بخصوص رسوم التأشيرة

كم قيمة الرسوم التي تدفع

حالياً رسوم تأشيرة التاير 4 للطالب 602 دينار ليبي وكذلك لكل مرافق من أسرته نفس الرسوم للشخص الواحد

السلام عليكم
هل يتم ارجاع رسوم التأشيرة التي تم دفعها من قبل السفارة الليبية في بريطانيا وشكرااا

لا أضن أن البعثات ترجع في قيمة التاشيرة لكن لما تقدم للتاشيرة في بريطانيا للتجديد فان الملحق الثقافي كان يرجع في قيمة التشيرة

لو سمحتم ممكن نعرف قداش قيمة اتلأشيرة لزوجين وطفلة
[b]

قيمة التاشيرة للموفد او اللي عنده قبول دراسة ومقدم تاشيرة 11 شهر 292 وللمرافقين كزائرين لمدة 6 شهور 163 للفرد

بسم الله الرحمن الرحيم

على الرغم من هناك من استلم رسوم التاشيرة الا ان تعنت الملحقية هذه المدة ..واستمرارا علرقلة الطلبة وزيادة الصعاب امامهم بدلا من تذليلها ,,,,هاهي الان تصر على عدم ترجيع الرسوم الخاصة بالتاشيرة على الرغم من اهناك من استلم هذه الرسوم ..واقسم ان هناك طلبة اعرفهم استلموا هذه الرسوم في شهر 6 الفائت.....

لا نعلم ماهو وراءء هذه القرارات الغريبة التي تتلاحق قرار وراء قرار ...فبعد ايقاف المدرسة الليبية ...هاهو هذا القرار الغريب الذي يستثني طلبة ,,,دون الاخرين

شكرا لك ايها الملحق وهذا ما كنا ننتظره منك\

كان على بالي السفارة البريطانيه هي من تقوم بارجاع الرسوم

والملحقية تشعرنا بانها تدفع من جيوب موظفيها

لانقول الا حسبنا الله ونعم الوكيل

وحسبنا الله سيؤتينا الله من فضله ان الى الله راغبون

قصدكم الفلوس إلي دفعناهم في السفارة البريطانية في طرابلس ؟؟؟تردفيهم السفارة الليبية في لندن ؟؟؟؟؟؟

نعم ياعزيزي المفترض ان ترجع لنا السفاره رسوم التاشيره وسمعت حتى الوزن الزائد عند المغادره من بريطانيا تتكقل به السفاره الليبية في لندن

حسب علمي, رسوم التأشيرة يتم تسديدها لم الطالب يقدم على التاشيره في وقت يكون فيه فاتح ملف في القسم الثقافي,, بمعنى ان القسم الثقافي غير مسؤول على اي رسوم تسدد من الطالب قبل وصوله الى بلد الدراسه و فتحله لملف طالب..

السلام عليكم .....
قصة طويلة ياشباب ... الفيزا.... باهي وين تمشى للبعثات وبعد جهد اتحصل التفويض ..
ايقولولك ... والله ما فيش تذاكر ... والله شى #$#$##$#%$%$^^%&)&)*^*^*

باهي كحل انا بنشرى التذاكر على حسابي بس اعطيهلى وين نوصل للبلاد اللى انا ماشيلها ...
تماهوا نفس الشى ... عبارة عن انى انا بنسلف الدولة فلوس لحد ما ربي يرزقها وتردهلى

قالو غني ... تاخذ التذاكر على حسابك ... دور من يخلصك
توا هذا مش كلام &$&%$%#$#@
باهي ايش الحل

والله ياخوي الواحد مستعد يشري طيارة للدولة بيش يسقدوه ويسافر والعوض على الله

بالله عليكم كيف الطالب يفتح ملف وهو مش مقدم على التأشيرة ؟

على الكلام هذا معناها الجماعة اللي رجعولهم الفلوس فتحوا ملفات بالمراسلة وبعدين قدموا على التأشيرة ، ولما سافروا رجعولهم الفلوس !!! أيعقل هذا ؟؟؟؟؟؟؟؟؟؟؟؟؟؟؟؟؟؟

نعم أخي أبو محمد ، هذا ما أقصده ... التجاوزات !

