الاجراءات عند دخول ماليزيا المطار +السفارة +فتح الحساب

السلام عليكم

أول الخطوات تقوم بيها في ليبيا تاكد ان تذكرتك ذهاب و عودة و العودة قبل شهرين يعني قبل ماتتم مدة التاشيرة لو انت جاي عن طريق تاشيرة سياحية تحجز في فندق من عن طريق النت او من وكالات في شارع هايتي و بعد الحجز تبعت للفندق نسخة من التذكرة علشان يبعتولك سيارة للمطار و لو جاي بتاشيرة دراسية ابعت للمعهد او الجامعة صورة من التذكرة ويستقبولك في المطار

وصلولك لمطار كولالمبور اذا كانت اول زيارة ليك وقت تنزل من الطيارة تدخل لصالة و مكتوب فوق على لوحة استلام الامتعة مكتوبة بالعربي تمشي وراها يلاقيك قطار اركب القطار و ينزلك عند الجوزات انزل من القطار و مازال تشوف نفس اللوحة الاولي إستلام الامتعة لوحة مرسوم عليها شنطة تبع السهم راح تدخل صالة كبية صالة الجوزات وين يختمو في الدخول تلاقي علي اليمين الجوزات الاجنبية و على اليسار المواطنون
طبعاً تاخد يمينك و تشد الدور في الطابور توصل للموظف يسالك اول مرة تجي لماليزيا و لشنو جاي لو تاشيرتك سياحية قول سايح يسالك كم يوم تبي تقعد قوله شهر او اي شي ..

راح يختم لك دخول بعدها راح تدخل صالة الامتعة و وقت تطلع من صالة الامتعة في محلات يمكن تاخد منهم شفرة و رصيد و يمكن تبدل فلوسك في المطار في مكان تغير العملة ..

تطلع من المطار تمشي لفندق او مكان اقامتك .. الصبح تطلع تمشي للمكتب شئون الطلبة التابع للسفارة الليبية و هدا عنوانه JALAN YAP KWAN SENG MEGAN –AVENUE ماتخافوش الشارع مشهور زي شارع عمر المختار في طرابلس طبعاً ترفع معاك صورتين شخصية و صور جواز السفر و افادات التخرج قولهم طالب جديد بنفتح ملف يعطوك نماذج تعبيها و تعبي فيها اسم المعهد اللي تبي انت تمشيله دوام السفارة من الساعة 9 صباحاً الى الساعة 4 مساء ..

يفتحو لك ملف احفظ رقم الملف امتاعك يعطوك رسالتين و حدة للمعهد و وحدة للمصرف المهم ترفع الرسالة تمشي للمعهد و بعدها المعهد يعطيك رسالة للمصرف المصرف ياخدو منك رسالتين رسالة من السفارة و رسالة من المعهد طبعاً مش اي فرع من المصرف يفتح لك المصرف الموجود عندك بالرسالة فقط طبعاً أسهل طريق للمصرف تركب القطار من محطة KLCC القريبة جداً من السفارة الليبية الى محطة Masjid kJamal تبعد عنها يمكن 3 محطات المهم مش متاكد بس قريبة حاجة 15 دقيقة تنزل في المحطة وقت تنزل من المحطة تلقى لافتة مكتوب عليها india masjd تاخد يسار و امتاع 10 متر و بعدها تاخد يمين تاني امتاع 20 متر تاني مبنى على يدك اليمين نسيت نخبركم اسم المصرف CIMB تدخل المصرف و تعطيهم الاوراق مع جواز سفرك و تقعد تستنى يعطوك اوراق تبصم عليها و توقعها و يعطوك بطاقة مصرفية و تدفع 300 رنجت تودعها في الحساب و بعطوك ورقة في معلومات حسابك ترفعها للسفارة .


[/b]

مشكور وبارك الله فيك

جزاك الله عنا كل خير
ويجعل كل حرف كتبته في ميزان حسناتك يارب .

