نعم يجب قبولهم معيدين لانه بعدما يتم قبولك وتوفد وتحضر وترد للجامعة تلاقي مكانك محفوظ وتباشر على طول والمسؤول على تعيين المعيدين هو قسم الدراسات العليا بالجامعة
استفسار بلله لو سمحتو انا الحمد الله قريب نتخرخ من احدى الجامعات الماليزية درجة الباكلوريوس والحمد الله ننجح وبتفوق ونبى لما نرجع نشتغل كمعيد يقبلونى لما نقدم ولا لا.سمعت انا لازم تكون متخرج من احدى الجامعات يلى فى ليبيا ..ارجو الايفادة على رحمة ولديكم..وشكرا
حسب احتياج الكلية اللي حتقدم فيها .. ربما يكون تخصصك مافيش حد فيوافقوا عليك .. كمل وجيب تقدير عالي وجرب مش خاسر شيء وبامكانك تكمل ماجستير ودكتوراة ويكون وضعك اقوى في الحصول على فرصة تعيين كعضو هيئة تدريس ربي يوفقك ( لاستفسار الاخ gentle )
باهى ممكن اتجاوبونى على سؤالى هدا لى اخ متخرج دفعه 2011/2012 ومتحصل على الترتيب التانى وفى جماعه 2013فى اكتر منا بالنسبه لمن له الاحق فى ان يكون معيد هل من تخرج الاسبوع الماضى او من تخرج فى سنه2012
الحكاية تبي واسطات زي زمان زي توا انا تخرجت وكنت الاولى على دفعتي شحوروني باش طلعلي قرار الايفاد بعد قرابة السنتين من تخرجي وما رشحونيش كمعيدة رغم اني الاولى عالدفعة وقالولي هذا مش شرط عشان نقبلوك واكثر من مرة انقدم ملف وماصار شي وتوا عدد كبير من المعيدين فالكلية مايفهمو شي فالتخصص وبلا فخر انا وغيري من اللي انظلموا افضل منهم مستوى كفاءة وبشهادة اساتذتي وزملائي وكلهم متحسرين عليا /الشهر الفائت قدمت تظلم فالجامعة مرة ثانية لما سمعت فتحوا باب قبول معيدين وللاسف كالعادة مشكلتي المواليد وقالولي احني ماليناش علاقة بالادارة السابقة وماعندناش مانديرولك بري كملي ايفادك وتعالي انتمولك اجراءات ضمك لهيئة التدريس ونفس الكلام قالهولي استاذي اللي كان يدرس فيا انا كرهتها كليتي اللي مضيت فيا احلى ايام الدراسة بعد ماشحورتني والناس اللي فيها قريب ضيعولي مستقبلي فايش رايكم بعد هذا كله هل في امل يقبلوني بعد منكمل دراستي والا غير يمشوا فيا وخلاص *حسبي الله ونعم الوكيل فيهم