أرجوا المساعدة بخصوص قبول لغة من آيرلندا

يا soli ياريت تكتبلى الايميل امتاعك بيش نتواصل معاك او صفحتة على الفيس
نبيك اتساعدنى على قبول للغة فى ايرلندا
اسم الصفحة امتاعى على الفيس عبدالله السنوسى
الايميل [email=ashoom_1985( عفوا, يمنع نشر البريد الإلكتروني, استعمل الرسائل الخاصة )com]ashoom_1985( عفوا, يمنع نشر البريد الإلكتروني, استعمل الرسائل الخاصة )com[/email]
وشكرا الموضوع ضرورى

عندى سؤال اريد معهد للغه متلا يتبع جامعه معينه  لستكمال  دراسه الماستر بعد اللغه ؟؟
وهل ادا لم اتحصل علي درجه الايلتس المطلوبه لا ادرس ماستر

السلام عليكم 

في حد يقدر يجيبلي قبول لغة من معهد سوان 

بالله عليكم ضروري 

شكرا

الســــــــلام عليكم أخوتي ..أخواتي


ا
[size=24]
نا موفد بأدن الله للساحة الارلندية إن شاء الله
أريد مساعده للحصول علي قبول اللغه
والبحت عن شقة صغيرة في ايرلندا
والحصول علي حاضنة للطفله

وان يساعدني لبعت ملف للسقارة في لندن من أجل المنجه
مع العلم اني متزوج  وزوجتي ستدرس معي ولدي طفلة عمرها 5 أشهر واسكن في سبها

رحم الله والدي كل من ساعدني

ووالدي جميع المسلمين

وعليكم السلام ورحمه الله وبركاته
ياخوي بما انك ماشي لايرلندا ننصحك تمشي للمكتب الايرلندي الموجود في بوابه الاندلس الدور الاول لانه متخصص في ايرلندا بس موفق ان شاء الله..

وعليكم السلام ورحمة الله وبركاته

والله ياخوي انا مافهمتك كيف تبحث عن قبول لغة وتبحث عن شقة في نفس الوقت ،،

يعني في اي مرحلة واصل في إجراءاتك ، لو تبحث عن قبول لغة معناها مزال قدامك عقبة التأشيرة والكلام بعيد عن السكن وفتح الملف ،، او قصدك وصلت لايرلندا وتبحث عن تغيير عن المركز اللي طلعت عليه


تحياتي

السلام عليكم...اناعندي ماجستير في الكيمياء الحيوية السريرية واريد ان اسال هل قبول الدكتوراه صعب في ايرلندا

تحصلت على ورقة الدعم المالي وارغب في الحصول على قبول لغة من احد المعاهد في ايرلندا ، ماهي الاوراق التي يجب ارسالها مع ورقة الدعم المالي للحصول على قبول لغة ؟  او نبعث اوراقي لمكتب قبولات وهو يتكفل بالموضوع ؟

السلام عليكم ، تحصلت على ورقة الدعم المالي ، وحنراسل معهد ces او معهد duc , او ممكن  نراسلهم الاثنين  ، شن النفروض نبعثلهم من اوراق للحصول على قبول لغة ؟  وهل نراسلعم بنفسي او نشوف مكتب افضل ؟ بالله با اخوة دلوني

عدل سابقا من قبل Abu Mohamed في الثلاثاء 25 فبراير 2014, 9:53 pm عدل 1 مرات (السبب : العنوان طويل جدا)

وعليكم السلام ورحمة الله 
اختى بامكانك مراسلتهم بنفسك من خلال الموقع الخاص بالمعهد نفسه 
تنزلى الابلكيشن وتملى البيانات يلى فيه 
وطبعا ديرى صورة سكنر لجواز السفر العربى والانجليزى 
ووورقة دعم القبول 
تحطيهم فى ملف وورد وتكتبى نبذة عن نفسك بسيطة ومتى تبى المدة يلى تبدى فيها الكورس ونوع الكورس 
طبعا حتاخدى اكاديمى كورس اللغة 
وتبعثيه للمعهد خلال عشرة ايام بالكثير يردو عليك بقبول اللغة 
وانتى مش خاسرة شي ابعثى للاتنين وبعدين يلى يعجبك اختاريه 

...طبعا المعلومات هذه كلها انا جربتها شخصيا وراسلت بنفسي من خلال مساعدة الاخ الفاضل (أستاد )بارك الله فيه 

وهذه قائمة المعاهد والايميل الخاص بيهم 

http://www.ces.-schools.com/ ces معهد 

E-mail: worthing@ces-schools.com 

http://www.english.dcu.ie/DCUمعهد

E-mail: english@dcu.ie 

http://www.ihdublin.com/international house معهد


E-mail: info@ihdublin.com
وعلى كلام بعض الاخوة ces افضل 
وربى يوفقك .