جزاك الله الف خير

[b]هدا عنوان الفندق قريب من السفارة 20 دقيقة مشي مكانه قريب من شارع العرب سعر الليلة 100 رنجت و الدولار يساوي 3 رنجت

طبعاً السفارة قريبة من KLCC و الفندق قريب جداً من ال KLCC يعتبر سعره معقول للامانة في ارخص بس بعاد شويا اليوم لقيت في غرف
اسم الفندق
V'La Garden Hotel
العنوان NO.170 ,lalan pudu, 50200 Kluala Lumpur
hالهاتف 0060321440112
الفاكس 0060321430112
الايميل : reservation @vlacourt.com


طبعا الفندق في نهاية شارع العرب تلاقي مطاعم عربية كثيرة جبت لك عنوان واحد كويس و رخيص شوي
http://www.theroofcafe.weebly.com/ ٌ
اسم المطعم Roof cafe يقدم أكلات عربية تلاقيه ع الدور التاني



بخصوص وصلولك من الطار في ثلاث طرق
الاولي و الا سهل و الارخص تركب قطار من المطار الي محطة KLCC و تنزل من المحطة و تعطي اول تكسي العنوان و يوصلك عليه و تاكد انه مشغل العداد

الثانية تاخد تاكسي برا المطار و تعطيه العنوان و رد بالك من التاكسي الازرق غالي

الثالثة تتصل بالفندق يبعتلك سيارة للمطار أو عن طريق شركة سياحية و لو حاب هادي الطريقة خود رقم عراقي عنده شركة سياحية يوصلك من المطار للفندق و ممكن يحجزلك فندق أيضاً
60163241740+[/b]

فيه شخص ليبي يمكن يتسقبلك في المطار ويوصلك لأي مكان تبيه ... على الأقل يستفيد الليبي أولى من شخص آخر وهذا رقمه

0060126052232
اسمه السنوسي

نعم أخي و ليد و لكن فرع المصرف الموجود في KLCC لا يقوم بفتح الحساب الا عندما يكون لك تاشيرة في جوازك فيها 6 شهور و السبب التاني الرسالة اللي بتاخدها من السفارة موجهة الى المصرف اللي في masjed jamek

مشكور وبارك الله فيك

بارك الله فيكم , اسأل الله ان يجعلها في ميزان حسناتكم

السلام عليكم
هل التذاكر الذهاب والعوده يكونو حجز مبدئي

السلام عليكم والله يرحم الجميع في هذا الشهر الكريم 
أسئل حول أجار الشقق في مدينة كوالالمبور كم القيمة في الشهر حيث شقة أربع غرف وصالة ومطبخ وحمام مؤثثة

سلوى عبد القادر كتب:

السلام عليكم والله يرحم الجميع في هذا الشهر الكريم 
أسئل حول أجار الشقق في مدينة كوالالمبور كم القيمة في الشهر حيث شقة أربع غرف وصالة ومطبخ وحمام مؤثثة

 الشقق  تختلف  حسب العمارة ((الكوندو))  عموما  متوسطها 2000 رنجت في أقل بشوي و في باكتر  الشائع هنا الشقق 3 غرف و حمامين و مطبخ و صالة و مؤثثة 

بارك الله فيك

بارك الله فيك

كم متوسط ايجار الشقق المؤثثة تقريبا وشكرا

ادا كان ما طلعتلى رسالة الهجرة نقدر نطلع بتاشيرة سياحية علما بان التفويض من زمان طالع
جزاكم الله كل خير

في معهد حاليا يقبل قي التاشيرة السياحية

انتم كيف تعرفوا ان 90%او70%من التاشيرة منجز عاما بانى نخش عالموقع ونفس الكلام مكتوب من شهر

atatif كتب:

انتم كيف تعرفوا ان 90%او70%من التاشيرة منجز عاما بانى نخش عالموقع ونفس الكلام مكتوب من شهر

لمعرفة نسبة الإنجاز بخصوص الفيزا في ماليزيا
هدا موقع ممتاز يظهر لك نسبة الإنجاز مع تحديد التاريخ الدي تم فيه اجراء جديد علي الفيزا

http://www.educationmalaysia.gov.my/emgs/application/searchForm/

شكرا جزيلا لك وبارك الله فيك
بالنسبة للموق مكتوبلى
medical concerning is not attended
100%is completed
شن معنى هل كلام مع اتى دايرة فحص طبي
ارجو المساعدة