متابعة طلب التأشيرة

لما الواحد يبي يقدم على الفيزا
يطلب من الموظف في السفارة ان يتم تفعيل خدمة الرسائل
يعني لما توصلهم الاوراق يبعتولك رسالة نصية في الموبايل
مكتوب فيها انه تم وصول الاوراق
و هذه الخدمة تفعل لمن لديه دينار ونص فقط اما لو ماعندكش 50 قرش مايفعلوهاش ليك
لانه ليس لديهم صرف

~ James كتب:

السلام عليكم

نبي نستفسر بخصوص تتبع التأشيرة من الموقع اللي عطوهولي مع ورقة الواصل

17 اليوم اللي فاتو لعند امس السبت كانت تطلعلي الجملة هذه

Your application status Arrived at the Visa Section

و توا اليوم الاحد تغيرت الجملة و بدت تطلع جملة تانية و ما فهمتش المقصود

الجملة هي

Your application status Visa decision ready for pick up by Applicant or Courier company

اللي فاهم يفهمني

بارك الله فيكم سلفا

الجملة الأولى معناها أن أوراقك اسلمتهم السفارة بعد أن قدمت عليهم في مكتب الورلد بردج
والجملة الثانية أن أوراقك جاهزة للاستلام سواء تستلمهم شخصيا أو عن طريق شخص وكلته أو شركة البريد المعتمدة لديهم.

آحر تحديث بخصوص موضوع تتبع طلب التأشيرة
http://www.almofad.com/t17799p165-topic#208523

عدل سابقا من قبل Abu Mohamed في الجمعة 01 أغسطس 2014, 11:44 pm عدل 1 مرات

شكرا عالرد و الاستجابه السريع خوي صحيت

شنو معناها نمشي غدوا نلقاها واتيا ؟؟

و رسمي دوة كان طلعت قبل 22 يوم معناها رفضو اعطائي التأشيرة ؟؟

و كان قعدت اكثر من 22 يوم معناها قبول فالاكيد ؟؟

توكل علي الله اخي
أكيد : الرسالة بمعني مستنداتك جاهزة للأستلام
وتفائل خير
بأذن الله ربي يكمل عليك غدا وتفرح بالتأشيره وتفرحنا معك
بالتوفيق

~ James كتب:

شكرا عالرد و الاستجابه السريع خوي صحيت

شنو معناها نمشي غدوا نلقاها واتيا ؟؟

و رسمي دوة كان طلعت قبل 22 يوم معناها رفضو اعطائي التأشيرة ؟؟

و كان قعدت اكثر من 22 يوم معناها قبول فالاكيد ؟؟

مش شرط ابداً

لو ما طلبتش خدمة بريد، معناها امشيلهم في الوورلدبريدج من 14:30 – 16:20 لاستلامها شخصياً

توكل على الله و تفائل و ستجد قبول،، و ادعيلنا

توكل علي الله اخي
أكيد : الرسالة بمعني مستنداتك جاهزة للأستلام
وتفائل خير
بأذن الله ربي يكمل عليك غدا وتفرح بالتأشيره وتفرحنا معك
بالتوفيق

بارك الله فيك اخي .. شكرا

مش شرط ابداً

لو ما طلبتش خدمة بريد، معناها امشيلهم في الوورلدبريدج من 14:30 – 16:20 لاستلامها شخصياً

توكل على الله و تفائل و ستجد قبول،، و ادعيلنا

لما قدمت انا خدمة الرسائل متع جني و نص غير متاحه

قالولي تتبعها عن طريق الموقع

و مشكووووور ع الرد لقد اسعدني و انا متفائل

ارجو لك القبول خوي لحبيب-موفق-و العقبه ليا قاعدين ماردوش عليا 19 يوم توا

بارك الله فيكم عالمساعده خوتي

طلعتلي التاشيرة و الشكر لله على كل حال

كازي الحبازي العقبه ليك خوي

Your application status Collected

ألف ألف مبروووووووووووووووووووووووووووك اخي
~ James
أنتم السابقون ونحن اللاحقون بأذن الله
بالتوفيق

ياجماعه امقدم علي التاير فور لي 50يوم

shadi كتب:

ياجماعه امقدم علي التاير فور لي 50يوم

هل شفت الموقع هضا؟
https://www.visainfoservices.com/pages/TrackYourApplication.aspx

shadi كتب:

ياجماعه امقدم علي التاير فور لي 50يوم

أتصل بيهم يا أخي مستحيل كل هالمده

Related case number
يعني الرفم الإشاري المكتوب في الوصل اللي أستلمته لم قدمتوا الأوراق ودفعتوا الرسوم.