وبالنسبة لكشف الدرجات وافادة التخرج لا ؟

Lamman. Libya كتب:

السلام عليكم : يا اختي فيه معاهد في الصفحة مافيش ابليكشن تبعثي بيناتك بالايميل بس . عادي ؟ وشي اخر بالنسبة للمعلومات  عليا هل نكتب بشكل عام او نكتب بالتفصيل خصوصا خبرتي الوظيفية ؟  وشن المقصود هنا بكورس لغة اكاديمي ؟

وبالنسبة لكشف الدرجات وافادة التخرج لا ؟

 تقدرى تبعثى بياناتك اذا مافيش ابلكيشن 
اهم شي تكتبى معناتها بعض المعلومات عليك 
والمعلومات بشكل عام 
زى هكى طبعا بالانجليزى تكتبيهم 

أنا الطالب .............. ليبي الجنسية وأبلغ من العمر........... وأشتغل في الجهة............... في وظيفة ................ وأرغب في الدراسة في مركز االلغة الإنجليزية لديكم من أجل الحصول على درجة الأيلتس وذلك من الفترة التاريخ ....... إلى الفترة التاريخ............ لمدة .... مع العلم بأن الدولة الليبية ستقوم بالتكفل بسداد كافة مصاريف الدراسة. أرجوا منكم قبولي لديكم وفي حالة الموافقة أرجوا منكم مراسلتي على البريد الإلكتروني........................ أو الإتصال على الرقم ....................
وبعد ذلك ترسل على إميل المركز أو الجامعة 
وزى ما ذكرتلك صورة جواز السفر سكنر ورقة الدعم المالى اما الشهادات غير مطلوبة 

بالنسبة للكورس الاكاديمى تختاريه افضل من الجنرال لانه افضل للدراسة طبعا 
Academic year course 


...
جربى اليوم والصبح ان شاء الله توة انشوفلك المعاهد غير النت عندى مش حاجة حالياً (:

تمام ، بس قعد سؤال بالنسبة للوقت ، انا لتوا مادرت شي في اجراءات الايفاد الا ورقة الدعم المالي فنخاف نحدد موعد مانلحقش نكمل اوراقي ونتم اموري فيه ، هل نطلب منهم هما يعطوني معلومات على تواريخ الكورس الاكاديمي عندهم امتى يبدا باش نحط في حسابي ؟ او انا نبعد الوقت حسب ظروفي ؟ ونخاف ندير في ٢٠١٥ يضيع عليا الايفاد خصوصا اني من دفعة قرار ٣٢٥ لي تفعل بعد رمضان لي فات وسمعت ان لو في سنة ٢٠١٤ ماسافرتش يضيع عليا ؟ ياريت تفيديني بهالخصوص وشكراااا جزيلا

Lamman. Libya كتب:

تمام ، بس قعد سؤال بالنسبة للوقت ، انا لتوا مادرت شي في اجراءات الايفاد الا ورقة الدعم المالي فنخاف نحدد موعد مانلحقش نكمل اوراقي ونتم اموري فيه ، هل نطلب منهم هما يعطوني معلومات على تواريخ الكورس الاكاديمي عندهم امتى يبدا  باش نحط في حسابي ؟ او انا نبعد الوقت حسب ظروفي ؟   ونخاف ندير في ٢٠١٥ يضيع عليا الايفاد خصوصا اني من دفعة قرار ٣٢٥ لي تفعل بعد رمضان لي فات وسمعت ان لو في سنة ٢٠١٤ ماسافرتش يضيع عليا ؟ ياريت تفيديني بهالخصوص وشكراااا جزيلا

بالنسبة لموعد الكورس انتى يلى تحدديه عادة تبدا عندهم كل يوم اثنين من الاسبوع
واختارى التاريخ اللى يناسبك وحطى قدامك التأشيرة والتفويض يعنى اختارى الموعد بعد ثلاثة الى اربع اشهر لقدام 
احتمال تختارى تاريخك مع بداية شهر يوليو 
والكورسات حتلقي المعلومات كاملة عليهن فى كل معهد 

واما بالنسبة لايفادك تمى امورك وما تفكريش فى صلاحيته لانك مجرد ما تبدى فى القرار انتى تعتبرى فى التنفيد وان شاء الله مافيش شي حيوقفه 

وعالعموم انا ارسلتلك عالخاص بعض التوضيحات ياريت تشوفيهن 
بالتوفيق اختى .