سؤال التعجب الأخير هو موجه للملحقية في لندن ، أيعقل أن يطلب من الموفد أن يفتح ملف وبعدين يقدم على التأشيرة باش ترجعله رسومها ؟ أيعقل هذا ؟؟؟ ( على قولة ناسنا الأولين : شرط النسيب الكاره)

عموماً التجاوزات يعقل جداً أن تحدث ، لكن هذه التجاوزات اللي هي في الواقع حق للطالب وليست تجاوزات علاش تطبق على ناس دون ناس ؟؟

حسبنا الله ونعم الوكيل فيهم ،،، قعدين يتعاملوا بالواسطة والوجوه والمعرفة ، وهذا من طرف فلان وهذا من طرف علان ،،، لا حول ولا قوة إلا بالله !!!

لكن اللي يديروا هكي ننصحهم بأن ما يفرحوش باللي يديروا فيه ، راهو ما دايمة لحد ، واتعظوا لما حدث للمقبور حين كان بكل قوته وجبروته وأمواله الهائلة وطغيانه ، اتعظوا يا مسئولييييييييييييييييييييييييييييييييييييييييييييييييييييييييييييييييييين !!!

تيي انتوا شن تحكوا باللهي



رسوم التأشيره ايعوض الله فيهم لكن معقوله يا خوتي اني جاي من ليبيا تفويضي كامل والتامين الصحي كلهم تمام لي ولعائلتي لم انجي لسفارة البنت الارتريه امتاع التامين الصحي الي اسمه مني اتقولي براء دبر راسك مش راح نفتحولك ملف تامين لين تبداء بالاكاديمي لانك تاشيرتك طالب زائر وحكيتله علي ظرفي بخصوص الانجاب قالتي راح تدفع من جيبك الخاص مبلغ 4500 باوند وبعد تالي قعدة يومين في لندن وضع مايعلم بيه الاربك

وحسبي الله ونعم الوكيل فيه وفي الي جابه لسفاره الي يقطع ايديه يوم ما وقع علي قراره الوسخه هادي

وبعد ثلاث ايام ايام لان السبت والاحد عطله

دخلت علي المحلق التاني محمد المبروك قالي من قالك ترفعه معاك انت من اصلو ونحن توا انكلمو البعثات مافيش طالب ايجي لبريطانيا الا وعندا تاشيرة تاير 4 توا هادا كلام معقول

وقالو براء توا انكلمو البعثات عشان انشوف شن الحل

وقالي انت خلاص جيت توا نعطيك سلفه علي مرتبك توا معقوله مرتب الضمان الي يعطوا فيه يتحمل سلفه اخري



ماعندي ما انقول الا حسبي الله ونعم الوكيل فيكم يا جماعة الملحقية والبعثات الله لا يربحكم وانشاءالله تلقوه في عيالكم وصحكتم

ولازم انديروا مظاهرة عشان انطيروهم انسقو ونطيروهم معش نبوهم

اخري الوقت من قلة الشباب الليبين الي يتحدثوا الانجليزية بطلاقه ايجبوا ارتريه افريقياء عشان تخدم فيناء وتمحقناء علينا متأسف في المصطلح هادا لكن من الحره

ولا جماعة الاستقبال قالوي براء جيبيلنا وحده او واحد يحكي انجليزيه عشان يتفاهم مع شركة التامين ونحناء انطيوره

هذا كلام تي انتوا من يا ؟؟؟؟؟؟؟؟؟ الله لا يربحكم تي انتوا حتي شهاده ماعندكم عشان تحكي معاي وقاعد تتهكم وتقولي مافيش واحد ليبي يحكي انجليزيه

لاحول ولاقوة الا بالله



واهو الي الان مانزلوي شي علي حسابي كله الي الان

حسبنا الله ونعم الوكيل !

والله معاناة ما بعدها معاناة يعاني فيها الطالب الليبي من دون الطلبة الآخرين ، السفارات الثانية قريب تدير أرجوحة من كثر ما تساعد وتدلل في طلبتها ، مش سفاراتنا اللي تحارب في طلبتها ، لله العجب !!

هذا بدل ما يريحوا الطالب باش يلهى ويفضى بدراسته يزيدوا فيه ههموم فوق هم الدراسة !!!

لا حول ولا قوة إلا بالله