مهزله اسمها مكتب الباروني.............. من حق الطالب يسافر من اي خطوط طيران ايحبها هو.........انا كاتب نبي نسافر عن طريق خطوط الامارات المتحده الي ماليزيا قالتلي التي تشتغل في المكتب تسافر فقط عن طريق الاردن!!!!!!فعلا ابلاد سرقه في سرقه لانهم

مهزله اسمها مكتب الباروني.............. من حق الطالب يسافر من اي خطوط طيران ايحبها هو.........انا كاتب نبي نسافر عن طريق خطوط الامارات المتحده الي ماليزيا قالتلي التي تشتغل في المكتب تسافر فقط عن طريق الاردن!!!!!! ليش مع العلم اني كاتب في الاستبيان اني نبي نسافر عن طريق الامارات!!!!!!!
فعلا ابلاد سرقه في سرقه لانهم واخذين عموله من بعض الخطوط.............نبي حد يديلني شنو اندير ؟؟وكيف نقدر ناخذ افلوس بدل التذاكر منهم ونرجعهن.......ونسافر براحتي

ياعمي توكل على الله وسافر في اي خطوط.. وريح نفسك من ليبيا شوية..

السلام عليكم
اكيد مكتب الامازون
ربي يوفقك
زيد على التذكرة قيمة معينة وخلاها ذهاب واياب سنوية ، الله اعلم ممكن تحتاجها
الله اعلم بالظرف في ماليزيا لان امورها مش مية مية لا في تاشيرة ولا في قراية، وربي يستر

هل مدير مكتب الباروني هو أسامة

أخي صقر درنه الله ايعينك على هالمكتب بجد
انا في 2008 جت التدكرة امتعي مع هالمكتب الوسخ حاشى القارئيين
تصور من شهر 5 2008 الى 82008 ملبوش يصدروا التدكرة كل مرة ايوزعوا فيا و اخر مرة قالوللي شهر 8 عطلة في اوروبا و الرحلات متوقفة يعني شوف المهزلة وين توصل و كان مديرة وحد اسمه اسامة امتع سلاسل و لبس مشحط . هدا كان تحط فيه ربي معاك و انت باهي صدرولك التدكرة على الاقل

وفي النهاية دفعت من حسابي و طلعت و الي حد الان ماخديتش حقها

شكرا الي كل من ساهم برد ونا نعتز برايكم وتعليقاتكم................لان الصمت والصبر علي هذا المكتب وغيره من الناس البزنانزه امتاعين الرشاوي والنصابه علي الناس...........زهذم مفروض ما نتعاملوا معاهم.............
طيب انا كم المبلغ الذي لازم نزيده لمكتب النصاب الباروني علي التذكره باش نرجع عوده لاني داير في بالي بنرجع في اقل من سنه........وخصوصا اني طالع سائح ومش عارف امتا بيغيرولي الي طالب؟؟؟
وكم قيمة التذكره ذهاب وكم نزيد عليها عوده؟؟ وهل نرجع علي نفس الخطوط الاردنيه؟؟؟

السلام عليكم
انا دفعت لخمس اشخاص قيمة اضافية للمكتب / الامازون/ 885 دينار تقريبا وبذلك التذاكر اصبحوا ذهاب واياب صالحات لمدة ثلاث اشهر على الخطوط الاردنية،
وافضل الان السفر على المصرية لا فيها وزن 46 كجم للشخص الواحد، يعني ممتازة لصاحب العائلة
وربي يحفظكم وسائر المسلميين من كل سوء

ياصقر درنه, ماتتنازلش على حقك. أمشي أسأل البعتات و قولهم ادا حق انك ماتقدرش اتسافر الا عن طريق الأردنية. ادا قالوا ايه, فسافر و امرك لله ,وادا قالو لا , أرجع للنصاب الباروني و افلبها فوق روسهم
والله ياسر من السلبية , لازم نتحركوا كلنا ضد هدا النصاب و ادا في اعتصام ايكون افضل

سلمت يداكم وبارك الله فيكم علي تعاطفكم معاي وربي يجنبكم واياي النصابين والمخادعين
حسبنا الله ونعم الوكيل