عدل سابقا من قبل Abu Mohamed في الثلاثاء 21 مايو 2013, 3:34 pm عدل 1 مرات

كيفية تتبع اجراءات التأشيرة بعد اجراء المقابلة في السفارة البريطانيه

اخواني الطلبه والطالبات المساهمين في المنتدي يسعدني ان اساهم معكم بموضوع مهم قد لا يعرفه بعض الطلبة وهو كيفية تتبع اجراءات تأشيرتك بجميع مراحلها منذ اجراءاك المقابله في مكتب الىسفارة البريطانيه ان تصل مستنداتك الى مكتب الفحص الرئيسي ثم تعود مرة اخري للسفارة البريطانية في ليبيا :
اولا: تقوم بالدخول على الرابط التالي 'Track your application' service - WorldBridge Welcomes You
بعد ذلك يظهر لك الموقع او الصفحة وتقوم بادخال الرقم الموجود بالواصل المالي الذي استلمته بعد اجراء المقابله
وهو غالبا كالاتي CSC-LY-01-0000000-V وفي المربع الثاني تدخل بعض الارقام او الرموز التي تطلب منك وبعد ان تضغط على موافق يظهر لك سطر في نهاية الصفحة باللون الازرق يوضح لك اين وصلت اجراءاتك بالتحديد ، كما يوجد جدول يوضح معني كل سطر في الاسفل ، وهذا الاجراء يمكن تتبع به اجرءات طرودك ورسائلك في شركة البريد DHL
نسأل الله السداد والتوفيق لكل الطلبة.
[code]

Abu Mohamed كتب:

Related case number
يعني الرفم الإشاري المكتوب في الوصل اللي أستلمته لم قدمتوا الأوراق ودفعتوا الرسوم.

السلام عليكم

جربت كل الارقام اللي موجودة في واصل الاستلام

شي ما صار شي يقولولي غلط الرقم You must provide a case number

التأشيره ليها 38 يوم موجودة في Arrived at the Visa Section

و موعد الرحله 01\06\2013

رقم الاشاري هذل من كم خانة يتكون

و تانيا مافيش وسيلة تانيه نتواصل بيها معاهم ؟؟

و رقم الورد برودج المدار ليش ديما مقفل

حتى ذهبنا للوردج بردج و سئلناهم ع سبب التأخير .. ما افدتناش البثه .. قالت شيئ طبيعي

و كأن بها قد وزعتنا

ما الذي يحدث امامنا ؟

اخي الكريم جرب الرقم التالي:

0214782765

وربي يوفقك

Salam alikom

The "Related Case number" field is to be filled IF you have submitted a PREVIOUS enquiry, leave it blank if you have not.
Anyway, it is not a required field (no asterisk) so leave it blank and submit your form.

Good luck

~ James كتب:

السلام عليكم

انا مقدم في تاشيرة مع 3 اصدقاء



تاشيرة زائر عام .. الاول كاتبه عندي ف الابلوكيشن .. يعني ماشي معاي فالزياره .. و تاني موعد المقابله متعه قبلنا بـ 4 ايام

المهم انا تحصلت ع قبول بعد مرور 18 اليوم من التقديم

السؤال .. انا و صديقي قدم في نفس اليوم و نفس الساعه تقريبا

لماذا انا ظلت 18 اليوم و هوا تاخرت ؟؟

و صديقي المذكور في الابلوكيشن متعي اليوم ليه 25 يوم و قاعده في الفيزا ساكشن لعند اليوم

و الاخر ليه مقدم 29 يوم و قاعد ايضا في الفيزا ساكشن

نبو نراسلو الWorldBridge عبر البريد .. فيه خانه ما فهمتش شنو المطلوب مني

التوضيح في الصورة

[left]

السلام عليكم



انا قدمت عالتأشيره يوم 7/7 والان حاله طلبي هي Visa decision ready for pick up by Applicant or Courier
company



هل استطيع ان اعرف هل تم رفضي او قبولي بدون ما اذهب اليهم ..

واريد معرفه مواعيد العمل في رمضان لـأستلام  الاوراق ..

لا تستطيع؛ يجب عليك ان تستلم الظرف شخصياً و تغتحه بنفسك لتعرف الرد

هل ضروري تذهب شخصياً الى طرابلس؟ هل قدمت على خدمة البريد السريع الى طبرق او حتى بنغازي؟!

لا  .قصه البريد السريع كنت خايف منها بسبب ضياع الجواز ..

المهم استطيع يعني اذهب لأستلام الاوراق عادي لاموعد ولاشي .