تلخبيط والا يوضحولنا احني تحت القانون

الحل الوحيد في رايي (مبدئيا) هو ارسال شكوى من اكبر عدد ممكن من الموفدين الى الملحق نفسه،، و لا باس من نشر الموضوع عبر صفحة الموفد على الفيسبوك و الصفحات الاخرى على الفيسبوك مثل اتحاد الطلبة و غيرها

اما نقعدوا نقولوا سقف واطي و خلاص مش حيفيد بشئ

لو في حد موافق على الفكرة يا ريت نبدوا فيها و يا ريت يشاركوا خصوصا الموفدين الحاليين في بريطانيا عبر النشرة الخدمية و عبر سلسلة "انت تسال و نحن نجيب"

والله الموضوع ما ينسكت عليه لانه في ظلم وهذا حاصل في الساحة البريطانية فقط باقي الساحات مافيش حاجه اسمها سقف في اللغة لاتك انت من الناحية القانونية الدوله منحتك دعم مالي بقيمة تكاليف الدراسة بدون اي تحديد للقيمة واللي في الملحقية هما اااي حدودا قيمة معينة طبق لللائحة داخلية وهدا من الناحية القانونية ما يحقلهمش واسالوا اهل الادارة والقانون في هدا الشان وهما يجاوبكم وحني مع القانون اللي يقوله القانون حني معاه ... والله لو الطلبة كلهم وقفوا وقفه وحدة وطالبوا من يتم التحقيق في هذا الموضوع حا نقضوا على الفساد ....

طبعا اختي ماريا الية الدفع كالاتي : مثلا انا تنزلي منحتي بقيمة 1700 باوند لما نبدا في الكورس 10 اسابيع طبعا كل 10 اسابيع بروحهم الملحقية هكي تتعامل مغ السي لي في الدفع المهم لما نبدوا في ال10 الاسابيع نديروا في طلب لاصدار رسالة ضمان لدفع مصاريف الكورس (10 اسابيع فالملحقية تشرط علينا ان نوقعوا تعهد بان ندفعوا باقي القيمة بروحنا اللي هما 700 باوند طبعا هديما ندفعوا فيهم كاش للمعهد مباشرة من قيمة المنحة والله المستعان..... المهم في حاجه نسيت ما قلتلكمش عاليها .. واحني مستمرين بهده الحالة انا وباقي الطلبه في المعهد على اساس هذا اجراء قانوني وحني تحت القانون ندفعوا في القيمة هذه وحنى راضييين يعني .... الى ان حصل امر ما ... هذا الامر انا واتنين اصدقاء من ليبيا كنا في البريك جالسين في قهوة المعهد ونتكلموا ... احدهم كان طالب جديد اول مرة يدخل معانا وكان يدرس في معهد لغة تاني برة من مدينة نتونكهام ...قعدنا نتكلموا وبعدين تكلمنا على على الفيس متاع المعهد الاخ الاخير قال انا عندي رسالة ضمان من الملحقية بالقيمة كاملة وحتى الكورس اللي اللي بعده اي جميع الكورسات عند فيهم رسالة ضمان وبالقيمة كاملة ومايدفعش ولا مليم زيادة من جيبة هنا كانت بالنسبة لينا الصدمة .... المهم قلنا للشخص هدا كيف تمكنت من ذلك بكل بساطة انا شخص اداري وحادم في الادارة وعارف ... لما قالولي راك بتدفع القيمة الباقية من جيبك اللي هم 700 باوند قال انا رفضت وقولتلهم من اين ليم الحق انك تجبرني ان ادفع باقي القيمة وانا جيبلك تفويض من الوزارة اللي هي اعلى منك وبعدين سالهم فاللهم هل هذا القانون متاع السقف من البعثات اومن وزارة التعليم العالي قالوله لا هذه لائحة داخلية مستمرين عليها من قبل قاللهم مش من حققكم ابدا انكم تجبروني على دفع باقي القيمة وضروري ما تصدرولي رسالة ضمان بالقيمة كاملة .... المهم بعد ما كترلهم دوشه وافقوا قالوله بشرط انك تتنازل على باقي المدة الخاصة باللغة متاعك قاللهم اوكي مع العلم ان هذا الشخص مع نهاية كورسات اللي محصل فيهم الضمان المالي يكون مخلص المدة بالكامل .... شوفوا بس ..بعد هذا الكلام احنى في المعهد ققررنا نمشوا كلنا ومعانا حتى ورقة ضمان لهدا الشخص بالقيمة كاملة كدليل ... لما مشينا غادي قعدنا من الساعة 1 الى 5 وحني في جدال معاهم ... قالولنا القيمة الاولى معاش نقدروا انرجعوها بسبب اجراءات وووو قصه طويله ... وقالولنا بالحرف الواحد ادا تبوا رسالة ضمان بالقيمة كامله في الكورس الجديد انديرلكم بشرط تتنازلوا على باقي حقكم في مدة اللغة ... وهذه القصة او بدايتها ....الا درنا تعهد بان تناوانا على 8 اسابيع من مدتنا لكي نحصلوا هلى رسالة ضمان كامل للكورس الجاي 10 اسابيع وهو الاخير ان شاء الله بالنسبه ليا ودافع 1400 باوند من منحنيتي الشهرية وانا باقي الطلبة كلهم ... وهذا القصة ... الموضوع ما ينسكتش عليه وضروري من شكوى جماعية نقدموها للتعليم العالي او البعثات هذا راي انا

ما ضاع حق وراءه مطالب