حياتو يحسم امر افريقيا 2017 في ليبيا

عيسى حياتو يحسم بشكل نهائي - قبل قليل - في اجتماع بمورشيوس موضوع تنظيم بطولة أمم أفريقيا 2017 لصالح ليبيا.. ألف ألف مبارك ونتمنى أن يكون الشعب على قدر المسؤولية

مبروك علينا
أن شاء الله تكون بلادنا في مستوى المسؤولية حكومة وشعباً

ألف مبروك على ليبيا والليبيين على الحدث ،،، وإن شاء الله ربي يوفق اللجنة المنظمة في استضافة الحدث ، وإن شاء الله يتم استغلال الحدث في توضيح الوجه المضيء لليبيا ،،،

أني نشوف فيها فرصه لحل العديد من المشاكل اللي عاقله فيها الدوله
وممكن نقول عليها ونسميها الفرصه الخياله لاخراج ليبيا من عنق الزجاجه
او
المركب الوحيد لنجاة ليبيا إى بر الامان

بجد بجد فرصه لاتعوض لما ليها من ايجابيات جمه
بس
بشرط
واحد فقد
ويتحقق الحلم وتقفز دولتنا الى مستوى لم يكن متوقعا ولم يكن في الحسابان
الا وهو
ان يتم تنظيم ونجاح هذا المنديال الافريقي بشكل جيد وعلى اعلى مستويات الامن
بدون اي ملاحظات سلبيه
وربي يفكنا من التفجيرات
وصدقوني العام يعرف انها فرصه نادره ولا تعوض
حتى برو اسالو زيدان

فنامل من ليبيا وناسها بكافة الفيئات تقدير ثمن هذه الفرصه واخذها المسئله على محمل الجد
بالتوفيق

السلام عليكم
بالفعل اخواني اتفق تماما معكم في ما قلتم
بصراحه نعم الموضوع ربما يكون رياضي الاتجاه
ولكن لو حكومتنا والمؤتمر الوطني ينظروا لهذا الموضوع بجدية ويتعاملوا معه بكل احترافية
فبكل تأكيد يمكنهم الأستفادة بمثل هذا الحدث في انقاص مسافات من الزمن من اجل عودة استقرار
والطمأنينة في بلدنا الحبيب وعودة الحياة بصورتها المطلوبة
فالكل يعلم ان كرة القدم اليوم اصبحت اكثر من انها مجرد لعبة
وكم اتمنى ان يستفيد الجماعة في حكومتنا او في المؤتمر الوطني من تجربة البرازيل التي ستستضيف كاس العالم العام القادم و بعدها بسنتين الالعاب الاولمبية وسترون البرازيل كيف سنتصبح بعد 5 سنوات بفضل هاذين النشاطين
ولا ننسى ايضا دولة كجنوب افريقيا كيف استفادت من استضافة كاس افريقيا 1996 وكيف ساهم في رقي البلاد
ولا ننسى ايضا تأثير كاس العالم 2010
ان شاء الله يستغلوا الفرصة خير استغلال وليس الحكومة فقط بل كل وطني غيور على ليبيا
الآن سنرى اين هيه الوطنية فعلا
وان شاء الله ابناء ليبيا لن يخيبوا امل الجميع فيهم

ان شاءالله .... ماشاءالله الكل متفائل جدا ... يسترنا الله ومايصيرش فينا كيف كاس جنوب افريقيا ... الكل يتذكر المافيات السارقه الذي كثفة نشاطها في جنوب افريقيا .... وبدل ماتحكي الاذاعات على المونديال اصبحت تحكي على قلة الامن والسرقه ئلي في الشارع ..... وياحى ل 2017 مرات يكون الوضع مستقر في ليبيا وياريت المنظمين يختاروا مناطق امنه في ليبيا مش بنغازي وطرابلس بعدين يقولوا وقعت الفأس في الرأس .... بس يرضوا اصحاب اللحى توا يمشي كأس افريقيا

الله اكبر 

انا مش موافقة

قولولي ليش؟؟؟؟

ليش؟

قلتولي ليــــــــــــــش ؟؟ لأنها محجوزة في ملاعب الساحل وبس مناطق شمال ليبيا اما الجنوب فاتوه مش موجود بالخريطة الرياضية لليبيا وانا محتجة يعني مناسبة حلوة زي هده تمر مرة بالعمر معقولة ننحرموا منها ؟؟؟؟؟؟؟؟؟؟؟؟ صح مابيخلوني نمشي للملعب لكن حتى الدوشة سادة اهو الواحد يحس انه طرف من هالبلاد